Mga Kasulatan
1 Nephi 18


Kapitulo 18

Ang barko nahuman—Ang pagkahimugso ni Jacob ug ni Joseph gihisgotan—Ang pundok misugod sa pagbiyahe padulong sa gisaad nga yuta—Ang mga anak nga lalaki ni Ishmael ug ang ilang mga asawa nangapil sa hudyaka ug rebelyon—Si Nephi gigapos, ug ang barko gipadpad og balik sa mabangis nga unos—Si Nephi gibuhian ug pinaagi sa iyang pag-ampo ang bagyo milurang—Ang katawhan nangabot sa gisaad nga yuta. Mga 591–589 B.C.

1 Ug nahitabo nga ilang gisimba ang Ginoo, ug mikuyog kanako; ug mililok kami og mga kahoy sa talagsaon nga pagkahimo. Ug ang Ginoo mipakita ngari kanako matag karon ug unya kon unsaon nako sa paglilok ang mga kahoy alang sa barko.

2 Karon ako, si Nephi, wala molilok sa mga kahoy subay sa pamaagi nga nakat-onan sa mga tawo, ni ako wala mohimo sa barko subay sa pamaagi sa mga tawo; apan gihimo ko kini sumala sa pamaagi nga gipakita sa Ginoo kanako; mao nga kini wala magsubay sa pamaagi sa mga tawo.

3 Ug ako, si Nephi, mitungas kanunay ngadto sa bukid, ug anag-ampo ako sa kanunay sa Ginoo; mao nga ang Ginoo bmipakita kanako og mahinungdanong mga butang.

4 Ug nahitabo nga sa dihang nahuman na nako ang barko, sumala sa pulong sa Ginoo, nakita sa akong mga igsunong lalaki nga kini maayo, ug nga ang pagkahimo niini hilabihan kanindot; mao nga anagpaubos na usab sila sa atubangan sa Ginoo.

5 Ug nahitabo nga ang tingog sa Ginoo nadungog sa akong amahan, nga kami kinahanglan nga moadto ug mosakay sa barko.

6 Ug nahitabo nga pagkaugma, human nga among naandam ang tanan nga butang, daghan nga prutas ug akarne gikan sa kamingawan, ug daghan nga dugos, ug mga tagana sumala sa gisugo sa Ginoo kanamo, nanakay kami sa barko, dala ang among tanan nga karga ug among mga binhi, ug bisan unsa nga butang nga among gidala, matag usa sumala sa iyang panuigon; mao nga tanan kami misakay sa barko, kuyog sa among mga asawa ug mga anak.

7 Ug karon, ang akong amahan nakabaton og duha pa ka anak nga lalaki sa kamingawan; ang magulang ginganlan og aJacob ug ang manghod si bJoseph.

8 Ug nahitabo human nga kaming tanan nakasakay na sa barko, ug midala sa among mga tagana ug mga butang nga gisugo kanamo, among gilawig ang adagat ug gipadpad sa kusog nga hangin paingon sa bgisaad nga yuta.

9 Ug human nga kami gipadpad sa kusog nga hangin sulod sa daghan nga adlaw, tan-awa, ang akong mga igsuong lalaki ug ang mga anak nga lalaki ni Ishmael ug usab ang ilang mga asawa misugod sa ilang mga kaugalingon sa pagsadya, hangtod nga sila misugod sa pagsayaw, ug pag-awit, ug pagpamulong og labihan kalaw-ay, oo, gani nga sila nakalimot kon sa unsang gahom sila nadala diha niana; oo, sila gibayaw ngadto sa tumang kalaw-ay.

10 Ug ako, si Nephi, misugod sa hilabihang pagkahadlok basin og ang Ginoo masuko kanamo, ug mosilot kanamo tungod sa among kadaotan, nga kami malamoy sa kahiladman sa dagat; mao nga ako, si Nephi, misugod sa pagpamulong kanila sa dakong kaligdong; apan tan-awa anasuko sila kanako, nga nag-ingon: Kami dili motugot nga ang among manghod ang bmagmando kanamo.

11 Ug nahitabo nga si Laman ug Lemuel migunit kanako ug migapos kanako og pisi, ug milabaw pa ang ilang kabangis ngari kanako; bisan pa niana, ang Ginoo amitugot niini aron siya makapakita sa iyang gahom, nga mosangpot sa katumanan sa iyang pulong nga iyang gipamulong mahitungod sa mga daotan.

12 Ug nahitabo nga human sila migapos kanako hangtod nga dili na ko makalihok, ang akompas, nga giandam sa Ginoo, mihunong sa paglihok.

13 Mao nga wala sila masayod asa nila ipadulong ang pagtimon sa barko, hangtod nga dihay miabot nga kusog nga bagyo, oo, dako ug makalilisang nga unos, ug agipadpad kami pabalik sa katubigan sulod sa tulo ka adlaw; ug nagsugod sila sa hilabihang pagkalisang basin og mangalumos sila sa dagat; bisan pa wala sila mobadbad kanako.

14 Ug sa ikaupat nga adlaw, nga kami gipadpad pabalik, ang bangis nga unos misugod sa hilabihang kapintas.

15 Ug nahitabo nga hapit na kami malamoy sa kinahiladman sa dagat. Ug human nga kami gipadpad pabalik sa katubigan sulod sa upat ka adlaw, ang akong mga igsuong lalaki misugod sa apagkaamgo nga ang mga silot sa Dios diha na kanila, ug nga sila seguradong mangamatay gawas kon maghinulsol sila sa ilang mga kadaotan; mao nga miduol sila kanako, ug mibadbad sa mga gapos nga anaa sa akong mga pulso, ug tan-awa nanghubag kini sa hilabihan; ug usab ang akong mga buol-buol nanghubag pag-ayo, ug hilabihan ang kangulngol niini.

16 Bisan pa, midangop ako sa akong Dios, ug ako amidayeg kaniya sa tibuok adlaw; ug wala ako magbagulbol batok sa Ginoo mahitungod sa akong mga kasakit.

17 Karon ang akong amahan, si Lehi, misulti kanila og daghan nga butang, ug ngadto usab sa mga anak nga lalaki ni aIshmael; apan, tan-awa, mihimo sila og daghang pagpanghulga batok ni bisan kinsa nga modapig kanako; ug ang akong mga ginikanan nga nag-antos na sa katigulangon, ug nagsinati sa tumang kaguol tungod sa ilang mga anak, sila naglubog, oo, gani diha sa ilang mga higdaanan alang sa masakiton.

18 Tungod sa ilang kaguol ug daghang kasubo, ug sa kadaotan sa akong mga igsuong lalaki, duol na sila sa kahimtang nga motaliwan niini nga higayon aron mohimamat sa ilang Dios; oo, ang ilang puti nga mga buhok hapit na mohigda sa abog; oo, gani haduol na sila nga itambog uban sa kasubo ngadto sa tubigon nga lubnganan.

19 Ug si Jacob ug si Joseph usab, kay mga batan-on pa, nga nagkinahanglan og daghan nga pagkaon, nagsubo tungod sa mga kasakit sa ilang inahan; ug usab ang aakong asawa sa iyang mga luha ug mga pag-ampo, ug usab ang akong mga anak, wala makalukmay sa mga kasingkasing sa akong mga igsuong lalaki aron ila akong buhian.

20 Ug walay lain gawas sa gahom sa Dios, nga mihulga kanila og kalaglagan, ang makalukmay sa ilang mga kasingkasing; mao nga sa diha nga nakita nila nga sila hapit na malamoy sa kahiladman sa dagat gihinulsolan nila ang mga butang nga ilang nahimo, hangtod nga ila akong gibuhian.

21 Ug nahitabo human nga ila akong gibuhian, tan-awa, akong gikuha ang kompas, ug milihok kini sumala sa akong tinguha. Ug nahitabo nga nag-ampo ako sa Ginoo; ug human nga ako nag-ampo ang hangin mihunong, ug ang bagyo mihunong, ug adunay dako nga kalinaw.

22 Ug nahitabo nga ako, si Nephi, mitimon sa barko, nga kami milawig na usab padulong sa gisaad nga yuta.

23 Ug nahitabo human nga kami nakalawig sulod sa daghan nga adlaw miabot kami sa agisaad nga yuta; ug nangadto kami sa yuta, ug mipabarog sa among mga tolda; ug among gitawag kini og gisaad nga yuta.

24 Ug nahitabo nga nagsugod kami sa pagtikad sa yuta, ug nagsugod kami sa pagpugas sa mga binhi; oo, among gipugas ang among tanan nga binhi sa yuta, nga among gidala gikan sa yuta sa Jerusalem. Ug nahitabo nga mitubo kini sa hilabihan; mao nga, napanalanginan kami sa kabuhong.

25 Ug nahitabo nga nakakaplag kami diha sa yutang saad, sa among pagbiyahe sa kamingawan, nga adunay mga mananap sa kalasangan sa matag matang, sama sa baka ug toro, ug asno ug kabayo, ug kanding ug ihalas nga kanding, ug tanan nga matang sa ihalas nga mga mananap, nga magamit sa mga tawo. Ug among nakaplagan ang tanan nga matang sa oro, sama sa bulawan, ug pilak, ug kobre.