Mwakoro 9
E koroi rongorongo aika uoua Nibwaai—A uaaia n aranaki bwa ana bwaatua Nibwaai—I nanon taian bwaatua aika buubura riki, a taekinaki iai kanoan aia bong nako; i nanon bwaatua aika uarereke bon taekan baika tabu. Uakaan ma 600–592 I.K.
1 Ao baikai ni kabane ake e noori, ake e ongo, ao ake e taekin tamau n ana tai ni maeka i nanon te umwanrianna, i nanon te atawaana ae Remuera, ao bwaai riki aika mwaiti aika aki kona ni koreaki i nanon bwaatua aikai.
2 Ao ngkai, I a tia n taekin bwaatua aikai, nooria bon tiaki bwaatua ake I koroi iai bwaninin rongorongoia au botanaomata; bwa taian abwaatua ake I taekin iai bwaninin rongorongoia au botanaomata I a tia n arani bwa Nibwaai; mangaia are, a bon aranaki bwa ana bwaatua Nibwaai, n aranaki n oin arau; ao bwaatua naba aikai, a aranaki naba bwa ana bwaatua Nibwaai.
3 I rarikin anne, I a tia ni karekea ana tua te Uea bwa N na karaoi bwaatua aikai bukin te akaantaninga ae onoti bwa e na iai rongorongon aia bmwakuri n ibuobuoki au botanaomata.
4 I aon bwaatua ake tabeua a na koreaki iai taekan aia tautaeka uea, ma taekan taiani buaka ma itabaraara imarenaia au botanaomata; mangaia ae bwaatua aikai bon ibukin taekan te mwakuri n ibuobuoki; ao abwaatua ake tabeua bon ibukin taekan aia tautaeka uea ma taian buaka ma itabaraara imarenaia au botanaomata.
5 Mangaia are e a tia n tuangai te Uea bwa N na karaoi bwaatua aikai ma abukina ae wanawana irouna, are I aki ataia.
6 Ma e aatai bwaai ni kabane te Uea mai moana; mangaia ae, e a tia ni katauraoa te kawai are e na kakoroaki iai bukin ana mwakuri i buakoia natiia aomata; bwa nooria, iai bmwaakana ni kakoroi bukin ana taeka ni kabane. Ao aio aron bwaai ni kabane. Amen.