Koroboki Aika Tabu
1 Nibwaai 5


Mwakoro 5

E ngurengure Tiera n ana waaki Riaai—A uaia ni kimwareirei n okiia natiia mwaane—A anga aia karea—Kanoan taian bwaatua aika buraati bon taekaia Mote ma burabeti—E taekinaki i nanon taian bwaatua ae Riaai bon kanoan Iotebwa—E taetae ni burabeti Riaai ni kaineti ma taekaia kanoana ao kaawakinan bwaatua. Uakaan ma 600–592 I.K.

1 Ao e koro bukina bwa ngke ti a roko iroun tamara i nanon te rereua, noria, e onrake n te kimwareirei, ao tinau naba, aTiera, e moamoa naba kukureina, bwa e tang n rawawata raoi ibukira.

2 Bwa e taku bwa ti a tia ni mate i nanon te rereua; ao e ngurengure ni kaitara tamara, n tuangnga bwa bon te aomata ngaia ae nonoori mii ni burabeti; ao e taku: Taraia ko a tia ni kairira nako man aban rikira, ao a tia ni mate natiu mwaane, ao ti nang mate i nanon te rereua.

3 Ao aikai taeka ake e taekin tinau nakon tamau ni ngurengure ni kaitaraa tamau.

4 Ao e koro bukina bwa e kaeka tamau nakoina, ni kangai: I ataia bwa bon ngai te aomata ae I anonoori mii ni burabeti; bwa ngke arona bwa I aki noori ana bwai te Atua i nanon te bmii ni burabeti ao N na bon aki ataa raoiroin te Atua, ma n tiku i Ierutarem, ao n tia ni mate ma tariu.

5 Ma noria, I a tia ni karekea te aaba ni berita, ao e reke kukureiu ni baikai; eng, ao I bataia ae e na kamanoia natiu mwaane te Uea mai nanoni bain Raban, ao e na kairiia n oki nakoira i nanon te rereua.

6 Ao aikai taeka ake e taekin tamau, ae Riaai, ni kabebetea nanon tinau, ae Tiera ni kaineti ma ngaira, n tain mwanangara n te rereua nakon te aba ae Ierutarem, n anaa aia rekooti Iutaia.

7 Ao ngke ti a tia n oki nakon ana umwanrianna tamau, noria a onrake n te kimwareirei, ao e beebete nanon tinau.

8 Ao e taetae ni kangai: Ngkai I a ataia raoi bwa e a bon tia n atuangaki kaainabau iroun te Uea bwa e na biri nako nakon te rereua; eng, I a ataia naba n akea nanokokorakiu ae e a tia te Uea ni kamanoia natiu mwaane, ao ni kamaiuia mai nanon bain Raban, ao n anganiia te mwaaka bwa aonga ni kona ni bkakoroi bukin baike e tuangiia te Uea bwa a na karaoi. Ao aikai baike e taekin.

9 Ao e koro bukina bwa kimwareireia moan te korakora, ao a anga akarea ma angabwai aika a kabuekaki nakon te Uea; ao a anga aia bkaaitau nakon Atuan Iteraera.

10 Ao ngke a tia n anga aia kaaitau nakon Atuan Iteraera, tamau, ae Riaai, e anai rekooti aika a koreaki i aon abwaatua aika buraati, ao e rinanoi ni moanna mai moana.

11 Ao e noria ae iai i nanona ana aboki Mote aika nimaua, are e taekinaki iai aron karikan te aonaba, ao taekan naba Atam ma Nei Ewa, ake ara moan karo.

12 Ao te arongorongo naba ibukiia Iutaia mai moana, ni moanaki man ana tai n tautaeka Tetekia, are uean Iuta;

13 Ao iai naba aia taeka ni burabeti burabeti aika a tabu, man te moan tai, ni moanaki man ana tai n tautaeka aTetekia; ao a mwaiti naba taeka ni burabeti aika a tia n taekinaki mai wiin bIeremia.

14 Ao e koro bukina bwa tamau, ae Riaai, e kunei naba i nanon abwaatua aika buraati taekan kateirikiaia ana bakatibu; ao e a ataia mai iai bwa ngaia bon kanoan bIotebwa; eng, are Iotebwa are natin cIakobwa, are e dkabooaki nako Aikubita, ao e ekamaiuaki ni bain te Uea, bwa e aonga ni kona ni kamaiua tamana, ae Iakobwa, ma kain ana baronga ni kabane man te rongo.

15 Ao a akairaki naba n otinako man te tautoronaki man aban Aikubita, iroun te Atua are bon ngaia naba are e a tia ni kamaiuia.

16 Ao ngaia are tamau, ae Riaai, e a kunei kateirikiaia ana bakatibu. Ao Raban bon ngaia naba kanoan aIotebwa, mangaia ae e a tia ni kaawakin taian rekooti aikai ma ana bakatibu.

17 Ao ngke e a tia n noori bwaai ni kabane aikai tamau, ao e kaonaki n te Tamnei, ao e moana ana taetae ni burabeti ni kaineti ma kanoana—

18 Bwa bwaatua aika buraati aikai ni kabane a na nako aon aaba nako, taetae, neewe, ma aomata aika kanoam.

19 Ngaia are e taku naba bwa a na aaki kona ni kamaunaki bwaatua aika buraati; ke ni keerikaaki raneaia ni bwakanakon te tai. Ao e taetae ni burabetii baika mwaiti ni kaineti ma kanoana.

20 Ao e koro bukina bwa ni karokoa ngkai, I a tia ma tamau ni kaawakin tua ake e a tia n anganiira te Uea.

21 Ao ti a tia ni karekei taian rekooti ake e tuangira te Uea bwa ti na karekei, ao n ukeuke mai iai ao ti ataia bwa a kangkang; eng, ao a korakora abonganaia naba nakoira, ao ti na kona naba ni bkateimatoai ana tua nako te Uea ibukiia natira.

22 Mangaia ae, bon te wanawana iroun te Uea bwa ti na uotia ni mwanangara, i nanon mwanangara i nanon te rereua nakon te aba ni berita.