Tsir 5
Sariah kasa tsia Lehi—Hɔn nyina dzi ehurusi wɔ hɔn mbabanyin no sanee no ho—Wɔbɔ afɔr—Moses na nkɔnhyɛfo no hɔn kyerɛwsɛm no wɔ ayewa mprɛtse no do—Mprɛtse no kyerɛ dɛ Lehi yɛ Joseph n’asenyi—Lehi hyɛ nkɔm wɔ n’asefo na mbrɛ wobesi akora mprɛtse no yie ho. Bɛyɛ mfe 600–592 Ansaana wɔbɔwo Christ.
1 Na ɔbaa dɛ yedur sar no do wɔ hɛn egya nkyɛn no, hwɛ, dɛw hyɛɛ no mã, na me nã aSariah so n’enyi gyee mbordo, osiandɛ nokwar nna oesi nkrum wɔ hɛn ntsi.
2 Nna ɔyɛ no dɛ yɛahera wɔ sar no do: na eso ɔakasa etsia m’egya dɛ ɔyɛ enyido-adzehu nyimpa, ɔse: Hwɛ afa hɛn efi hɛn egyapadze asaase do, na me mba nnyi hɔ bio, na ama yɛrehera wɔ sar yi do.
3 Na dɛm kasa yi na me nã kãa dze tsiaa m’egya.
4 Na ɔbaa dɛm no m’egya kãa kyerɛɛ no dɛ, minyim dɛ meyɛ aenyido-adzehu nyimpa, na sɛ munnhun Nyankopɔn ne ndzɛmba wɔ benyido-adzehu mu a nkyɛ minnyim Nyame ne papayɛ; na mbom nkyɛ yɛda ho tse Jerusalem, na yɛnye enuanom no ahera.
5 Mbom hwɛ meenya aanohoba asaase, iyi mu na midzi dɛw; nyew, na bminyim dɛ Ewuradze bɛgye me mba no efi Laban nsamu na ɔdze hɔn abrɛ hɛn bio wɔ sar yi do.
6 Na dɛm kasa yi na m’egya, Lehi, dze kyekyee me nã Sariah no werɛ wɔ hɛnho wɔ ber a yetuu kwan fii sar no do kɔr Jerusalem asaase do dɛ yɛrekɛgye Jewfo ho abakɔsɛm no.
7 Na yɛsanee baa m’egya ne ntamadan mu no, hwɛ hɔn dɛw hyɛɛ mã, na me nã nyaa awerɛkyekyer.
8 Na ɔkasaa see dɛ: Afei na mehu dɛ ɔyɛ nokwar dɛ Ewuradze na aɔhyɛɛ mo kun dɛ onguan mbra sar yi do; nyew, na mehu so dɛ Ewuradze na ɔagye me mba yi efi Laban nsamu, na ɔama hɔn tum dɛ wɔmfa bndzi dwuma a Ewuradze ahyɛ hɔn no. Na dɛm nsɛm yi na ɔkãe.
9 Na ɔbaa dɛ hɔn enyi gyee mbordo, na wɔbɔɔ aafɔr, na ɔhyew-afɔr maa Ewuradze; na wɔdze bndaase maa Israel Nyankopɔn.
10 Na wɔdze ndaase maa Israel Nyankopɔn ekyir no, m’egya, Lehi, faa aayewa mprɛtse a woegu kyerɛwsɛm wɔ do no, na ɔhwehwɛɛ mu fii ahyɛse no.
11 Na ohun dɛ aMoses nwoma enum no a ɔkyerɛ mbrɛ wosii bɔɔ wiadze, nye Adam na Eve a wɔyɛ hɛn awofo a wodzi kan no ho nsɛm wɔ do.
12 Afei Jewfo ho aabakɔsɛm, fitsi Zedekiah, Judahfo hɔn hen ber a ɔhyɛɛ adzedzi ase mpo.
13 Na nkɔnhyɛfo krɔnkrɔn no so hɔn nkɔnhyɛ fitsi ahyɛse kesi ber a ɔhen aZedekiah hyɛɛ adzedzi ase; na nkɔnhyɛ pii so a ofi bJeremiah n’anomu so wɔ do.
14 Na ɔbaa dɛ m’egya, Lehi, hun n’egya n’ebusuasantsen no so wɔ aayewa mprɛtse no do; dɛm ntsi ohun dɛ ɔyɛ bJoseph n’asenyi; nyew, dɛm Joseph no a ɔyɛ cJacob ne babanyin no a dwɔtɔɔn no kɔr Egypt, ɔno na Ewuradze dze ne nsa ekoraa no do ama oeetum akora n’egya Jacob na ne fifo amma wɔannhera wɔ ɔkɔm ntsi.
15 Na awoyii hɔn so fii ndɔmmum mu fii Egypt asaase do a dɛm Nyame kor no ara so na ɔkoraa hɔn do.
16 Na dɛm na m’egya, Lehi, nam dze hun n’egyanom hɔn ebusuasantsen no. Na Laban so yɛ aJoseph n’asenyi, dɛm ntsi na ɔno na n’egyanom dze kyerɛwsɛm no siei.
17 Na aber a m’egya hun dɛm ndzɛmba yi nyinara no, Sunsum hyɛɛ no mã, na ɔhyɛɛ ase hyɛɛ nkɔm a ɔfa n’asefo ho—
18 Dɛ, dɛm ayewa mprɛtse yi wɔ dɛ ɔkɔ aman, ebusuafo, kasa horow na nyimpa nyina a wɔyɛ n’asefo no hɔ.
19 Dɛm ntsi ɔkãa dɛ, dɛm ayewa mprɛtse yi aonnyi dɛ ɔyew; nna onnyi so dɛ no ho bisiw dabiarada. Na ɔhyɛɛ nkɔm pii a ɔfa n’asefo ho.
20 Na ɔbaa dɛ mbertsentsen nyina no emi na m’egya yedzii mbrasɛm a Ewuradze dze hyɛɛ hɛn no do.
21 Na yenya kyerɛwsɛm no a Ewuradze hyɛɛ hɛn dɛ yɛnkɛfa no na yɛpɛnsapɛnsaa mu na yehun dɛ oye; nyew, aɔsom bo kɛse mpo ma hɛn dɛm ntsi yɛfaa adwen byɛbɔkora Ewuradze ne mbrasɛm no do ama hɛn mba.
22 Dɛm ntsi ɔyɛ adze a ɔtsen a ofi Ewuradze hɔ dɛ yɛdze botu hɛn kwan wɔ sar no do akɔ asaase a wɔbɔɔ hɛn ho anohoba no do.