1 Na vosa ka a ^araica ko ^bAisea, na luvei Emosi, me baleti Juta kei Jerusalemi:

2 Ka na qai yaco ena veisiga mai muri, ni na vakataudeitaki na ^aulunivanua ni ^bvale ni Turaga ena dela ni ^cveiulunivanua, ka na vakacerecerei ena vei delana, ka ra na drodro yani kina na veimatanitu kecega.

3 A ra na lako na tamata e lewe vuqa ka kaya, Dou lako mai, me da mai la’ki cabe cake ki na ulunivanua ni Turaga, ki na vale ni Kalou i Jekope; ena vakavulica vei keda ko Koya na nona ivalavala, ka da na ^alakova na nona sala; ni na lako yani mai Saioni na ^blawa, kei na vosa ni Turaga mai Jerusalemi.

4 Ia ena ia na ^aveilewai vei ira na veimatanitu, ka na vunauci ira na lewe vuqa: ka ra na tukitukia na nodra iseleiwau me bati ni siviyara, kei na nodra moto me isele ni sasamaki—ena sega ni lave iseleiwau e dua na matanitu ki na dua tale na matanitu, a ra na sega ni vulica tale na ivalu.

5 Oi kemudou na mataqali i Jekope, dou lako mai me da lako ena rarama ni Turaga; io, dou lako mai, ni dou sa ^alako sese kecega, na tamata yadua ki na nona sala ca.

6 O koya gona, oi kemuni na Turaga, ko ni sa biuti ira na nomuni tamata, na mataqali i Jekope, ni ra sa ^avakasinaiti mai natuicake, ka vakarorogo vei ira na daukilakila me vakataki ira na kai ^bFilisitia, ka ra sa ^cvakamarautaki ira kei ira na luvedra na vulagi.

7 Na nodra vanua sa sinai talega ena siliva kei na koula, ka sa sega ni vakaiyalayala na nodra iyau; na nodra vanua sa sinai talega ena ose, ka sa sega ni vakaiyalayala na nodra qiqi-ni-valu.

8 Na nodra vanua sa sinai talega ena ^amatakau; era sa vakarokoroko ki na cakacaka ni ligadra ga, na ka sa cakava na iqaqalo ni ligadra ga.

9 Ka sa sega ni cuva ^asobu na tamata wale, ka sa sega ni vakayalomalumalumutaki koya na tamata qaqa, o koya, mo ni kakua kina ni vosoti koya.

10 Oi kemuni na tamata ca, mo curu ki na vatu, ka ^avunitaki iko ena kuvu ni soso, ni na yaviti iko na rerevaki ni Turaga kei na lagilagi ni nona iukuuku vakaturaga.

11 Ka na qai yaco ni na vakayalomalumalumutaki na mata viavialevu ni tamata, ka na loveci sobu na nodra qaciqacia na tamata, ka na vakacerecerei duadua ga na Turaga ena siga ko ya.

12 Ni na yaco kusarawa mai na nona ^asiga na Turaga ni Lewevuqa vei ira na veimatanitu kecega, io, vei ira yadua kece sara; io, vei ira na viavialevu kei na ^bqaciqacia, kei ira kecega era sa vakacerecerei; ka na vakalolovirataki ko koya.

13 Io, ena yaco na siga ni Turaga vei ira kece na sitari ni Lepanoni, ni ra sa cecere ka laveti cake; kei na oki kecega ni Pasani;

14 Kei na veiulunivanua cecere kecega, kei na veidelana kecega, kei na veimatanitu kecega sa laveti cake, kei ira kecega na tamata;

15 Kei na vale ni valu cecere kecega, kei na bai lalaga kecega;

16 Kei na veiwaqa kecega ni ^awasawasa, kei na waqa kecega ni Tasisi, kei na iyaloyalo kecega sa rairai vinaka.

17 Ka na loveci sobu na qaciqacia ni tamata, ka vakalolovirataki na viavialevu ni tamata; ka na vakacerecerei duadua ga Turaga ena ^asiga ko ya.

18 Kei na matakau ena vakaotia sara ko Koya.

19 Ka ra na curu ki na qara vatu, kei na qara qele, ni na yaco me ra rerevaka na Turaga, kei na lagilagi ni nona iukuuku vakaturaga ena yaviti ira, ni sa tucake ko Koya me kuretaka vakaca sara na vuravura.

20 Ena siga ko ya ena biuta tani na tamata na nona matakau siliva, kei na nona matakau koula, ka cakava vaka ikoya ga me qarava, na kalavo kei na beka;

21 Me la’ki curu ki na laqa ni vatu, kei na ulu ni vatu sukusukura, ni na yaco me ra rerevaka na Turaga, kei na iukuuku vakaturaga ni nona lagilagi ena yaviti ira, ni sa tucake ko Koya me kuretaka vakaca sara na vuravura.

22 Dou ^akakua ni goleva na tamata, sa tiko ga na nona icegu ena qara ni ucuna; ni na yaga li ki na cava ko koya?