Mga Kasulatan
1 Nephi 5


Kapitulo 5

Si Sariah mireklamo batok kang Lehi—Silang duha nagmaya sa pagbalik sa ilang mga anak—Naghalad sila og mga sakripisyo—Ang mga palid nga tumbaga naglakip sa mga sinulat ni Moises ug sa mga propeta—Ang mga palid nagtino nga si Lehi kaliwat ni Jose—Si Lehi nanagna kabahin sa iyang binhi ug sa pagtipig sa mga palid. Mga 600–592 B.C.

1 Ug nahitabo nga human kami nakalugsong sa kamingawan ngadto sa among amahan, tan-awa, napuno siya sa kamaya, ug ang akong inahan usab, nga si aSariah, hilabihan ang kalipay, kay sa tinuod nagbangotan siya tungod kanamo.

2 Kay nagtuo siya nga nangamatay na kami sa kamingawan; ug mireklamo usab siya batok sa akong amahan, nag-ingon kaniya nga siya usa ka tawo nga makakita og panan-awon; nag-ingon nga: Tan-awa imo kaming gidala palayo gikan sa yuta nga atong kabilin, ug ang akong mga anak wala na, ug kita mangamatay sa kamingawan.

3 Ug sa ingon niini nga pinulongan nagreklamo ang akong inahan batok sa akong amahan.

4 Ug nahitabo nga namulong ang akong amahan ngadto kaniya nga nag-ingon: Nahibalo ako nga usa ako ka tawo nga aadunay mga panan-awon; kay kon wala pa ako makakita sa mga butang sa Dios pinaagi sa usa ka bpanan-awon dili unta ako mahibalo sa pagkamaayo sa Dios, apan nagpabilin unta sa Jerusalem, ug namatay uban sa akong kaigsuonan.

5 Apan tan-awa, nakaangkon ako og ayuta nga saad, ug tungod niini nga mga butang ako nagmaya; oo, ug bnahibalo ako nga ang Ginoo moluwas sa akong mga anak gikan sa mga kamot ni Laban, ug modala kanila og balik ngari kanato dinhi sa kamingawan.

6 Ug sa ingon niini nga pinulongan ang akong amahan, nga si Lehi, mihupay sa akong inahan nga si Sariah kabahin kanamo, samtang nagpanaw kami sa kamingawan paingon sa yuta sa Jerusalem, sa pagkuha sa talaan sa mga Judeo.

7 Ug sa diha nga nakabalik na kami sa tolda sa akong amahan, tan-awa ang ilang kamaya nahingpit, ug ang akong inahan nahupay.

8 Ug namulong siya nga nag-ingon: Karon nakaseguro na ako nga ang Ginoo amisugo sa akong bana sa paglayas nganhi sa kamingawan; oo, ug nakaseguro usab ako nga ang Ginoo mipanalipod sa akong mga anak, ug miluwas kanila gikan sa mga kamot ni Laban, ug mihatag kanila sa gahom aron ilang bmatuman ang butang nga gisugo sa Ginoo kanila. Ug sa ingon niini nga pinulongan namulong siya.

9 Ug nahitabo nga nagmaya sila sa hilabihan, ug mihalad og asakripisyo ug mga halad nga sinunog ngadto sa Ginoo; ug bnagpasalamat sa Dios sa Israel.

10 Ug human sila makapasalamat sa Dios sa Israel, ang akong amahan, nga si Lehi, mikuha sa mga talaan nga gikulit sa mga apalid nga tumbaga, ug gisiksik niya kini sugod sa sinugdanan.

11 Ug nakita niya nga naglakip kini sa lima ka abasahon ni Moises, nga nag-asoy mahitungod sa paglalang sa kalibotan, ug usab kang Adan ug Eva, nga mao ang atong unang mga ginikanan;

12 Ug usab sa usa ka atalaan sa mga Judeo gikan sa sinugdanan, gani gikan sa paghari ni Sedekias nga hari sa Juda;

13 Ug usab sa mga panagna sa balaang mga propeta, gikan sa sinugdanan, hangtod sa pagsugod sa paghari ni aSedekias; ug sa daghan usab nga panagna nga gipamulong sa ba-ba ni bJeremias.

14 Ug nahitabo nga ang akong amahan, nga si Lehi, nakakaplag usab diha sa mga apalid nga tumbaga og usa ka kasaysayan sa kagikan sa iyang mga amahan; mao nga nahibaloan niya nga kaliwat siya ni bJose; oo, gani kadto nga Jose kinsa anak ni cJacob, kinsa dgibaligya ngadto sa Ehipto, ug kinsa egipanalipdan pinaagi sa kamot sa Ginoo, aron mapanalipdan niya ang iyang amahan nga si Jacob, ug tanan sa iyang panimalay gikan sa pagkamatay tungod sa gutom.

15 Ug agigiyahan usab sila pagawas gikan sa pagkabihag ug pagawas sa yuta sa Ehipto, pinaagi sa mao gihapon nga Dios kinsa mipanalipod kanila.

16 Ug sa ingon niana ang akong amahan nga si Lehi, nakakaplag sa kasaysayan sa kagikan sa iyang mga amahan. Ug si Laban kaliwat usab ni aJose, mao nga siya ug ang iyang mga amahan ang mitipig sa mga talaan.

17 Ug karon sa diha nga nakita sa akong amahan kining tanan nga butang, napuno siya sa Espiritu, ug misugod sa pagpanagna kabahin sa iyang mga binhi—

18 Aron kining mga palid nga tumbaga modangat ngadto sa tanang kanasoran, kaliwatan, mga pinulongan, ug katawhan kinsa gikan sa iyang binhi.

19 Mao nga, miingon siya nga kining mga palid nga tumbaga adili gayod mawala; ni mapapas sa panahon. Ug nanagna siya og daghan nga butang kabahin sa iyang binhi.

20 Ug nahitabo nga hangtod niini nga higayon ako ug ang akong amahan mituman sa mga sugo nga gisugo sa Ginoo kanamo.

21 Ug among nakuha ang mga talaan nga gisugo sa Ginoo kanamo, ug misiksik niini ug nakita nga makapahimuot kini; oo, gani abililhon kaayo ngari kanamo, nga niana among bmapatunhay ang mga sugo sa Ginoo alang sa among mga anak.

22 Mao nga, kaalam kadto sa Dios nga kinahanglan among madala kini, samtang magpanaw kami sa kamingawan padulong sa yutang saad.