1 Nefi

Pokello ea Libuka

1 Nefi

Khaolo ea 1
Nefi o qala pale ea batho ba habo—Lehi o bona ponong ts’iea ea mollo ’me o bala ho tsoa bukeng ea boporofeta—O rorisa Molimo, o bolela ka ho tla ha Messia ’me o porofeta ka ho timetsoa ha Jerusalema—O hlorisoa ke Ba-Juda. Ka bo 600 B.C.
Khaolo ea 2
Lehi o nka lelapa la hae ho ea lefelleng le pela Leoatle le Lefubelu—Ba siea thepa ea bona—Lehi o etsetsa Morena sehlabelo ’me o ruta bara ba hae ho boloka litaelo—Lamane le Lemuele ba tletleba khahlanong le ntat’a bona—Nefi o oa mamela ’me o rapela ka tumelo; Morena o bua le eena ’me o khethoa ho busa bana b’abo. Ka bo 600 B.C.
Khaolo ea 3
Bara ba Lehi ba khutlela morao ho ea fumana matlapa a ts’epe e khubelu—Labane o hana ho nehelana ka matlapa—Nefi o khothatsa le ho khothaletsa baholoane ba hae—Labane o utsoa thepa ea bona’me o leka ho ba bolaea—Lamane le Lemuele ba otla Nefi le Seme ’me ba khalemeloa ke lengeloi. Ka bo 600–592 B.C.
Khaolo ea 4
Nefi o bolaea Labane ka taelo ea Morena ’me o fumana matlapa a ts’epe e khubelu ka leqheka—Zorame o khetha ho tsamaea le lelapa la Lehi ho ea lefelleng. Ka bo 600–592 B.C.
Khaolo ea 5
Saria o tletleba khahlanong le Lehi—Bobeli ba thabela ho khutla ha bara ba bona—Ba etsa lihlabelo—Matlapa a ts’epe e khubelu a ts’etse lingoliloeng tsa Moshe le tsa baporofeta—Matlapa ao a hlalosa hore Lehi ke oa leloko la Josefa—Lehi o porofeta ka peo ea hae le ka polokeho ea matlapa. Ka bo 600–592 B.C.
Khaolo ea 6
Nefi o ngola ka lintho tsa Molimo—Sepheo sa Nefi ke ho kholisa batho hore ba tle ho Molimo oa Abrahama ’me ba pholosoe. Ka bo 600–592 B.C.
Khaolo ea 7
Bara ba Lehi ba khutlela Jerusalema ’me ba mema Ishmaele le ba ntlo ea hae ho kopana le bona leetong la bona—Lamane le ba bang ba fetoha—Nefi o eletsa bana b’abo ho ba le tumelo ho Morena—Ba mo tlama ka lithapo ’me ba rera timelo ea hae—O lokolloa ke matla a tumelo—Bana b’abo ba kopa ts’oarelo—Lehi le batho ba hae ba etsa sehlabelo le secheso. Ka bo 600–592 B.C.
Khaolo ea 8
Lehi o bona pono ea sefate sa bophelo—O ja tholoana ea sona ’me o lakatsa ha lelapa la hae le ka etsa joalo ka eena—O bona thupa ea ts’epe, tsela e kopaneng e ts’esane, le meholi ea lefifi le koahelang batho—Saria, Nefi le Seme ba ja tholoana, empa Lamane le Lemuele ba hana. Ka bo 600–592 B.C.
Khaolo ea 9
Nefi o ngola sete tse peli tsa lingoliloeng—E ’ngoe le e ’ngoe e bitsoa matlapa a Nefi—Matlapa a maholo a t’soere nalane eo e seng ea kereke; a manyane a ts’oere ka ho khetheha ntho tse halalelang. Ka bo 600–592 B.C.
Khaolo ea 10
Lehi o porofeta hore Ba-Juda ba tla nkoa e le bats’oaruoa ba ntoa ke Ba-Babilona—O bolela ka ho tla har’a Ba-Juda ha Messia, Mopholosi, Molopolli—Lehi o bolela ka ho tla ha eo a tlang ho kolobetsa konyana ea Molimo—Lehi o bolela ka lefu le ho tsoha bafung ha Messia—O bapisa ho qhalana le ho phutheha ha Israele le sefate sa mohloare—Nefi o bua ka Mor’a Molimo, Ka mpho ea Moea o Halalelang, le ka ho hlokeha ha ho loka. Ka bo 600–592 B.C.
Khaolo ea 11
Nefi o bona Moea oa Morena ’me o bonts’oa ka pono sefate sa bophelo—o bona ’m’e oa Mor’a Molimo ’me u ithuta ka ho itheolela tlaase ha Molimo—O bona kolobetso, boruti, le ho thakhisoa ha konyana ea Molimo—O bona hape le pitso le bosebeletsi ba Baapostola ba Leshome le Metso e ’Meli ba Konyana. Ka bo 600–592 B.C.
Khaolo ea 12
Nefi o bona ponong lefats’e la pallo; ho loka, bokhopo, le ho oela ha baahi ba lona; ho tla ha Konyana ea Molimo har’a bona; ka moo Barutuoa ba Leshome le Metso e ’Meli le Baapostola ba Leshome le Metso e ’Meli ba tlang ho ahlola Israele; ’me boemo ba ho tsoafeha le boemo ba silafalo ha bao ba fellang ketsong tsa ho se lumele. Ka bo 600–592 B.C.
Khaolo ea 13
Nefi o bona ponong kereke ea diabolose e thehoa har’a Balichaba, ho fumanoa le ho ahoa ha Amerika, tahleho ea likarolo tse ngata tse hlakileng le tsa bohlokoa tsa Bibele, litlamorao tsa boemo ba Balichaba ba koeneho, tsosoloso ea evangeli, ho tla ha mangolo a halalelang a matsatsi a morao, le khaho ea Sione. Ka bo 600–592 B.C.
Khaolo ea 14
Lengeloi le bolella Nefi ka lihlohonolofatso le likotlo tse tla oela holima Balichaba—Likereke li peli feela: Kereke ea Konyana ea Molimo le kereke ea diabolose—Bahalaleli ba Molimo ba ea hlorisoa lichabeng tsohle ke kereke e kholo e manyala—Moapostola Johanne o tla ngola ka ho timela ha lefats’e. Ka bo 600–592 B.C.
Khaolo ea 15
Peo ea Lehi e tla amohela evangeli ho tsoa ho Balichaba matsatsing a qetelo—Ho phutheha ha Israele ho ts’oants’oa le sefate sa mohloare seo makala a sona a tlhaho a tlang ho entoa hape—Nefi o hlalosa pono ea sefate sa bophelo ’me o bua ka toka ea Molimo ho arola ba khopo ho ba lokileng. Ka bo 600–592 B.C.
Khaolo ea 16
Ba khopo ba fumana ’nete e le thata—Bara ba Lehi ba nyala barali ba Ishmaele—Liahona e tataisa tsela ea bona lefelleng—Melaetsa e tsoang ho Morena e ngoloa ho Liahona nako le nako—Ishmaele oa shoa; lelapa la hae lea tletleba ka lebaka la mats’oenyeho. Ka bo 600–592 B.C.
Khaolo ea 17
Nefi o laeloa ho aha sekepe—Bana babo ba hanana le eena ba—O eletsa ka ho ba bolella nalane ea ts’ebetso ea Molimo le Iseraele—Nefi o tlaloa ke matla a Molimo—Bana babo ba haneloa ho mo thetsa, esere ba omella joalo ka lehlaka le ommeng. Ka bo 592–591 B.C.
Khaolo ea 18
Sekepe se qetiloe—Tsoalo tsa Jakobo le Josefa li a boleloa—Sehlopha se kena sekepeng ho ea lefats’eng la pallo—Bara ba Ishmaele le basali ba bona ba kopana ka boithabiso le phetohelo—Nefi oa tlangoa, ’me sekepe se khanneloa morao ke sefefo se ts’abehang—Nefi oa lokolloa, ’me ka thapelo ea hae sefefo sea khaotsa—Batho ba fihla lefats’eng la pallo. Ka bo 591–589 B.C.
Khaolo ea 19
Nefi o etsa matlapa a ts’epe ’me o ngola tsa nalane ea batho ba habo—Molimo oa Israele o tla tla lilemo tse makholo a ts’eletseng ho tloha nakong eo Lehi a tlohileng Jerusalema—Nefi o bolela ka mahlomola a Hae le thakhiso—Ba-Juda ba tla hlouoa ’me ba qhalangoe ho fihlela matsatsi a ho qetela, ha ba tla khutlela ho Morena. Ka bo 588–570 B.C.
Khaolo ea 20
Morena o senola merero ea Hae ho Israele—Israele e se e khethiloe ka har’a sebopi sa mahlomola ’me ba tlo tsoa Babilona—Bapisa Esaia 48. Ka bo 588–570 B.C.
Khaolo ea 21
Messia e tla ba khanya ho Balichaba ’me o tla lokolla bats’oaruoa—Israele e tla bokelloa ka matla matsatsing a ho qetela—Marena e tla ba ntat’a bona ba bafepi—Bapisa Esaia 49. Ka bo 588–570 B.C.
Khaolo ea 22
Israele e tla qhalangoa holima sefahleho sohle sa lefats’e—Balichaba ba tla oka le ho fepa Israele ka evangeli matsatsing a qetelo—Israele e tla bokelloa le ho pholosoa, ’me ba khopo ba tla cha joale ka serite—’Muso oa liabolose o tla timetsoa, ’me Satane o tla tlangoa. Ka bo 588–570 B.C.