Mataupu 22
I le aso o le Meleniuma o le a vivii ai tagata uma i le Alii—O le a afio o ia faatasi ma i latou—Faatusatusa i le Isaia 12. E tusa o le 559–545 T.L.M.
1 Ma i lena aso o le a e fai mai ai: Le Alii e, o le a ou vivii atu ia te oe; e ui ina sa e to’atama’i mai ia te a’u ae ua liliu ese lou toasa, ma ua e faamafanafana mai ia te a’u.
2 Faauta, o le Atua o lo’u olataga lea; o le a ou afaalagolago i ai, ma ou lē fefe; ona o le Alii o eIeova o lo’u malosi ma la’u pese lea; ua avea foi o ia ma o’u olataga.
3 O lea, o le a outou utu avai ma le olioli mai vaipuna o le olataga.
4 Ma i lena aso o le a outou fai mai ai: Ia aviia le Alii, valaau atu i lona suafa, ta’u atu ana galuega i totonu o le nuu, fai atu ua faaeaina lona suafa.
5 aPepese atu ia i le Alii; aua ua faia e ia mea e silisili ona lelei; ua iloa lenei mea i le lalolagi atoa.
6 Ia avalaau ma alaga atu, oe lē ua nofo i Siona; ona ua silisiliese le Paia e Toatasi o Isaraelu ua i totonu ia te oe.