1 Ao e koro bukina bwa ti rikoi ni booti koraa n aekaia nako ni kabane, ma koraa ae aiaron uaan te wiita n aekaia nako, ma koraan uaanikai naba n aekaia nako.

2 Ao e koro bukina bwa inanon ana tai tamau n tiku inanon te rereua ao e a taetae nakoira, ni kangai: Noria, I a tia ni ^amiia te mi; ke, n taekinana teuana, I a tia n noora te ^bmii ni burabeti.

3 Ao noria, ibukin bwaai ake I a tia n noori, e reke bukin kukurein nanou iroun te Uea ibukin ^aNibwaai ao Taam naba; bwa I ataia bwa a na kamaiuaki ngaia ma kanoaia aika mwaiti.

4 Ma noria, ^aReimwan ao Remuera, I rangi ni maaku ibukimi; bwa noria, I uringa ae I noora te rereua ae rootongitong ma ni kananokawaki i nanon miiu.

5 Ao e koro bukina bwa I noora te mwaane ae kunnikaiaki n te ^akunnikai ae mainaina; ao e roko n tei imatau.

6 Ao e koro bukina bwa e taetae nakoiu, ao e tuangai bwa N na iria.

7 Ao e koro bukina bwa ngke I a iria, ao I a nooria bwa I a roko n te aba ae rootongitong ma ni kananokawaki.

8 Ao i mwin mwanangau i nanon te maan ae aoa aika bati i nanon te roo, ao I a tataro nakon te Uea bwa e na ^ananoangaai, n aron ana nanoanga aika mwaiti.

9 Ao e koro bukina bwa ngke I a tia n tataro nakon te Uea ao I noora te ^atawaana ae moan te korakora ma ni bubura.

10 Ao e koro bukina bwa I noora te ^akai ae kangkang ^buaana ae na kakukureia te aomata.

11 Ao e koro bukina bwa I a waaki ni katoonga ^auaana; ao I nooria bwa karewerewen uaana e riaon karewen bwaai nako ake I a tia ni katoong mai i mwaaina, Eng, ao I nooria naba bwa e riao mainainan uaana nakon ^bmainainan bwaai nako ake I a tia n noori mai i mwaaina.

12 Ao ngke I a katoonga te uaanikai aei e kaona tamneiu n te ^akimwareirei ae moan te bati; mangaia are, I a ^btangiria kaain au utu bwa a na katoonga naba; bwa I ataia ae riao ^ckangkangina nakon kangkangin nako uaanikai ni kabane.

13 Ao ngke I taratara nako rarikiu, bwa N na ukeriia naba kaain au utu, ao I a noora te ^akaraanga n ran; ao e raanga nako n uakaan ma te kai are I kana uaana.

14 Ao I taraia ni kan nooria bwa e raanga mai ia; ao I nooria bwa e aki raroa te tabo are raanga mai iai; ao i rarikin te tabo are raanga mai iai, I a noora iai tinamii ae Tiera, ma Taam, ao Nibwaai; ao a tei n taraa n ae aki ataa te tabo ae a na nako iai.

15 Ao e koro bukina bwa I anoanoia; ao I a tuangiia naba n te bwanaa ae baibati bwa a riai n nakoiu, ao ni kana te uaanaikai, ae moan te kangkang riki nakon uaanikai nako.

16 Ao e koro bukina bwa a nakoiu ao a kana te uaanikai arei.

17 Ao e koro bukina bwa I tangiria bwa a na roko naba Reimwan ma Remuera bwa a na katoonga te uaanikai arei; mangaia are, I a euta riki matau n taraa te tabo are e raanga mai iai te karaanga, bwa I aonga n nooriia.

18 Ao e koro bukina bwa I a nooriia, ma ^aaki kan nakoiu ao ni katoonga te uaanikai.

19 Ao I a noora te ^akai ae te biti, ae tei n ira bangakin te karaanga, ni karokoa te aroka are I tei i rarikina.

20 Ao I noora naba te kawai ae e ^aeti ma n irariki, are e ira tein te kai te biti, ae kaineti nakon te aroka are I tei i rarikina; ao e rirarikin te tabo are raanga mai iai te karaanga, nakon te ^btawaana ae korakora ma ni bubura, kanga aiaron te aonaba.

21 Ao I nooriia aomata aika aki kona ni warekaki mwaitia, ao a mwaiti i buakoia aika a kataia ni kan roko i moa, bwa aonga n roko n te ^akawai are kaineti nakon te aroka are I tei i rarikina.

22 Ao e koro bukina bwa a waaki, n toua te kawai are kaineti nakon te aroka.

23 Ao e koro bukina bwa e roko te ^abubu n nang ae roo, eng, te bubu n nang ae roo ae moan te korakora, n te aro are a bua kawaia aomata tabemwaang iai, ao a kiitana te kawai ao a bua.

24 Ao e koro bukina bwa I nooriia tabemwaang aika a kataia ni kan roko i moa ao a waaki nako n taua te kai te biti; ao a kamatoaia rinanon te bubu n nang ae roo, n taua te kai te biti, ni karokoa ae a kitanna ao n roko ni katoonga ^auaan te aroka.

25 Ao ngke a tia ni kana uaanikai ao a euti mataia n taratara nako ao a tara ni ^amaamaa.

26 Ao I a euti naba matau n taratara nako, ao I noora, n iteran te karaanga n ran are teuana, te kateitei ae moan te korakora ma ni ^abuubura, ao e taraa n tei i aon te akea, n rietata i etan te aonaba.

27 Ao e onrake irouia aomata, aika a kara ao a kairake, aika mwaane ao aine; ao a rang ni kantara aron kunnikaia; ao a ^atabe ni kamamaeia ma ni kotokotoia aomata ake a tia n roko n te aroka ao ni kana uaana.

28 Ao ngke a tia ni ^akana te uaanikai ao a ^bmaamaa irouia ake a kamamaiia, ao a ^cbwaka nako nanon kawai aika katabuaki ao a bua.

29 Ao ngai, Nibwaai, I aki taekin ana ^ataeka ni kabane tamau.

30 Ma ni kauarerekean te koroboki, nooria, e nooriia botanaomata aika a kataia ni kan roko i moa; ao a roko n taua te ^akai te biti; ao a kamatoaia ni waaki nako moa, n teimatoa n taua te kai te biti, ni karokoa ae a roko ao a bwaka ao a kana uaan te aroka.

31 Ao e nooriia naba ^abotanaomata aika mwananga i nanon te roo nakon te kateitei are moan te korakora ma ni buubura.

32 Ao e koro bukina bwa a mwaiti ake a bwabwa i nanon te ^akoburake n ran; ao a mwaiti aika mauna mai matana, ake a tou kawai aika aki ataaki taekaia.

33 Ao a mwaiti botanaomata aika a rin i nanon te kateitei are kaokoro arei. Ao ngke a tia n rin i nanon te kateitei arei, ao a kotokoteai ni ^akaenaenaai ma aomata ake a kana naba te uaanikai; ma ti aki kan mutiakinia.

34 Aikai ana taeka tamau: Bwa ni kabane ake a tia n ^aongo n aia taeka, a tia ni bwaka.

35 Ao ^aReimwan ao Remuera a aki kana te uaanikai, e taku tamau.

36 Ao e koro bukina bwa ngke e a tia tamau n taekin taekan miina ke miina ni burabeti, aika moan te mwaiti, e taku nakoira, ibukin baike e a tia n noori i nanon te mii, e bon rangi ni korakora raraomana ibukiia Reimwan ma Remuera; eng, e raraoma bwa rimwi a na teweaki nako mai matan te Uea.

37 Ao e tua nakoia ma nanona ni kabane n aiaron te ^akaro ae tangiriia natina, bwa a na ongo n ana taeka, bwa e aonga n nanoangaia te Uea, n aki tewenakoia mai matana; eng, e bon kabwarabwara tamau nakoia.

38 Ao ngke e a tia ni kabwarabwara ao n taetae ni burabeti nakoia ni kaineti ma baika mwaiti ao, e tuangiia bwa a na kaawakin ana tua nako te Uea; ao e motika ana taetae nakoia.