2 Nifai 24
    Footnotes
    Theme

    Wase 24

    Ena vakasoqoni vata ko Isireli, ka na marautaka na gauna ni vakacegu yabaki e udolu—A cemuri tani mai lomalagi ko Lusefa ena nona veisaqasaqa—Ena qaqa ko Isireli vei Papiloni (na vuravura)—Vakatautauvatataka na Aisea 14. Rauta na 559–545 B.K.

    1 Ni na lomani ira na Jekope na Turaga, ka adigitaki ira tale na Isireli, ka vakatikori ira ki na nodra vanua; ia ko ira na bvulagi era na okati vata kei ira, ka kabiti ira na mataqali i Jekope.

    2 aIa ko ira na tamata era na kauti ira ki na nodra yasana; io, mai na vanua vakayawa ki na iyalayala kei vuravura; ka ra na lesu ki na nodra bvanua yalataki. Ia na mataqali i Isireli ena taukeni ira, ia na vanua ni Turaga ena nodra na ctamata dauveiqaravi kei ira na vada; ka ra na vesuki ira vakabobula ko ira era a vakabobulataki ira e liu; era na qai lewai ira era a sa vakasaurarataki ira

    3 Ia ena qai yaco ena siga ko ya ena avakacegui iko kina na Turaga, mai na nomu rarawa, kei na nomu rere, kei na veivakabobulataki kaukauwa ko a vakasaurarataki kina.

    4 Ia ena qai yaco ena siga ko ya, ko na qai kauta cake na vosa vakaibalebale oqo vua na tui aPapiloni, ka kaya: E rawa vakaevei me mudu ko ira na dauveivakasaurarataki, me mudu na koro koula!

    5 Sa musuka na Turaga na nodra isamu na tamata ca, na nodra matanakilagi na iliuliu.

    6 O koya ka dau yaviti ira tiko ga na tamata e na cudru waqawaqa, ko koya ka daulewa na veimatanitu ena cudru, e na vakacacani, ka na sega ni dua e tarova.

    7 Sa qai vakacegu ko vuravura taucoko, ka vakanomodi; era sa qai tabalaka na aseresere.

    8 Io, sa reki na aveikau ena vukumu, kei na sitari talega ni Lepanoni, ka sa kaya: Ni ko sa qai bdavo no, sa sega ni lako mai na cdautakau me vakacacani keimami.

    9 Ena vakayavalati ko aeli ena vukumu, ka na tavaki iko ena nomu lako mai; ena vakayavalati ira na bmate ena vukumu, io ko ira sara ga na turaga ni vuravura; sa vakaduri mai na nodra itutu vakatui ko ira kecega na tui ni veimatanitu.

    10 Ka ra na vosa ka kaya vei iko: Ko iko talega ko sa malumalumu li me vakataki keimami? Ko sa vakataki keimami li?

    11 Sa biu sobu na nomu lagilagi ki na ibulubulu; kei na domo ni nomu vaioli sa sega ni rogoci; sa tevu e rukumu na ulo, ka sa ubi iko na ulo.

    12 aKo lutu vakacava mai lomalagi, isa bLusefa, na kalokalo ivolasiga! Ko sa tamusuki sobu ki na qele, o koya era sa vakamalumalumutaki kina na veimatanitu!

    13 Io ko a kaya e lomamu: aAu na cabe cake ki lomalagi, ka’u na vakacerecerea na noqu itikotiko vakatui me cecere cake mai na kalokalo ni Kalou; ka’u na dabe talega mai na dela ni ulunivanua ni soqoni, ena tikina ki na bvualiku;

    14 Ka’u na cabe cake me sivia na o; ka’u na vakataki koya sa Cecere sara.

    15 Ia ko na biu sobu ga ki eli, ki na yasa ni aqara titobu.

    16 Ko ira era raici iko era na araici iko vakaqiqo, era na vakananumi iko, ka kaya: Oqo li na tamata ka sautaninini kina ko vuravura, ka vakayavalata na veimatanitu?

    17 Ka cakava na vuravura me lekutu, ka dauvakarusa na kena veikoro, ka sega ni dolava na vale ni nona kaivesu?

    18 Ko ira kece na tui ni veimatanitu, io, ko ira kecekecega, era davo ena lagilagi, ko ira yadua ena anodra dui vale.

    19 Ia ko iko ko sa biu tani mai na nomu ibulubulu me vaka na ataba ni kau sa vakasisilataki, kei ira na ivovo ni vakamatei, era sa lausua ena iseleiwau, ka lako sobu ki na bveivatu ni qara titobu, me vaka na yago ni mate sa butubutuki.

    20 Ko na sega ni bulu vata kei ira, ni ko sa vakarusa na nomu vanua ka vakamatei ira na nomu tamata; era na sega sara ni rogo na nodra akawa na bivalavala ca.

    21 Me vakarautaki na veivakamatei me baleti ira na luvena ena vuku ni nodra aivalavala ca na nodra qase, me ra kakua ni tucake tale, se taukena na vanua, se vakatawana na delai vuravura ena veikoro.

    22 Ni’u na tucake ka saqati ira, sa kaya na Turaga ni Lewevuqa, ka muduka tani mai Papiloni na ayaca, kei na ivovo, kei na luvena tagane, kei na bvugona, sa kaya na Turaga.

    23 Au na cakava talega me anodra itikotiko na belo, kei na veitobu wai; ka’u na taviraka laivi ena itataviraki ni veivakarusai, sa kaya na Turaga ni Lewevuqa.

    24 Sa bubului kina na Turaga ni Lewevuqa, ka kaya: E dina, me vaka au sa lewa ena qai yaco vakakina; ia me vaka au sa nakita, ena yaco me vakakina—

    25 Ni’u na kauti koya na kai aAsiria ena noqu vanua, ka buturaki koya sobu ena dela ni bnoqu ulunivanua; ia na nona ivua ena qai biu tani vei ira, kei na nona cicolacola ena kau tani mai tabadra.

    26 aOqo na kena inaki sa nakiti ki vuravura taucoko; ia oqo na liga sa dodo yani ki na veimatanitu kecega.

    27 Ni sa nakita ga na Turaga ni Lewevuqa, ia ko cei me vakadaroya? Ia sa dodo yani na ligana, ia ko cei me na vakasuka lesu?

    28 Ena ayabaki ka mate kina ko bEasi na tui, sa votu kina na icolacola oqo.

    29 Mo kakua ni reki ko iko, Filisitia raraba, ni sa qai ramusu na ititoko ikoya ka yaviti iko; ka ni na tubu mai na vu ni gata na gata batigaga, ia na vuana ena gata vuka vakabukawaqa.

    30 Ena qai kana na nodra ulumatua na dravudravua, ka ra na davo sobu vakavinaka ko ira na vakaloloma; ka’u na vakamatea na wakamu ena dausiga, ia na ivovo ni nomu kawa ena vakamatea ko koya.

    31 Mo qoqolou, na matamata; Mo tagi, na koro; Ko iko, Filisitia raraba, ko sa waicala sara; ni na lako mai na vualiku e dua na kubou, ena sega e dua me tiko taudua ena nona gauna lokuci.

    32 Ia na cava me qai saumi vei ira na mata ni veivanua? Ni sa tauyavutaki aSaioni na Turaga, ia ko ira na nona btamata dravudravua era na cnuidei kina.