1 Epi yon ^aflèch ^bpral sòti nan ^cIzayi, e yon branch pral sòti nan rasin li yo.

2 Epi ^aLespri Senyè a pral repoze sou li, lespri lasajès ak entèlijans, lespri konsèy ak fòs, lespri bon konprann ak lakrent pou Senyè a;

3 Epi li pral fè l konprann vit nan lakrent pou Senyè a; e li p ap pote ^ajijman sou aparans, ni tou li p ap reprimande daprè sa zòrèy li tande.

4 Men li pral sèvi ak ^alajistis pou l jije pòv yo, e li pral fè ^breprimand egalego pou moun ^cdosil ki sou tè a; li pral frape tè a avèk baton bouch li, e li pral touye mechan yo avèk van bouch li.

5 Epi lajistis pral sèvi l sentiwon nan ren l, e fidelite pral sèvi kòd sentiwon nan ^aren li.

6 Lou pral rete avèk ti mouton, leyopa pral kouche bò kote ti kabrit, e ti bèf, ti lyon ak gwo bèf gra pral ansanm; e yon timoun piti pral mennen yo.

7 Epi femèl bèf pral manje ak lous; e pitit yo pral kouche ansanm; e lyon pral manje zèb tankou towo bèf.

8 Epi timoun nan tete pral jwe nan twou koulèv pwazonnen, e timoun ki sòti nan tete pral foure men l nan twou ^akoulèv bazilik.

9 P ap gen ^ani blesi ni destriksyon sou tout mòn sen mwen an, paske tè a pral ranpli avèk ^bbonkonprann Senyè a, menm jan dlo kouvri lanmè a.

10 Epi, ^ajou sa a, gen yon ^brasin Izayi ki pral kanpe tankou banyè pou pèp yo; ^cJanti yo pral chèche ^dl; e repo li pral gloriye.

11 Epi, se pral konsa, jou sa a, Senyè a pral lonje men l yon ^adezyèm fwa pou l retounen rès pèp li a ki pral rete nan peyi Asiri, nan peyi Ejip, nan peyi Patwòs, nan peyi Etyopi, nan peyi Elam, nan peyi Chinea, nan peyi Amat, ak zile ki nan lanmè yo.

12 Epi li pral plante ^adrapo yon pou nasyon yo, e li pral rasanble ^begzile pèp Izrayèl yo, e li pral ^crasanble moun Jida yo ki te dispèse a ansanm, sòti nan kat kwen tè a.

13 ^aJalouzi Efrayim nan pral sispann, epi advèsè Jida yo pral disparèt; ^bEfrayim p ap jalou kont ^cJida, epi Jida p ap atake Efrayim.

14 Men yo pral ^avole sou zèpòl Filisten yo nan direksyon lwès; yo pral piye moun oryan yo ansanm; yo pral mete men yo sou Edòm ak Moab; e pitit Amon yo pral obeyi yo.

15 Epi Senyè a pral ^adetwi branch lanmè Ejipsyen yo nèt; e avèk gwo van li a, li pral souke men l sou rivyè a, e li pral frape l nan sèt kouran li yo pou l fè wout nan mitan l pou lèzòm.

16 Epi, pral gen yon ^agran chemen pou rès pèp li a ki pral rete nan Asiri, menm jan sa te ye pou Izrayèl nan jou li te monte sòti nan peyi Ejip la.