Ebʼ li loqʼlaj hu
1 Nefi 19


Ch’ol 19

Laj Nefi naxyiib’eb’ li perel ch’iich’ rik’in pek ch’iich’ xsa’ ut naxtz’iib’a li esil chirix lix tenamit—Lix Dios laj Israel taak’ulunq waqib’ cient chihab’ chirix li relik chaq laj Lehi Jerusalen—Laj Nefi naxye resil li rahilal tixk’ul ut lix kamik chiru krus—Eb’ laj Judio xik’ te’ile’q ut te’jek’iiq toj sa’ roso’jik li kutan, naq te’sutq’iiq rik’in li Qaawa’. Wan na 588–570 chihab’ ma nayo’la li Kristo.

1 Ut kik’ulman naq li Qaawa’ kinixtaqla, jo’kan naq kinyiib’eb’ li perel ch’iich’ rik’in pek ch’iich’ xsa’ re tintz’iib’a chiruheb’ li esil chirix lin tenamit. Ut chiruheb’ li aperel ch’iich’ kinyiib’ kintz’iib’a li esil kixtz’iib’a lin byuwa’, ut jo’kan ajwi’ eb’ li qab’eenik sa’ li yamyookil ch’och’, ut lix profeetil aatin lin yuwa’, ut jo’kan ajwi’ naab’al lin profeetil aatin laa’in kintz’iib’a chiruheb’.

2 Ut ink’a’ kinnaw sa’ li kutan naq kinyiib’ naq tintaqlaaq xb’aan li Qaawa’ chixyiib’ankileb’ li aperel ch’iich’ a’in; jo’kan naq li esil kixtz’iib’a lin yuwa’, ut li resilal lix xe’toonileb’ lix yuwa’, ut lix k’ihal li qab’aanuhom sa’ li yamyookil ch’och’ wan chi tz’iib’anb’il chiruheb’ li xb’eenileb’ perel ch’iich’ a’an li xin’aatinak wi’; jo’kan ut, li k’a’ru kik’ulman naq toj maji’ ninyiib’eb’ li bperel ch’iich’ a’in, relik chi yaal naq yeeb’il tz’aqal resil chiruheb’ li xb’eenileb’ perel ch’iich’.

3 Ut chirix naq kinyiib’eb’ li perel ch’iich’ a’in jo’ chanru taqlanb’il, laa’in, aj Nefi, kink’ul jun intaqlankil naq li k’anjel sa’ li musiq’ej ut li profeetil aatin, li jun raqal li saqen ru ut wan xloq’al, taatz’iib’amanq chiruheb’ li aperel ch’iich’ a’in, ut naq li k’a’aq re ru tz’iib’anb’il taak’uulamanq choq’ re xtzolb’aleb’ lin tenamit, li te’eechaninq re li ch’och’, ut jo’kan ajwi’ choq’ re jalaneb’ chik li bchaab’il ajom, ut nawb’il chiru li Qaawa’ li ajom a’an.

4 Jo’kan ut, laa’in, aj Nefi, kintz’iib’a jun esil chiruheb’ li perel ch’iich’ jun ch’ol chik, li naxye resil, malaj naxnimob’resi li esil chirixeb’ li pleet ut li wech’ok-ib’ ut eb’ li sachok sa’ lin tenamit. Ut a’in kinb’aanu, ut kintaqlaheb’ lin tenamit rik’in k’a’ru te’xb’aanu chirix naq ak xikenaqin; ut naq te’numsiiq chaq li perel ch’iich’ a’in xb’aan li jun tasal tenamit re li jun tasal chik, malaj xb’aan li jun profeet re li jun chik, toj reetal naq taawanq xkomon lix taqlahom li Qaawa’.

5 Ut moqon taak’ehe’q resil lix ayiib’ankileb’ li perel ch’iich’ a’in inb’aan; toja’ naq k’ehomaq reetal, nin’ok wi’chik jo’ chanru ajwi’ li xinye; ut a’in ninb’aanu re naq li k’a’ru wan chik xloq’al btaak’uulamanq re taanawe’q xb’aan lin tenamit.

6 A’b’anan maak’a’ nintz’iib’a chiruheb’ li perel ch’iich’, ka’ajwi’ li nink’oxla naq awan xloq’alil. Ut anajwan, wi ninsach, jo’kan ajwi’ ke’sach chaq najter; ut moko nawaj ta xpatz’b’al inkuyb’al xb’aaneb’ li winq jalan chik, a’b’an sa’ xk’ab’a’ lix bq’unal li metz’ew li wan wik’in, jo’ chanru li tz’ejwalej, tinpatz’ raj inkuyb’al.

7 Xb’aan naq li k’a’ru neke’xk’oxla junjunqeb’ li winq naq nim xloq’al, re li tz’ejwalej jo’ ajwi’ re li aamej, jalaneb’ chik neke’xk’e chi yal ajo’maajo’ ut neke’xyeq’i rub’el li roq. Relik chi yaal, jo’kan ajwi’ lix Dios laj Israel eb’ li winq bneke’xyeq’i rub’el li roq; ninye naq neke’xyeq’i rub’el li roq, a’b’an jalan chik li aatin tin’aatinaq wi’ raj—neke’xsach xwankil, ut ink’a’ neke’ab’in chiru xyaab’ xkux li na’leb’ naxk’e.

8 Ut k’ehomaq reetal naq a’an ataak’ulunq, jo’ chanru li raatin li anjel, sa’ bwaqib’ cient chihab’ chirix li relik chaq lin yuwa’ Jerusalen.

9 Ut li ruchich’och’, sa’ xk’ab’a’ lix maa’usilaleb’, te’xb’ir rix jo’ chanchan naq maak’a’ xloq’al; jo’kan naq neke’xraple, ut a’an naxkuy, ut neke’xsak’, ut a’an naxkuy. Relik chi yaal, aneke’xchuub’a, ut a’an naxkuy, sa’ xk’ab’a’ lix chaab’ilal xch’ool aj rahonel, ut xnajtil li royb’enihom choq’ reheb’ li ralal xk’ajoleb’ li winq.

10 Ut li aDios reheb’ li qayuwa’, a’eb’ li bke’k’ame’ xb’e chi elk chaq Egipto, sa’ moosil, ut jo’kan ajwi’ ke’kole’ rix sa’ li yamyookil ch’och’ xb’aan a’an, relik chi yaal, lix cDios laj Abraham, ut laj Isaak, ut lix Dios laj Jakob, dnaxq’axtesi rib’, jo’ chanru li raatin li anjel, jo’ winq, sa’ ruq’eb’ li winq aj maak, re etaataqsiiq, jo’ chanru li raatin laj fTzenok, ut re gtaak’ehe’q chiru krus, jo’ chanru li raatin laj Neum, ut re taamuqe’q sa’ jun hmuqleb’aal kamenaq, jo’ chanru li raatin laj iTzenos, li ki’aatinak wi’ chirix li oxib’ kutan li jaak’ab’, a’anaq jun reetalil lix kamik k’eeb’il reheb’ li te’wanq sa’eb’ li ch’och’ sa’ xyi li palaw, ut q’axal wi’chik k’eeb’il reheb’ li wankeb’ sa’ lix kjunkab’al laj Israel.

11 Xb’aan naq jo’ka’in ki’aatinak li profeet: Relik chi yaal naq li Qaawa’ Dios ataarula’ani chixjunil lix junkab’al laj Israel sa’ li kutan a’an, wan rik’in xyaab’ lix kux, sa’ xk’ab’a’ lix tiikilaleb’, re te’nimanq xsahileb’ xch’ool ut te’kole’q, ut wan rik’in li bkaaq ut raq’ kaaq re lix wankilal, rik’in kaq-sut-iq’, rik’in xam, ut rik’in sib’, ut rik’in xb’ook li caak’ab’, ut rik’in lix tehelal li dch’och’, ut rik’ineb’ li etzuul li te’k’ame’q.

12 Ut achixjunil li k’a’aq re ru a’in tento taachalq chi yaal, chan li profeet aj bTzenos. Ut tento te’jache’q lix cpekal li ch’och’, ut rik’in li aakanak sa’ li ch’och’, naab’al reheb’ lix reyeb’ li ch’och’ sa’ xyi li palaw te’eek’asiiq xb’aan lix Musiq’ li Dios chixyeeb’al: Li Dios re li tzuul taq’a naxk’ul rahilal.

13 Ut chirixeb’ li wankeb’ chaq Jerusalen, chan li profeet, eb’ a’an ate’rapleeq xb’aaneb’ chixjunil li tenamit, xb’aan naq bneke’xk’e chiru krus lix Dios laj Israel, ut neke’xjalb’ehi lix ch’ooleb’, neke’xtz’eqtaanaheb’ li eetalil ut li sachb’a-ch’oolej, ut lix wankil ut xloq’al lix Dios laj Israel.

14 Ut sa’ xk’ab’a’ naq neke’xjalb’ehi lix ch’ooleb’, chan li profeet, ut axik’ xe’ril lix Santil Dios laj Israel, eb’ a’an te’wanq chixb’eeninkil rib’ sa’ li tz’ejwalej, ut te’oso’q, ut te’wanq choq’ bhasb’ ut cjo’maajo’il aatin, ut xik’ te’ile’q sa’ xyanqeb’ chixjunileb’ li tenamit.

15 A’b’anan naq taawulaq xkutankil, chan li profeet, naq aink’a’ chik te’xjalb’ehi lix ch’ooleb’ rik’in lix Santil Dios laj Israel, chirix a’an taajultiko’q re a’an li bsumwank li kixk’uub’ choq’ reheb’ lix yuwa’eb’.

16 Relik chi yaal, chirix a’an te’jultiko’q re li ach’och’ sa’ xyi li palaw, relik chi yaal, ut chixjunileb’ li tenamit li wankeb’ sa’ lix junkab’al laj Israel laa’in bteb’inch’utub’, chan li Qaawa’, jo’ chanru li raatin li profeet aj Tzenos, chalen chaq sa’ xkaajachalil li ruchich’och’.

17 Relik chi yaal, ut chixjunil li ruchich’och’ ate’ril lix kolb’a-ib’ li Qaawa’, chan li profeet; li junjunq chi tenamit, junkab’al, aatinob’aal, ut teepal te’osob’tesiiq.

18 Ut laa’in, aj Nefi, kintz’iib’a li k’a’aq re ru a’in choq’ reheb’ lin tenamit, re naq maare tinq’unb’esiheb’ xch’ool re naq taajultiko’q reheb’ li Qaawa’ aj Tojol rixeb’.

19 Jo’kan ut, nawaatina chixjunil lix junkab’al laj Israel, wi taa’uxq naq te’xk’ul li ak’a’aq re ru a’in.

20 Xb’aan naq k’ehomaq reetal, wan nak’anjelank we sa’ li musiq’ej, ut a’an nikinixlub’tesi toj reetal naq q’un ru chixjunil xcha’al intib’el, sa’ xk’ab’a’eb’ li wankeb’ chaq Jerusalen; xb’aan naq wi ta li Qaawa’ ink’a’ kiruxtaana wu, re xk’utb’al chiwu chirixeb’ a’an, jo’ chanru ajwi’ reheb’ li profeet najter chaq, laa’in ajwi’ raj kin’oso’.

21 Ut relik chi yaal naq kixk’ut chiruheb’ li aprofeet najter chaq chixjunil li k’a’aq re ru bchirixeb’, ut kixk’ut ajwi’ chiru naab’aleb’ chiqix laa’o, jo’kan ut, tento naq taqanaw chirixeb’ a’an xb’aan naq tz’iib’anb’il chiruheb’ li perel ch’iich’ bronce.

22 Anajwan kik’ulman naq laa’in, aj Nefi, kink’ut li k’a’aq re ru a’in chiruheb’ li was; ut kik’ulman naq kinye reheb’ naab’al li na’leb’ wan chiru hu, li tz’iib’anb’il chiruheb’ li aperel ch’iich’ bronce, re te’xnaw chirix lix b’aanuhom li Qaawa’ sa’ jalaneb’ chik li ch’och’, sa’ xyanqeb’ li ke’wan chaq najter.

23 Ut kinye reheb’ naab’al li aatin li tz’iib’anb’il sa’eb’ lix ahu laj Moises; a’b’an re naq q’axal wi’chik tinq’unb’esiheb’ xch’ool chixpaab’ankil li Qaawa’ aj Tojol rixeb’, kinye reheb’ li k’a’ru tz’iib’anb’il xb’aan li profeet aj bIsaias, xb’aan naq ckinjuntaq’eeta chixjunileb’ li loq’laj hu qik’in, re naq taawanq choq’ re dqachaab’ilal ut qatzolb’al.

24 Jo’kan naq kiwaatinaheb’, ut kinye: Ab’ihomaq li raatin li profeet, laa’ex li wankex choq’ jun rela’ lix junkab’al laj Israel, jun aruq’ che’ li xextoqe’; ab’ihomaq li raatin li profeet, li kitz’iib’aman choq’ re chixjunil lix junkab’al laj Israel, ut chejuntaq’eeta eerik’in laa’ex, re taawanq eeyo’onihom jo’ chanru ajwi’ eb’ lee ras eeriitz’in li xextoqe’ wi’ chaq; xb’aan naq jo’ka’in kitz’iib’ak li profeet.