1 Ket ita napasamak a kalpasan a siak, ni Nephi, nabasak dagitoy a banag a naikitikit ^akadagiti pinanid a gambang, inasitgandak dagiti lallaki a kakabsatko ket kinunada kaniak: Ania ti kayat a sawen dagitoy a banag a nabasam? Kitaen, nasken kadi a maawatanda a mayannurot kadagiti naespirituan a banag, a mapasamakto a mayannurot iti espiritu a saan nga iti lasag?

2 Ket siak, ni Nephi, kinunak kadakuada: Kitaen ^anaipalgak dagitoy kadagiti propeta babaen ti timek ti ^bEspiritu; ta babaen ti Espiritu maipakaammo ti amin a banag ^ckadagiti propeta, a maidanon kadagiti annak ti tattao a mayannurot iti lasag.

3 Gapuna, dagiti banag a nabasak isu dagiti banag a maipanggep kadagiti bambanag nga agpadpada a ^anaindagaan ken naespirituan; ta agparparang a ti balay ti Israel, iti saan a mabayag wenno inton kamaudiananna, ^bmaiwaraswarasto iti amin a rabaw ti daga, ken kasta met kadagiti amin a pagilian.

4 Ket kitaen, adu kaniadan iti naawan ti pannakaammo kadagiti adda iti Jerusalem. Wen, ti kaaduan ^akadagiti tribu ti ^bnaipanawen; ket naiwaraswarasda ^ckadagiti isla ti baybay; ken no sadino pay awan kadakami ti makaammo, malaksid iti pannakaammomi a naipanawda.

5 Ket manipud iti pannakaipanawda, naipadto dagitoy a banag maipanggep kadakuada, ken maipanggep met kadagiti maiwaraswaras ken mailaokto iti masanguanan, gapu iti Nasantuan ti Israel; ta patangkenendanto dagiti pusoda a maibusor kenkuana; gapuna, maiwaraswarasdanto kadagiti amin a pagilian ken ^akagurguranto ti amin a tao.

6 Nupay kasta, kalpasan ti ^apanangtaripato kadakuada ^bdagiti Gentil, ken naitanggayan ti Apo ti imana kadagiti Gentil ket naitudingda a pagrukodan, ken naubba dagiti ^cannakda, ken naibaklayda dagiti babbai nga annakda, kitaen naindagaan dagitoy nasaon a banag; ta dagitoy dagiti katulagan ti Apo kadagiti ammatayo; ket kayatna a sawen a datayo kadagiti masungad nga aldaw, kasta met kadagiti lallaki a kakabsattayo nga adda iti balay ti Israel.

7 Ket kayatna a sawen a dumteng ti panawen a kalpasan ti pannakaiwaraswaras ken pannakailaok ti amin a balay ti Israel, mangbangonto ti Apo a Dios iti maingel a pagilian ^akadagiti Gentil, wen, uray iti rabaw daytoy a daga; ket babaen kadakuada ^bmaiwaraswarasto dagiti kaputotantayo.

8 Ket kalpasan ti pannakaiwaraswaras dagiti kaputotantayo ituloyto ti Apo a Dios ti agaramid kadagiti ^apagsidsiddaawan nga aramid ^bkadagiti Gentil, nga agbalinto a ^cnapateg unay kadagiti kaputotantayo; gapuna, maipadanto iti panangtaripato kadakuada dagiti Gentil ken ti pannakaubba ken pannakabaklayda.

9 Ken ^anapategto met daytoy kadagiti Gentil; ken saan laeng a kadagiti Gentil ngem ^biti amin a ^cbalay ti Israel, iti pannakaipakaammo ^ddagiti katulagan iti Ama ti langit ken ni Abraham, a kinunana: Babaen ti ^ekaputotam dagiti amin a puli iti daga ket ^fmabendisionanto.

10 Ket kayatko, lallaki a kakabsatko, a nasken a maammuanyo a saan a mabendisionan dagiti amin a puli ti daga malaksid no ipakitana ti ^abileg ti takiagna iti imatang dagiti pagilian.

11 Gapuna, ituloy ti Apo a Dios nga ipakitana ti takiagna iti imatang dagiti amin a pagilian, iti panangipatungpalna kadagiti katulagan ken ebangheliona kadagiti adda iti balay ti Israel.

12 Gapuna, paruk-atandanto manen ida iti pannakaadipenda, ket ^apagtitiponendanto kadagiti daga a tawidda; ket maparuk-atandanto iti kalideman ken iti ^bkasipngetan; ket maammuandanto a ti ^cApo ti ^dMangisalakan ken Mannubbotda, ti ^eNaindaklan ti Israel.

13 Ket ti dara dayta nabileg ken ^amakarimon a simbaan, a balangkantis iti amin a daga, taliawendanto ti bukodda nga ulo; ta ^bgubatendanto iti tunggal maysa, ket agdissonto ti espada nga ^ciggemda agballatekto met laeng kadagiti uloda, ken mabartekdanto iti bukodda a dara.

14 Ket iti tunggal ^apagilian a manggubat kenka, O balay ti Israel, aglalabandanto a maibusor iti tunggal maysa, ket ^bmatnagdanto iti abut a kinalida a mangsilo kadagiti tattao ti Apo. Ket madadaelto amin dagiti ^cbumusor iti Zion, ket dayta nabileg a balangkantis, a nangbalusingsing kadagiti pudno a pagayatan ti Dios, wen, dayta nabileg ken makarimon a simbaan, marbanto iti ^dkatapokan ket nakaronto ti pannakarpuogna.

15 Ta kitaen, kinuna ti propeta, napardas ti yaasideg ti panawen nga awanton ti bileg ni Satanas kadagiti puso dagiti annak ti tattao; ta dumtengton iti mabiit ti aldaw a dagiti amin a napalangguad ken dagiti agaramid iti dinadangkes agbalin a kasla ^agarami; ket dumtengto ti aldaw a nasken a ^bmapuoranda.

16 Ta dumtengton ti panawen a maibukbok ti nakaro a ^apungtot ti Dios kadagiti amin a annak ti tattao; ta saannanto nga ipalubos a dadaelen dagiti nadangkes ti nalilinteg.

17 Gapuna, ^asaluadannanto dagiti ^bnalinteg babaen ti bilegna, uray pay no dumtengto ti nakaro a pungtotna, ket masaluadan dagiti nalinteg, agingga iti pannakadadael dagiti kabusorda iti apuy. Gapuna, nasken a saan nga agbuteng dagiti nalinteg; agsipud ta kinuna ti propeta, a maisalakanda, uray pay iti apuy.

18 Kitaen, lallaki a kakabsatko, ibagak kadakayo, nasken a mapasamak dagitoy a bambanag iti mabiit; wen, umayto uray ti dara, ken apuy, ken ti alibungubong ti asuk; ket nasken nga iti rabaw daytoy a daga; ket mapasamakto dagitoy kadagiti tattao kas mayannurot iti lasag no patangkenenda dagiti pusoda a maibusor iti Nasantuan ti Israel.

19 Ta kitaen, saanto a mapukaw dagiti nalinteg; ta agpayso a dumtengto ti panawen a mailaksidto amin dagiti manglaban iti Zion.

20 Ket awan duadua a mangisagananto ti Apo iti wagas para kadagiti taona, iti pannakaipatungpal dagiti balikas ni Moises, nga imbagana, a kinunana: Mangitudingto ti maysa a ^apropeta ti Apo a Diosyo kadakayo, a kas kaniak; mangngegyonto kenkuana ti amin a banag a kayatna nga ibaga kadakayo. Ket mapasamakto a ^bmailaksid kadagiti tattao ti amin a saan a dumngeg iti dayta a propeta.

21 Ket ita siak, ni Nephi, ipakdaarko kadakayo, a daytoy a ^apropeta nga imbaga ni Moises ti Nasantuan ti Israel; gapuna, ipatungpalnanto ti ^bpanangukom iti kinalinteg.

22 Ket nasken a saan nga agbuteng dagiti nalinteg, ta isuda dagiti saanto a madadael. Ngem ti pagarian ti sairo, a mabangonto kadagiti annak ti tattao, ti pagarian a binangon kadakuada a nainlasagan—

23 Ket sipapardas a dumtengto ti panawen nga amin a ^asimbaan a nabangon tapno makagun-od iti kinabaknang, ken kadagiti amin a nabangon a mangituray iti lasag, ken kadagiti amin a nabangon tapno agbalin a ^bnalatak iti imatang ti lubong, ken dagiti agtarigagay kadagiti gartem ti lasag ken kadagiti bambanag ti lubong, ken agaramid iti amin a kita ti kinadangkes; wen, iti ababa a pannao, amin dagiti maibilang iti pagarian ti sairo ti nasken nga agdanag, ken agtigerger, ken ^cagkintayeg; isuda dagiti nasken a maimudumod iti katapokan; isuda dagiti nasken a ^dmauram a kasla garami; ket mayannurot daytoy kadagiti balikas ti propeta.

24 Ket sipapardas a dumteng ti panawen a nasken a maiturong dagiti nalinteg a kas iti ^aurbon ti baka iti koral, ket nasken nga agturay ti Nasantuan ti Israel iti masakupan a sititimbeng, napigsa, napnuan bileg ken naindaklan a gloria.

25 Ket ^aummongenna dagiti annakna manipud iti uppat a suli ti daga; ket am-ammona dagiti karnerona, ket am-ammoda isuna; ket addanto iti maysa nga ummong ken maysa a ^bpastor; ket taraonanna ti karnerona, ket kenkuana masapulanda ti ^cpagarabanda.

26 Ket gapu iti kinalinteg dagiti taona, awan ti bileg ni ^aSatanas; gapuna, saanto a makaruk-at iti uneg ti ^badu a tawen; gapu ta awan ti bilegna a mangituray kadagiti puso ti tao, ta agbibiagda iti kinalinteg, ken ti Nasantuan ti Israel ti ^cagari.

27 Ket ita kitaen, siak, ni Nephi, ibagak kadakayo a mapasamak amin dagitoy a banag a mayannurot iti lasag.

28 Ngem, kitaen, agbiagto a sitatalged ti amin a pagilian, puli, pagsasao, ken tattao iti Nasantuan ti Israel no la ketdi ^aagbabawida.

29 Ket ita siak, ni Nephi, gibusakon; ta saannak pay makapagsao ti nayonna iti maipanggep kadagitoy a bambanag.

30 Gapuna, lallaki a kakabsatko, igunamgunamko nga ibilangyo a pudno dagiti banag a naisurat ^akadagiti pinanid a gambang; ken paneknekanda a nasken nga agtungpal ti tao kadagiti bilin ti Dios.

31 Gapuna, saanyo koma a kunaen a dakami laeng iti amak ti nangipaneknek, ken nangisuro met kadakuada. Gapuna, no la ketdi agtungpalkayo ^akadagiti bilin, ken agibtur agingga iti panungpalan, maisalakankayonto iti maudi nga aldaw. Ket kasta. Amen.