Tusitusiga Paia
2 Nifae 2


Mataupu 2

O le togiolaina e oo mai e ala i le Mesia Paia—O le filifiliga saoloto (faitalia) ua taua i le olaga ma le alualu i luma—Na pa’ū Atamu ina ia i ai le tagata—Ua saoloto tagata e filifili le saolotoga ma le ola e faavavau. E tusa o le 588–570 T.L.M.

1 Ma o lenei, Iakopo, ou te tautala atu ia te oe: O oe o la’u aulumatua na fanauina i aso o lo’u puapuaga i le vao. Ma faauta, o lou laitiiti lava na e mafatia ai i puapuaga ma le faanoanoa tele, ona o le lē migao o ou uso.

2 Ae ui i lea, Iakopo e, la’u ulumatua na fanauina i le vao, ua e iloa le silisiliese o le Atua; ma o le a ia faapaiaina ou puapuaga mo lou manuia.

3 O le mea lea, o le a faamanuiaina lou agaga, ma o le a e nofo saogalemu faatasi ma lou uso, o Nifae; ma o le a faaaoga ou aso i le galuega a lou Atua. O le mea lea, ua ou iloa ua togiolaina oe, ona o le amiotonu o lou Togiola; ona ua e vaai e afio mai o ia i le atoatoaga o taimi e aumai le olataga i tagata.

4 Ma sa e avaai i lona mamalu i lou talavou; o le mea lea, ua faamanuiaina ai oe e pei lava o i latou o le a auauna atu i ai o ia i la le tino; ona ua tutusa le Agaga, o ananafi, i le asō, ma le faavavau. Ma ua saunia le ala mai le pa’ū o le tagata, ma ua emaua fua le olataga.

5 Ma ua lava le aoaoina o tagata ua latou ailoa ai le lelei mai le leaga. Ma ua tuu mai le tulafono i tagata. Ma e tusa ma le tulafono, e leai se tagata e eta’uamiotonuina; ma, e tusa ma le tulafono, ua ivavae ese tagata. Ioe, e tusa ma le tulafono faaletino sa vavae ese i latou; o lenei foi, e tusa ma le tulafono faaleagaga, ua fano i latou mai i mea ua lelei, ma ua pagatia e faavavau.

6 O le mea lea, o le atogiola e oo mai ma ala mai i le eMesia Paia; ona ua tumu o ia i le ialofa tunoa ma le upumoni.

7 Faauta, ua ofo atu e ia o ia lava o se ataulaga mo agasala, e faamalieina ai faamoemoega o le tulafono, mo i latou uma o e ua i ai le loto momomo ma le agaga salamo; ma ua leai lava se tasi e mafai ona faamalieina ai efaamoemoega o le tulafono.

8 O le mea lea, ua taua tele ai le faailoa atu o nei mea i tagata o le lalolagi, ina ia latou iloa e lē mafai e se tagata ona mau i le afioaga o le Atua, avagana ai ua ala atu i galuega, ma le alofa mutimutivale, ma le alofa tunoa o le Mesia Paia, o lē ua tuuina atu lona soifua e tusa ma la le tino, ma toe ave a’e e ala i le mana o le Agaga, ina ia mafai ona ia faataunuuina le etoetutu mai o e ua oti, i le avea ai o ia ma lē e muamua toetu mai.

9 O le mea lea, o ia o le faapolopolo-muamua i le Atua, talu ai ona o le a faia o ia ma apuluvaga mo le fanauga uma a tagata; ma o i latou o e e talitonu ia te ia o le a faaolaina.

10 Ma ona o le apuluvaga mo tagata uma, e o atu tagata uma i le Atua; o le mea lea, latou te laulaututu ai i ona luma, ia efaamasinoina e ia e tusa ma le upumoni ma le ipaia ua ia te ia. O le mea lea, o faamoemoega o le tulafono ua tuuina mai e le Paia e Toatasi, e oo i le faataunuuina o le faasalaga lea ua talafeagai, le faasalaga talafeagai lea e faafeagai ma le fiafia ua talafeagai, e faamalieina ai faamoemoega o le otogiola

11 Ona e ao lava ina i ai se afaafeagai o mea uma. A na lē faapea, o la’u ulumatua-muamua na fanauina i le vao, e lē mafai ona faataunuuina le amiotonu, po o le amioleaga, po o le paia po o le pagatia, po o le lelei po o le leaga. O le mea lea, e tatau ai ona tuufaatasia o mea uma o se mea e tasi; o le mea lea, afai e tatau ona tutasi se mea nao ia lava, e tatau ona tumau i le tulaga ua i ai e pei ua mate, ua leai se ola po o se mate, po o se pala po o se lē pala, fiafia po o le pagatia, po o le lagona po o le lē lagona.

12 O le mea lea, pe sa tatau ai ona foafoaina o lea mea o se meanoa; a na faapea po ua leai se aaoga o le faamoemoe i le iuga o lona foafoaga. O le mea lea, pe ua tatau ai i lenei mea ona faaumatiaina o le poto o le Atua ma ona faamoemoega e faavavau, ma le mana foi, ma le alofa mutimutivale, ma le efaamasinotonu o le Atua.

13 Ma afai tou te fai mai ua aleai se tulafono, o le a outou fai mai foi ua leai se agasala. Afai tou te fai mai ua leai se agasala, o le a outou fai mai foi ua leai se amiotonu. Ma afai e leai se amiotonu e leai se fiafia. Ma afai e leai se amiotonu po o se fiafia, ua leai se faasalaga po o se pagatia. Ma afai e leai nei mea, ua eleai se Atua. Ma afai ua leai se Atua, ua leai i tatou, po o le lalolagi; ona semanu po ua leai se foafoaga o mea, e leai foi se gaoioi po o le faagaoioi; o le mea lea, semanu po ua mou atu mea uma.

14 Ma o lenei, o’u atalii e, ua ou tautala atu ia te outou i nei mea mo lo outou lelei ma aoaoga; ona o loo i ai se Atua, ma sa ia afoafoaina mea uma, i le lagi ma le lalolagi, ma mea uma o i ai, o mea uma e gaoioi ma mea e efaagaoioi.

15 Ma ina ia faataunuuina ona afaamoemoega e faavavau i le iuga o le tagata, ina ua uma ona foafoaina e ia o tatou uluai matua, ma manu vaefa o le fanua, ma manu felelei o le ’ea, ma i sona aotelega, o mea uma ua foafoaina, e tatau ona i ai sona faafeagai; e i ai le efua ifaasaina e faafeagai ma le olaau o le ola; o le tasi e suamalie ma o le isi e oona.

16 O le mea lea, na tuuina mai ai e le Alii le Atua i le tagata ia tatau ona ia afai mo ia lava. O le mea lea, e lē mafai e le tagata ona ia fai mo ia lava vagana ai ua efaatosina o ia e le tasi po o le isi.

17 Ma o a’u, o Liae, e tusa ma mea na ou faitauina, e ao ona ou manatu ai e i ai se aagelu a le Atua, e tusa ma mea ua tusia, na epa’ū ifo mai i le lagi; o le mea lea, na avea ai o ia o se tiapolo, i lona saili o le mea ua leaga i luma o le Atua.

18 Ma ona ua pa’ū ifo o ia mai le lagi, ma ua pagatia e faavavau, o lea ua asaili ai foi e ia le pagatia o tagata uma. O le mea lea, na fai atu ai o ia ia eEva, ioe, le gata tuai lava lena, o lē o le tiapolo lea, o lē o le tamā o ipepelo uma, o le mea lea na fai atu ai o ia: ’Ai i le fua o le laau faasaina, ma e te lē oti, ae o le a avea oe e pei o le Atua, i le oiloa o le lelei ma le leaga.

19 Ma ina ua uma ona aaai o Atamu ma Eva i le fua o le laau faasaina, sa tutuli ese i laua i fafo o le faatoaga o eEtena, e galueaiina le eleele.

20 Ma ua la fanauina fanau; ioe, le aaiga lava o le lalolagi uma.

21 Ma sa faalevalevaina aso o le fanauga a atagata, e tusa ma le finagalo o le Atua, ina ia mafai ona latou esalamo a’o i ai i la le tino; o le mea lea, o lo latou tulaga ua avea ma se tulaga e nofo ivaavaaia ai, ma sa faaumiumiina lo latou taimi, e tusa ma poloaiga na tuuina mai e le Alii le Atua i le fanauga a tagata. Ona ua tuuina mai e ia le poloaiga e ao i tagata uma ona salamo; ona ua ia faaali mai i tagata uma ua ose i latou, ona o le solitulafono a o latou matua.

22 Ma o lenei, faauta, ana lē solitulafono Atamu e lē pa’ū o ia, ma tumau pea o ia i le faatoaga o Etena. Ma e tumau pea mea uma na foafoaina i le tulaga e tasi sa i ai ina ua uma ona foafoaina; ma tumau ai pea e faavavau, ma ua leai se iuga.

23 Ma ua lē maua e i laua ni afanau; o le mea lea semanū e tumau pea i laua i le tulaga o le lē sala, e aunoa ma se olioli, ona sa la lē iloa se pagatia; la te lē faia se mea lelei, ona sa la lē iloa le agasala.

24 Ae faauta, ua faia mea uma e tusa ma le poto o ia o lē ua asilafia mea uma.

25 Na apa’ū eAtamu ina ia i ai tagata; ma ua ii ai tagata, ina ia latou maua le oolioli.

26 Ma e afio mai le aMesia i le atoatoaga o taimi, ina ia mafai ona ia etogiolaina le fanauga a tagata mai le pa’ū. Ma ona ua togiolaina i latou mai le pa’ū ua latou isaoloto ai e faavavau i le iloa o le lelei mai le leaga; e fai mo i latou lava ae lē faamalosia, vagana ai i le faasalaga a le otulafono i le aso tele ma le gataaga, e tusa ma poloaiga ua tuuina mai e le Atua.

27 O le mea lea, ua asaoloto tagata e tusa ma la le tino; ma ua tuuina mai ia te i latou mea uma e tatau ai mo le tagata. Ma ua latou saoloto e efilifili le saolotoga ma le iola e faavavau, e ala i le Puluvaga sili o tagata uma, pe filifili le faatagataotauaina ma le oti, e tusa ma le faatagataotauaina ma le mana o le tiapolo; ona ua saili o ia ’ia pagatia tagata uma e pei o ia lava.

28 Ma o lenei, o’u atalii e, ou te manao ia outou tepa taulai i le aPuluvaga sili, ma faalogo i ana poloaiga silisili, ma faamaoni i ana afioga, ma filifili le ola e faavavau, e tusa ma le finagalo o lona Agaga Paia.

29 Ma aua le filifilia le oti e faavavau, e tusa ma manaoga o le tino ma le leaga o i ai i totonu, lea ua tuu atu ai i le agaga o le tiapolo le mana e afaatagataotaua ma aumai ai outou i lalo i eseoli, ina ia mafai ona nofotupu o ia i luga o outou i lona lava malo.

30 Ua ou tautala atu nei upu itiiti ia te outou uma, o’u atalii e, i aso mulimuli o loo o’u nofo vaavaaia ai; ma ua ou filifilia le vaega lelei, e tusa ma upu a le perofeta. Ma ua leai se isi lava o’u faamoemoe vagana ai le manuia tumau e faavavau o o outou agaga. Amene.