1 Anajwan ut laa’in, aj Nefi, ink’a’ tink’e li resilal lix xe’toonileb’ lin yuwa’ sa’ li ^axraqalil lin tz’iib’anb’il esil a’in; chi moko tink’e jun sutaq moqon chiruheb’ li ^bperel ch’iich’ a’in li yookin chi tz’iib’ak wi’; xb’aan naq k’eeb’il sa’ li esil tz’iib’anb’il xb’aan lin ^cyuwa’; jo’kan naq ink’a’ nintz’iib’a sa’ li k’anjel a’in.

2 Xb’aan naq tz’aqalin rik’in xyeeb’al naq laa’o ralal xk’ajol laj ^aJose.

3 Ut ink’a’ nawil rajom ru naq tink’e inch’ool chixyeeb’al resil chi tz’aqal re ru chixjunil li k’a’aq re ru re lin yuwa’, xb’aan naq ink’a’ naru xtz’iib’ankil chiruheb’ li ^aperel ch’iich’ a’in, xb’aan naq nawaj naq taawanq xna’aj re tintz’iib’a li k’a’ru re li Dios.

4 Xb’aan naq lix tz’aqalil li wajom, a’an naq ^atinq’unb’esiheb’ xch’ool li winq re naq ^bte’chalq rik’in lix Dios laj Abraham, ut lix Dios laj Isaak, ut lix Dios laj Jakob, ut te’kole’q.

5 Jo’kan naq li k’a’ru ^anawulak chiru li ruchich’och’ ink’a’ nintz’iib’a, a’an b’an li k’a’ru nawulak chiru li Dios, ut chiruheb’ li ani moko re ta li ruchich’och’.

6 Jo’kan ut, tink’e li taqlahom choq’ reheb’ li wiyajil, naq ink’a’ te’xram ruheb’ li perel ch’iich’ a’in rik’in li k’a’ru maak’a’ xloq’al choq’ reheb’ li ralal xk’ajoleb’ li winq.