Kapitulo 19
Si Isaias namulong bahin sa Mesiyas—Ang katawhan nga anaa sa kangitngit makakita og talagsaong kahayag—Alang kanato matawo ang usa ka bata—Mahimo Siya nga Prinsipe sa Kalinaw ug magdumala sa trono ni David—Itandi sa Isaias 9. Mga 559–545 B.C.
1 Bisan pa niana, ang kangiob dili sama sa nasinati atol sa iyang paghigwaos, nga sa una gaan ra ang iyang gihatag nga kasakit sa ayuta sa Zabulun, ug sa yuta sa Neptali, ug pagkahuman niana mihatag og mas bug-at nga kasakit atol sa ilang panaw padulong sa Pulang Dagat tabok sa Jordan sa mga nasod sa Galilea.
2 Ang katawhan nga nagpakabuhi sa akangitngit nakakita og talagsaong kahayag; sila nga nanagpuyo sa yuta sa anino sa kamatayon, kanila ang kahayag midan-ag.
3 Imong gipadaghan ang mga nasod, ug agidugangan ang kalipay—naglipay sila sa imong atubangan sama sa kalipay atol sa ting-ani, ug sama sa kamaya sa mga tawo dihang gibahin na nila ang ilang nailog.
4 Kay imong gibali-bali ang yugo nga iyang pangpas-an, ug ang yayonganan nga tukon sa iyang abaga, ang bunal sa iyang tigpanlupig.
5 Kay ang matag pakig-away sa manggugubat giubanan og alingogngog nga kaguliyang, ug mga sapot nga naumog sa dugo; apan kini magdala og sunog ug makapadilaab nga sugnod.
6 Kay alang kanato ang usa ka abata natawo, alang kanato ang usa ka anak nga lalaki gihatag; ug ang bkagamhanan igatungtong sa iyang abaga; ug ang iyang ngalan pagatawagon og Kahibulongan, Magtatambag, Ang cDios nga Makagagahom, Ang dAmahan nga walay kataposan, Ang Prinsipe sa eKalinaw.
7 Sa kauswagan sa iyang apangagamhanan ug kalinaw bwalay kataposan, ibabaw sa trono ni David, ug sa ibabaw sa iyang gingharian, aron sa pagtukod niini, ug aron sa pagtuboy niini gamit ang paghukom ug gamit ang kaangayan sukad karon, gani hangtod sa hangtod. Ang kadasig sa Ginoo sa mga Panon mao ang mohimo niini.
8 Ang Ginoo mipadala sa iyang pulong ngadto kang Jacob ug kini midan-ag sa aIsrael.
9 Ug ang tanan nga katawhan mahibalo, gani ang Ephraim ug ang mga lumulupyo sa Samaria, nga mibati og garbo ug kamapahitas-on sa kasingkasing:
10 Ang mga bloke nga tisa mangatumpag, apan magtukod kita gamit ang mahalong mga bato; ang mga sicomoro gipamutol, apan ilisan nato kini og mga tugas.
11 Busa ang Ginoo mopahimutang og mga kaaway ni aResin batok kaniya, ug mohiusa sa iyang mga kaaway;
12 Ang mga Sirianhon mag-una ug ang mga Filistehanon maulahi; ug magnganga sila nga amolamoy sa Israel. Tungod niining tanan ang iyang bkasuko wala mahunong, apan ang iyang kamot nakalugway sa gihapon.
13 Kay ang katawhan adili moduol ngadto kaniya nga misakit kanila, ni sila mangita sa Ginoo sa mga Panon.
14 Busa ang Ginoo moputol gikan sa Israel sa ulo ug sa ikog, sa sanga ug sa bugang sulod lamang sa usa ka adlaw.
15 Ang karaang tawo, siya ang ulo; ug ang propeta nga nagtudlo og mga bakak, siya ang ikog.
16 Kay ang mga pangulo niini nga katawhan mao ang mipahisalaag kanila; ug sila nga ilang gipangulohan gilaglag.
17 Busa ang Ginoo dili malipay sa ilang mga batan-ong lalaki, ni adunay akaluoy sa mga walay amahan ug sa mga biyuda; kay ang matag usa kanila tigpakaaron-ingnon ug tigbuhat og daotan, ug ang matag ba-ba naglitok og bbinuang. Tungod niining tanan ang iyang kasuko wala mahunong, apan ang iyang ckamot nakalugway sa gihapon.
18 Kay ang kadaotan nagdilaab sama sa kalayo; molamoy kini sa mga sampinit ug mga tunok, ug mosunog sa mga kalibonan sa kalasangan, ug mosulbong kini sama sa pagsulbong sa aso.
19 Pinaagi sa kaligutgot sa Ginoo sa mga Panon ang yuta mongitngit, ug ang katawhan mahisama sa sugnod sa kalayo; awalay tawo nga moluwas sa iyang igsoon.
20 Ug mangilog siya pinaagi sa tuo niyang kamot ug gutomon; ug amokaon siya gamit ang iyang wala nga kamot ug dili sila mabusog; silang matag usa mokaon sa unod sa iyang kaugalingong bukton—
21 Si aManases, bEphraim; ug si Ephraim, Manases; sila magkauban nga mobatok sa cJuda. Tungod niining tanan, ang iyang kasuko wala mahunong, apan ang iyang kamot nakalugway sa gihapon.