1 Ma taraia, ni ^aboong aika kaitira, ke n aia bong Tientaire—eng, taraia, a na bane n on abaia Tientaire ni kabane, ao abaia naba Iutaia, ma aomata ni kabane ake a roko iaon te aba aio ma ake a maeka iaon aaba ake tabeua, eng, n aaba nako iaon te aonaba, taraia, a na manging n te bure ma mwakuri aika bati n ribaki n aekaia nako—

2 Ao ngkana e a roko te bong are a na kawaraki iai iroun aia Uea Taanga ni Buaka, ma te baa, ma mwaeiein te aba, ma te karongoa ae korakora, ma te buaka, ma te ang ae baibati, ma uramwakan te ^aai ae kamaunai bwaai.

3 Ao a na riki ^aaaba ni kabane ake a ^bbuakana Tion, ao ni karawawata, n aiaron te mii n te tairiki; eng, e na riki aio nakoia, n aiaron te aomata ae baki ae mii, ao taraia e amwarake, ma ngke e uti ao e baki tamneina; ke n aiaron te aomata ae taka ae mii, ao taraia e mooi, ma ngke e uti ao e nimaamate, ao e aki rauaki nanona eng, aio arona ae e na riki nakoia te botanaomata man aaba ni kabane ake a kan buakana te Maunga are Zion.

4 Bwa taraia, ngkami ni kabane aika a karaoa ae buakaka, tai kakamwakuri ao tataninga, bwa ane kam na takarua, ao n tang; eng, ane kam na koro ni manging ma tiaki n te wain, ane kam na bebei ma tiaki man te mooi ae matoatoa.

5 Bwa taraia e a tia te Uea ni kabwaroa i aomi angin te kan matu ae korakora. Bwa taraia, kam a tia ni kain matami, ao kam a tia ni kaakeaia burabeti; ao a tia ni karabaia ami tia tautaeka ma ami tia mamata ibukin buakakami.

6 Ao e na koro bukina bwa te Uea ae te Atua e na kaoti ^anakoimi taeka man te ^bboki, ao bon aia taeka aomata ake a tia ni mate.

7 Ao taraia e na ^akainaki te boki anne; ao i nanon te boki bon ana ^bkaotioti te Atua, man moan rikin te aonaba ni karokoa ^ctokina.

8 Mangaia ae ngkai a tia ni ^akainaki bwaai aikai, ao a na ^baki kaotaki bwaai aika a kainaki n te tai are korakora iai te buakaka ma mwakuri aika ribaki irouia aomata. Mangaia are te boki anne, e na karabaki mai irouia.

9 Ma e na anganaki te ^aaomata temanna te boki anne, ao e na anga kanoan te boki, aika aia taeka aomata aika a tia ni mate ao n taunaki ni bubun te tano, ao e na anga taeka aikai nakon te ^baomata temanna.

10 Ma e na aki anga taeka aika a tia ni kainaki, ke n anga naba taekan te boki. Bwa e na kainaki te boki ni mwaakan te Atua, ao e na kainaki naba te kaotioti i nanon te boki ni karokoa te tai are boraoi ma nanon te Uea, bwa e na kaoti; bwa taraia, a kaoti iai bwaai ni kabane man moan karikan te aonaba ni karokoa tokina.

11 Ao e na roko te bong are a na warekaki iai kanoan te boki are e a tia ni kainaki mai taubukin auti; ao a na warekaki ni mwaakan Kristo; ao a na ^akaotaki bwaai ni kabane nakoia natiia aomata, ao aikai a na riki nakoia natia aomata, ao aikai a na riki nakoia ni karokoa tokin te aonaba.

12 Mangaia ae n te bong arei ao e na anganaki te aomata are I a tia n taekinna te boki, e na karabaki te boki mai mataia kaain te aonaba, ao bon akea ae e na nooria ma ti taan ^akakoaua ake ^bteniman aika a na nooria, ni mwaakan te Atua, i rarikin te aomata are e na anganaki; ao a na kakoaua te boki ma kanoana.

13 Ao akea riki ae e na nooria, ma ti ngkana e boraoi ma nanon te Atua, bwa a na kakoaua ana taeka nakoia natiia aomata; bwa e a tia n taekinna te Uea ae te Atua bwa a na taetae aika kakaonimaki n aiaron ae otinako ^amai wiia maate.

14 Mangaia ae e na waaki te Uea ae te Atua ni kaoti taekan te boki; ao e na kaoti ana taeka rinanoia taan kakoaua aika a mwaiti; e na kataua nakon takun nanona; ao e na reke kain ane e ^aaki butimwaea ana taeka te Atua!

15 Ma taraia, e na koro bukina bwa te Uea ae te Atua e na tuatua nakon te aomata are e anganna te boki: Uoti taeka aika a aki kainaki ao aanga nakon te aomata temanna, bwa e aonga ni kaoti nakon ae rabakau, ao e na kangai: I butiko bwa ko na ^awareka te bwai aio. Ao e na kangai ae rabakau: Uotamai te boki ao N na warekia.

16 Ao ngkai ibukin karekean mimitongiia iaon te aonaba ma ^akarekean kaubwaia are a na taekina iai aio, ao tiaki ibukin mimitongin te Atua.

17 Ao e na kangai te aomata: I aki kona n anganiko te boki bwa e kainaki.

18 Ao e na kangai ae rabakau: I aki kona ni warekia.

19 Mangaia ae e na koro bukina bwa e na manga roko te tai are e na anga iai te boki te Uea ae te Atua ma kanoana nakon ae aki rabakau; ao e na kangai te aomata ae aki rabakau: I aki rabakau.

20 Ao e na kangai te Uea ae te Atua nakoina: E na aki wareki ae rabakau, bwa e a tia n aki butimwaei, ao I kona ni karaoa oin au mwakuri; mangaia ae ko na wareki taeka ake I a tia n anganiko.

21 ^aTai riing bwaai ake a kainaki bwa ae N na kaoti n te tai are I baireia inanou; bwa N na kaotia nakoia natiia aomata ae I kona ni karaoa oin au mwakuri.

22 Mangaia ae ngkana ko tia ni wareki ake I a tia n tuatua bwa ko na wareki, ao ni karekei ^ataan kakoaua ake I taekin n au tuea nakoim, ao ko na manga kaina te boki, ao ko na karaba irou, bwa I aonga ni kaawakin taeka ake ko tuai ni wareki, ni karokoa te tai are I taku n oin wanawanau bwa N na kaoti iai bwaai ni kabane nakoia natia aomata.

23 Bwa taraia, bon Ngai te Atua; ao Ngai Atuan ^ataian kakai; ao N na kaotia nakon te aonaba bwa ti te ^barona ngai ngkoa, n te bong aio, ao n aki toki; ao I aki mwammwakuri i buakoia natia aomata ti ngkana e ^ckaineti ma aia onimaki.

24 Ao e na koro bukina bwa e na manga roko riki te tai are e na manga taetae iai te Uea nakon are e na wareki taeka ake e na anganaki;

25 ^aNgkai a kaniai aomata aikai n aia taeka, ao a ^bkarineai n taeka ake a taekin n riaia, ma a raroa nako nanoia mai irou, ao maakau irouia e reiakinaki n aia ^creirei aomata—

26 Mangaia ae N na waakini ^amwakuri aika raraoi nakoia aomata aikai, eng, ^bmwakuri aika a raraoi ma ni kamiimi, bwa e na mauna wanawanaia aia aomata aika wanawana ma n rabakau, ao e na karabaki aia atatai aia aomata aika wanawana.

27 Ao a na reke ^akaia akana a kakorakoraia ni karabai mai iroun te Uea bwaai aika a taekin! Ao a mena aia mwakuri i nanon te roo; ao a na kangai: Antai ae e nooriia, ao antai ae e ataira? Ao a na kangai naba: e koaua bwa ngkana ko rairi bwaai ni kabane ao a na akea te kaairua ae ko na noori n aiaron ana bokaboka te ^btia karao mwangko. Ma taraia, N na kaotia nakoia, e taku aia Uea Taanga ni Buaka, bwa I atai aia mwakuri ni kabane. Bwa e kona te mwakuri n taekina teuare e karaoia ni kangai, e aki karaoai? Ke e na kona te bwai are e karikaki n taekina are e karikiia bwa akea ana atatai?

28 Ma taraia, e kangai aia Uea Taanga ni Buaka: N na kaotia nakoia natia aomata ae e na aki maan ao e na karikaki Rebanon bwa te nne n aroka ae kariki uaa; ao e na aranaki te nne n aroka ae kariki uaa bwa te buakonikai.

29 ^aAo n te bong arei a na kona aika bono taningaia n ongo taeka man te boki, ao a na kona aika mataki n nooraba rinanon te maabubu ma te rootongitong.

30 Ao a na korakora mwaitia aika ^ananorinano, ao a na ^bkimwareirei i nanon te Uea, ao a na kimwareirei aika a kainnano mai buakoia aomata i nanon Atuan Iteraera ae Tabu.

31 Bwa e koaua n aron ae maiu te Uea bwa a na noora kamaunan ae ^abuakaka, ao e na tiringaki te tia bwainingare, ao a na kararoaki aika a tangira karaoan te bure.

32 Ao aomata ake a karekea te ^aaomata n te bure n aron aia taeka, ma ake a kamwanea te aomata are kaoti taekaia n te ^bbowi, ao ni ^ckanakoia aika raoiroi ni kaakea bonganaia.

33 Mangaia ae e kangai te Uea, are e kabooa Aberaam, n taekinan te bata are Iakobwa: e na toki ngkai te maamaa iroun Iakobwa, ke ni mainarake ubuna.

34 Ma ngkana e ^anooriia ana botanaomata, ao kanoan am mwakuri, irouia, a na katabua arau, ao a na katabua Atuan Iakobwa ae Tabu, ao a na maaka Atuan Iteraera.

35 Ao a na oota naba ake a ^aaki oota ni bwain te tamnei, ao ake a ngurengure a na kariaia taian ^breirei.