1 Ma o lenei sa oo ina ua uma ona faitau atu e a’u, o Nifae, nei mea sa togitogia i luga o ^apapatusi apamemea, sa o mai o’u uso ia te a’u ma fai mai ia te a’u: O le a le uiga o nei mea na e faitau mai? Faauta, pe tatau ea ona malamalama i ai e tusa ma mea ua faaleagaga, ia o le a faataunuuina e tusa ma le agaga, ae lē o la le tino?

2 Ma o a’u, o Nifae, sa ou fai atu ia te i latou: Faauta sa ^afaaali mai ia mea i le perofeta e le siufofoga o le ^eAgaga; ona e ala i le Agaga o le a faaali mai ai o mea uma i ⁱperofeta, ia o le a oo mai i luga o le fanauga a tagata e tusa ai ma la le tino.

3 O le mea lea, o mea na ou faitauina o mea ia e faatatau i mea ^afaaletino ma faaleagaga; ona e foliga mai o le aiga o Isaraelu, o le a ^efaataapeapeina lava, i se taimi, i luga o le fogaeleele uma, ma i totonu foi o atunuu uma.

4 Ma faauta, e i ai le toatele ua uma ona leiloa mai le malamalama o i latou o e o i Ierusalema. Ioe, o le vaega tele o ^aituaiga uma ua ^etaitaieseina atu; ma ua faataapeapeina i latou i lea mea ma lea mea i luga o ⁱmotu o le sami; ma o le mea o latou i ai e leai se tasi o i tatou na te iloa, ae ua tatou iloa ua taitaieseina atu i latou.

5 Ma talu ai ona ua taitaieseina atu o i latou, o mea nei ua valoia e faatatau ia te i latou, ma e faatatau foi ia te i latou uma o e o le a faataapeapeina ma lē mautonu pe a mavae le taimi nei, ona o le Paia e Toatasi o Isaraelu; ona o le a latou faamaaa o latou loto e faasaga ia te ia; o le mea lea, o le a faataapeapeina ai i latou i totonu o atunuu uma ma o le a ^aitagia e tagata uma.

6 Ae ui i lea, a uma ona ^afaafaileleina i latou e ^eNuuese, ma ua siitia a’e e le Alii lona aao i luga o Nuuese ma faatulai i latou i luga e avea ma se tagavai, ma ua tauaveina a latou ⁱfanau i o latou lima, ma ua tauaveina o latou afafine i luga o o latou tau’au, faauta o nei mea ua tautalagia ua faaletino; ona ua faapea feagaiga a le Alii ma o tatou tamā; ma ua uiga ia i tatou i aso o le a oo mai, ma o tatou uso uma foi o e o le aiga o Isaraelu.

7 Ma o lona uiga e oo mai le taimi, pe a uma ona faataapeapeina ma lē mautonu le aiga uma o Isaraelu, o le a faatulai mai e le Alii le Atua se atunuu malosi i totonu o ^aNuuese, ioe, i luga o lenei lava laueleele; ma o i latou ia o le a ^efaataapeapeina a tatou fanau.

8 Ma a uma ona faataapeapeina o a tatou fanau o le a alo atu le Alii le Atua e faia se ^agaluega ofoofogia i totonu o ^eNuuese, lea o le a ⁱtaua tele ia tatou fanau; o le mea lea, ua faatusaina lenei galuega i le tausia o i latou e Nuuese ma le tauaveina i o latou lima ma luga o o latou tau’au.

9 Ma o le a ^ataua tele foi lenei galuega i Nuuese; ma e lē nao Nuuese ae o le ^eaiga ⁱuma o Isaraelu, e faailoa atu ai ^ofeagaiga a le Tamā o le lagi na faia ia Aperaamo, e faapea: O lau ^ufanau o le a ^fmanuia ai ituaiga uma o le lalolagi.

10 Ma ou te manao, o’u uso e, ia outou iloa e lē mafai ona manuia ituaiga uma o le lalolagi sei vagana ai ua ^afaaali e ia lona mana ina ia iloa e atunuu.

11 O le mea lea, o le a faia lava e le Alii le Atua e faaali atu lona mana ina ia iloa e atunuu uma, ina ia faataunuuina ai ana feagaiga ma lana talalelei ia i latou o e o le aiga o Isaraelu.

12 O le mea lea, o le a toe aumai ai e ia i latou mai le faatagataotauaina, ma o le a ^afaapotopotoina faatasi i latou i laueleele o o latou tofi; ma o le a aveese mai i latou mai le lē mautonu ma le ^epogisa; ma o le a latou iloa o le ⁱAlii o lo latou ^oFaaola ma lo latou Togiola, le ^uMalosi Silisili e Toatasi o Isaraelu.

13 Ma o le toto o lena ^aekalesia tele ma le inosia, le fafine talitane lea o le lalolagi uma, o le a tietie i luga o o latou lava ulu; ona o le a latou ^efetaua’i i totonu o i latou lava, ma o le pelu a o latou ⁱlava lima o le a pa’ū ifo i luga o o latou lava ulu, ma o le a latou onanā i o latou lava toto.

14 Ma o ^aatunuu uma e tau faasaga mai ia te oe, le aiga e o Isaraelu, o le a toe liliu faasaga le tasi i le isi, ma o le a latou ^epa’u’ū i totonu o le lua na latou elia e mailei ai tagata o le Alii. Ma o i latou uma o e ⁱtau faasaga mai ia Siona o le a faaumatia, ma o lena fafine talitane tele, o lē ua ia faapi’opi’oina ala sa’o o le Alii, ioe, lena ekalesia tele ma le inosia, o le a solo i le ^oefuefu ma o le a tele lava lona pa’ū.

15 Aua faauta, ua fetalai mai le perofeta, ua vave ona oo mai o le taimi o le a lē toe maua ai e Satani se pule i loto o le fanauga a tagata; ona ua lata ona oo mai o le aso e avea ai e pei o ^atagutugutu o saito i latou uma o e faamaualuluga ma i latou o e fai amioleaga; ma e oo mai le aso o le a ^esusunuina ai i latou.

16 Ona ua lata ona oo mai o le taimi e faatetelina ai ona atoatoa o le ^atoasa o le Atua i luga o le fanauga uma a tagata; ona o le a lē tuua e ia ’ia faaumatia e tagata amioleaga e amiotonu.

17 O le mea lea, o le a ^afaasao ai e ia e ua ^eamiotonu i lona mana, e tusa pe afai o le a tatau ona oo mai ai o le atoatoa o lona toasa, ma faasaoina ai e ua amiotonu, e oo lava i le faaumatiaina o o latou fili i le afi. O le mea lea, e lē tatau ai i e amiotonu ona matatau; ona ua fetalai mai le perofeta, o le a faaolaina i latou, e tusa pe tatau ai ona faia faapea i le afi.

18 Faauta o’u uso e, ou te fai atu ia te outou, ua vave ona oo mai o nei mea; ioe, e oo i le toto, ma le afi, ma le puao o le asu, o le a oo mai; ma e ao ina oo mai i luga o lenei lalolagi; ma e oo mai i tagata e tusa ai ma la le tino pe afai latou te faamaaa o latou loto e faasaga i le Paia e Toatasi o Isaraelu.

19 Aua faauta, o le a lē fano e amiotonu; ona o le a oo mai lava le taimi e vavae ese ai i latou uma o e e faasagatau mai ia Siona.

20 Ma o le a saunia lava e le Alii se ala mo ona tagata, ina ia faataunuuina upu a Mose, ia na fetalai mai e ia, e faapea: O le a faatuina a’e e le Alii lo outou Atua se ^aperofeta mo outou, e pei o a’u; o ia ia outou faalogo i ai i mea uma e fai mai ai o ia ia te outou. Ma o le a oo mai foi, o i latou uma o e e lē faalogo i lena perofeta, o le a ^evavae ese mai totonu o le nuu.

21 Ma o lenei, o a’u, o Nifae, ou te ta’u atu ia te outou, o lenei ^aperofeta na tautala i ai Mose o le Paia e Toatasi lea o Isaraelu; o le mea lea, o le a faia e ia ^efaamasinoga i le amiotonu.

22 Ma o e amiotonu e lē tatau ona matata’u, ona o i latou ia o le a lē faaumatiaina. Ae o le malo o le tiapolo, lea o le a atia’e i totonu o le fanauga a tagata, le malo lea ua faatuina i totonu o i latou o e o i la le tino—

23 Ona o le a vave ona oo mai o le taimi o ^aekalesia uma ua atia’e ia maua ai ni tamaoaiga, ma o i latou uma o e ua atia’e ia maua ai le mana i la le tino, ma i latou o e ua atia’e ina ia ^etausaafia i le vaaaiga a le lalolagi, ma i latou o e ua saili tuinanau o le tino ma mea o le lalolagi, ma fai ituaiga o amioletonu uma; ioe, i lona aotelega, o i latou uma o e ua auai i le malo o le tiapolo, o i latou ia e tatau ona matata’u, ma gatete, ma ⁱgalulu; o i latou ia e ao ona ave ifo maualalo i le efuefu; o i latou ia e ao ona ^osusunuina e pei o tagutugutu o saito; ma ua tusa lenei ma upu a le perofeta.

24 Ma ua vave ona oo mai o le taimi e ao ai ina taitai a’e e amiotonu e pei o ni ^atamaipovi o le lotoā, ma ao ai ina nofotupu le Paia e Toatasi o Isaraelu i le pule aoao, ma le malosi, ma le mana, ma le mamalu tele.

25 Ma e ^afaapotopoto mai e ia ana fanau mai itu e fa o le lalolagi; ma e faitau e ia ana mamoe, ma ua latou iloa o ia; ma o le a tasi le lafu ma tasi le ^eleoleo mamoe; ma o le a ia fafaga i ana mamoe, ma ia te ia o le a latou maua ai ⁱlotoā.

26 Ma ona o le amiotonu o ona tagata, ua leai ai se mana o ^aSatani; o le mea lea, e lē mafai ai ona tatalaina o ia mo le va o ^etausaga e tele; ona ua leai se mana e ia te ia i luga o loto o tagata, ona ua latou ola i le amiotonu, ma ua ⁱnofotupu le Paia e Toatasi o Isaraelu.

27 Ma o lenei faauta, o a’u, o Nifae, ou te fai atu ia te outou o nei mea uma o le a oo mai e tusa ma la le tino.

28 Ae faauta, o le a nonofo saogalemu atunuu, ituaiga, gagana, ma tagata uma i le Paia e Toatasi o Isaraelu, pe afai latou te ^asalamo.

29 Ma o lenei, o a’u o Nifae, ua faaiu a’u upu; ona oute le toe tautala atili atu lava e uiga i nei mea.

30 O le mea lea, o’u uso e, ou te manao ia outou iloa o mea ua tusia i luga o ^apapatusi apamemea ua moni; ma ua latou molimau mai e ao i le tagata ona usiusitai i poloaiga a le Atua.

31 O le mea lea, e lē tatau ona outou manatu faapea ua nao a’u ma lo’u tamā ua molimauina, ma aoao atu foi ia mea. O le mea lea, afai tou te usiusitai i ^apoloaiga, ma tutumau e oo i le iuga, o le a faaolaina outou i le aso gataaga. Ma ua faapea lava. Amene.