Mga Kasulatan
1 Nephi 19


Kapitulo 19

Si Nephi mihimo og mga palid nga oro ug mitala sa kasaysayan sa iyang katawhan—Ang Dios sa Israel moabot unom ka gatos ka tuig gikan sa panahon sa pagbiya ni Lehi sa Jerusalem—Si Nephi misaysay sa Iyang mga pag-antos ug pagkalansang sa krus—Ang mga Judeo biaybiayon ug pagatibulaagon hangtod sa ulahing mga adlaw, dihang mobalik na sila sa Ginoo. Mga 588–570 B.C.

1 Ug nahitabo nga ang Ginoo misugo kanako, mao nga mihimo ako og mga palid nga oro aron akong makulit diha niini ang talaan sa akong katawhan. Ug diha sa mga apalid nga akong gihimo gikulit nako ang talaan sa akong bamahan, ug usab sa among mga pagbiyahe sa kamingawan, ug sa mga panagna sa akong amahan; ug usab daghan sa akong kaugalingon nga mga panagna akong gikulit diha niini.

2 Ug wala ako mahibalo nianang panahona sa diha nga ako mihimo niini nga ako sugoon sa Ginoo sa paghimo aniini nga mga palid; mao nga ang talaan sa akong amahan, ug ang kasaysayan sa kagikanan sa iyang mga amahan, ug ang labing dako nga bahin sa tanan sa among nahimo didto sa kamingawan gikulit didto sa nag-unang mga palid nga akong gipamulong; mao nga, ang mga butang nga nanghitabo sa wala pa ako mohimo bniini nga mga palid, sa pagkatinuod, gihisgotan pag-ayo diha sa nag-unang mga palid.

3 Ug human nga akong nahimo kini nga mga palid sigon sa sugo, ako, si Nephi, nakadawat og sugo nga ang pagpangalagad ug ang mga panagna, ang labing yano ug bililhon nga mga bahin niini, kinahanglan nga isulat dinhi aniini nga mga palid; ug nga ang mga butang nga nasulat kinahanglan nga tipigan alang sa pagpanudlo sa akong katawhan, kinsa mao ang manag-iya sa yuta, ug usab alang sa uban pang bmaalamon nga mga katuyoan, diin nga mga katuyoan nahibaloan sa Ginoo.

4 Mao nga ako, si Nephi, mihimo og talaan diha sa laing mga palid, nga naghatag og asoy, o naghatag og mas hingpit nga asoy sa mga gubat ug mga panagbingkil ug mga kalaglagan sa akong katawhan. Ug kini akong gihimo, ug misugo sa akong katawhan unsay angay nilang buhaton human ako mamatay; ug nga kining mga palid kinahanglan nga ihatag gikan sa usa ka henerasyon ngadto sa laing henerasyon, o gikan sa usa ka propeta ngadto sa laing propeta, hangtod nga adunay dugang nga mga sugo gikan sa Ginoo.

5 Ug ang usa ka asoy sa akong apaghimo niining mga palid ihatag human niini; ug dayon, tan-awa, ako mopadayon sumala sa akong gipamulong; ug kini akong gibuhat aron ang labing sagrado nga mga butang bmatipigan alang sa kasayoran sa akong katawhan.

6 Bisan pa, wala ako mosulat og bisan unsa nga butang diha sa mga palid gawas kon sa akong hunahuna asagrado kini. Ug karon, kon makahimo ako og sayop, gani sila sa karaan nakahimo man og sayop; dili aron ako mangatarongan sa akong kaugalingon tungod sa ubang mga tawo, apan tungod sa bkahuyang nga ania kanako, sumala sa unod, ako mangatarongan sa akong kaugalingon.

7 Kay ang mga butang nga gihunahuna sa ubang mga tawo nga dako og bili, sa lawas man ug sa kalag, agibaliwala sa uban ug ilang gitunobtunoban. Oo, gani ang Dios mismo sa Israel bgitunobtunoban sa mga tawo; ako moingon, gitunobtunoban apan mosulti ako gamit ang lahi nga mga pulong—sila mibaliwala kaniya, ug wala mopatalinghog sa tingog sa iyang mga tambag.

8 Ug tan-awa siya amoabot, sumala sa mga pulong sa anghel, sulod sa bunom ka gatos ka tuig gikan sa panahon nga ang akong amahan mibiya sa Jerusalem.

9 Ug ang kalibotan, tungod sa kadaotan niini, mohukom kaniya nga usa ka butang nga walay bili; mao nga sila mobunal kaniya, ug mag-antos siya niini; ug sila modapat kaniya, ug mag-antos siya niini. Oo, aluwaan nila siya, ug mag-antos siya niini, tungod sa iyang mahigugmaong pagbati ug sa iyang pagkamainantoson ngadto sa mga anak sa katawhan.

10 Ug ang aDios sa atong mga amahan, kinsa pinaagi kaniya bgidala pagawas gikan sa Ehipto, gikan sa pagkaulipon, ug usab iyang gipanalipdan sa kamingawan, oo, ang cDios ni Abraham, ug ni Isaac, ug ang Dios ni Jacob, dmitugyan sa iyang kaugalingon, sumala sa mga pulong sa anghel, sama sa usa ka tawo, ngadto sa mga kamot sa mga tawo nga daotan, aron eituboy, sumala sa mga pulong ni fZenock, ug gilansang sa krus, sumala sa mga pulong ni Neum, ug ilubong sa hlubnganan, sumala sa mga pulong ni iZenos, nga iyang gipamulong mahitungod sa tulo ka adlaw nga jkangitngit, nga mahimong timailhan sa iyang kamatayon nga ihatag ngadto niadtong mopuyo sa mga pulo sa dagat, nga ihatag ilabi na gayod niadtong anaa sa kbalay ni Israel.

11 Kay sa ingon niana namulong ang propeta: Ang Ginoong Dios sa pagkatinuod amoduaw sa tanan nga balay ni Israel niana nga adlaw, ang uban pinaagi sa iyang tingog, tungod sa ilang pagkamatarong, ngadto sa dako nilang kalipay ug kaluwasan, ug ang uban pinaagi sa mga bdugdog ug sa mga kilat sa iyang gahom, pinaagi sa mabangis nga unos, pinaagi sa kalayo, ug pinaagi sa aso, ug sa hinungaw sa ckangitngit, ug pinaagi sa pagliki sa dyuta, ug pinaagi sa mga ebukid nga ipasaka.

12 Ug kining atanan nga butang moabot gayod, miingon ang propeta nga si bZenos. Ug ang cdagkong bato sa yuta mangabuak; ug tungod sa mga pagdahunog sa yuta, daghan sa mga hari sa mga pulo sa dagat maimpluwensiyahan sa Espiritu sa Dios sa pag-ingon: Ang Dios sa kinaiyahan nag-antos.

13 Ug alang niadtong anaa sa Jerusalem, miingon ang propeta, apagasakiton sila sa tanang katawhan, tungod kay ilang bgilansang sa krus ang Dios sa Israel, ug mipatig-a sa ilang mga kasingkasing, misalikway sa mga timailhan ug mga katingalahan, ug sa gahom ug himaya sa Dios sa Israel.

14 Ug tungod kay nagmagahi sila sa ilang mga kasingkasing, miingon ang propeta, ug amibiaybiay sa Usa nga Balaan sa Israel, maglatagaw sila sa unod ug mamatay, ug mahimong bmagsitsit nga mayubiton ug cpagya, ug pagadumtan sa tanan nga kanasoran.

15 Bisan pa, kon kana nga adlaw moabot, miingon ang propeta, nga sila adili na magmagahi sa ilang mga kasingkasing batok sa Usa nga Balaan sa Israel, niana siya mahinumdom sa mga bpakigsaad nga iyang gihimo ngadto sa ilang mga amahan.

16 Oo, niana mahinumdom siya sa mga apulo sa dagat; oo, ug ang tanang katawhan nga anaa sa balay ni Israel, akong bpundokon, miingon ang Ginoo, sumala sa mga pulong sa propeta nga si Zenos, gikan sa upat ka suok sa yuta.

17 Oo, ug ang tanang kayutaan amakakita sa kaluwasan sa Ginoo, miingon ang propeta; matag nasod, kaliwatan, pinulongan ug katawhan mapanalanginan.

18 Ug ako, si Nephi, misulat niini nga mga butang ngadto sa akong katawhan, nga tingali akong maagni nga sila mohinumdom sa Ginoo nga ilang Manunubos.

19 Mao nga mamulong ako ngadto sa tanang balay ni Israel, kon mabatonan man nila akini nga mga butang.

20 Kay tan-awa, ako adunay kusganon nga espirituhanong mga pagbati, nga nakapaluya kanako hangtod nga namuypoy ang akong tanan nga lutahan, alang niadtong anaa sa Jerusalem; kay kon ang Ginoo dili pa maluluy-on, sa pagpakita ngari kanako mahitungod kanila, sama sa iyang gihimo sa karaang mga propeta, ako unta namatay na usab.

21 Ug siya sa pagkatinuod mipakita ngadto sa karaang mga apropeta sa tanan nga butang bmahitungod kanila; ug usab iyang gipakita ngadto sa daghan ang kabahin kanato; mao nga kinahanglan gayod nga kita masayod mahitungod kanila kay kini nahisulat diha sa mga palid nga tumbaga.

22 Karon nahitabo nga ako, si Nephi, mitudlo sa akong mga igsuong lalaki niini nga mga butang; ug nahitabo nga akong gibasa ngadto kanila ang daghan nga butang nga gikulit diha sa mga apalid nga tumbaga, aron ilang mahibaloan ang mahitungod sa gihimo sa Ginoo didto sa ubang kayutaan, sa mga tawo sa karaang panahon.

23 Ug akong gibasa ngadto kanila ang daghan nga butang nga nahisulat diha sa mga abasahon ni Moises; apan aron ako hingpit nga makadani kanila nga motuo sa Ginoo nga ilang Manunubos ako mibasa ngadto kanila sa gisulat ni propeta bIsaias; kay ako cmipahisama sa tanan nga kasulatan ngari kanamo alang sa among dkaayohan ug pagkat-on.

24 Mao nga namulong ako ngadto kanila, nga nag-ingon: Paminawa ninyo ang mga pulong sa propeta, kamong mga salin sa balay ni Israel, nga usa ka asanga nga nahibulag; paminawa ninyo ang mga pulong sa propeta, nga gisulat alang sa tanan nga balay ni Israel, ug gamita kini sa inyong kaugalingon, aron makabaton kamo og paglaom sama sa inyong mga igsoon diin kamo nahibulag; kay sa ingon niini nga paagi ang propeta misulat.