1 Ug karon ako, si Nephi, dili mohatag sa kasaysayan sa kagikan sa akong mga amahan dinhi ^aniini nga bahin sa akong talaan; ni ako mohatag niini bisan kanus-a dinhi niining mga ^bpalid nga akong gisulat; kay gisulat na kini diha sa talaan nga gitipigan sa akong ^camahan; mao nga, dili ko kini isulat dinhi niini nga buhat.

2 Kay igo na kanako ang pag-ingon nga kami mga kaliwat ni ^aJose.

3 Ug dili mahinungdanon kanako nga akong idetalye ang paghatag og tibuok nga asoy sa tanan nga butang nga gisulat sa akong amahan, kay dili kini mopaigo dinhi ^aniini nga mga palid, kay ang akong tinguha mao ang lunâ nga akong kasulatan sa mga butang mahitungod sa Dios.

4 Kay ang kinatibuk-an sa akong tuyo mao nga akong ^amadani ang mga tawo nga ^bmagpaduol ngadto sa Dios ni Abraham, ug sa Dios ni Isaac, ug sa Dios ni Jacob, ug maluwas.

5 Mao nga, ang mga butang nga ^amakapahimuot sa kalibotan dili ko isulat, kondili ang mga butang nga makapahimuot sa Dios ug ngadto kanila kinsa dili iya sa kalibotan.

6 Mao nga, mohatag ako og sugo ngadto sa akong binhi, nga dili nila pun-on kini nga mga palid sa mga butang nga walay bili sa mga anak sa katawhan.