Tusitusiga Paia
1 Nifae 17


Mataupu 17

Ua poloaiina Nifae e fau se vaa—Ua tetee ona uso ia te ia—Ua ia apoapoa’ia i laua i le toe faamatala atu o le talafaasolopito o fealoaiga a le Atua ma Isaraelu—Ua faatumulia Nifae i le mana o le Atua—Ua faasa ona uso ona pa’i mai ia te ia, ina ne’i mamae i laua e pei o se vaoutuutu mago. E tusa o le 592–591 T.L.M.

1 Ma sa oo ina toe alu la matou malaga i le vao; ma sa matou malaga toeitiiti ane agai i le itu i sasae mai lena taimi ma agai atu i le lumanai. Ma sa matou malaga ma asa atu i puapuaga e tele i le vao; ma sa fanauina e o matou fafine fanau i le vao.

2 Ma sa matua tele lava faamanuiaga a le Alii i luga o i matou, e ui ina sa matou ola i aaano mata o manu i le vao, sa lava le suasusu o o matou fafine mo a latou fanau, ma sa malolosi, ioe, e pei lava o tane; ma sa amata ona latou faia pea a latou malaga e aunoa ma le muimui.

3 Ma ua faapea ona tatou vaai le tatau ona faataunuuina o poloaiga a le Atua. Ma afai e atausi e le fanauga a tagata poloaiga a le Atua, e tausi o ia ia te i latou, ma faamalolosi i latou, ma fai ala e mafai ai ona latou faataunuuina o le mea ua ia poloaiina ai i latou; o le mea lea, sa efaia ai e ia ala mo i matou a’o matou aumau i le vao.

4 Ma sa matou aumau mo le va o tausaga e tele, ioe, i le valu lava o tausaga i le vao.

5 Ma sa matou oo mai i le laueleele sa matou ta’ua o Nuumau, ona o le tele o ona fualaau ’aina ma le meli vao foi; ma o ia mea uma sa saunia e le Alii ina ia matou lē fano. Ma sa matou vaai i le sami, lea sa matou ta’ua o Ireanetuma, lea o lona uiga, pe a faamatalaina, o vai e tele.

6 Ma sa oo ina matou faatutu o matou faleie i tafatafa o le matafaga; ma e ui lava ina sa matou mafatia i apuapuaga e tele ma faigata e tele, ioe, sa matua tele lava ua le mafai ai ona matou tusia uma i latou, sa matou matua fiafia lava ina ua matou oo mai i le matafaga; ma sa matou ta’ua le nofoaga o Nuumau, ona o le tele o ona fualaau ’aina.

7 Ma sa oo, ina ua mavae ona i ai o a’u, o Nifae, i le laueleele o Nuumau, mo le va o aso e tele, sa oo mai le siufofoga o le Alii ia te a’u, ua fetalai mai: Tulai ia, ma ia e alu a’e i le mauga. Ma sa oo ina ou tulai ma alu a’e i luga i le mauga, ma tagi atu i le Alii.

8 Ma sa oo ina fetalai mai le Alii ia te a’u, e faapea: Ia e fausia se vaa, e tusa ma le aala o le a ou faaali atu ia te oe, ina ia mafai ona Ou aveina atu ou tagata i le isi itu o nei vai.

9 Ma sa ou fai atu: Le Alii e, o fea ou te alu i ai e mafai ona ou maua mai ai minerale u’amea e faaliusuavai, ina ia mafai ona ou faia mai ai ni meafaigaluega e fau ai le vaa e tusa ai ma le ala ua e faaali mai ia te a’u?

10 Ma sa oo ina ta’u mai e le Alii ia te a’u le mea ou te alu i ai e maua ai minerale u’amea, ina ia mafai ona ou faia ai o ni meafaigaluega.

11 Ma sa oo ina fai e a’u, o Nifae, se pamu i pa’u o manu, e tapili ai le afi; ma ina ua uma ona ou faia o se pamu, ina ia ou maua se mea e tapili ai le afi, sa ou faafeto’aia ni maa se lua ina ia mafai ona ou faia ai se afi.

12 Ona sa lei tuu maia e le Alii e oo mai i le taimi lea, ia matou faia ni afi e tele, a’o matou malaga i le vao; ona sa fetalai mai o ia: O le a Ou faia au meaai ia suamalie, ina ia outou a faavelaina;

13 Ma o le a avea foi A’u ma o outou sulu i le vao; ma o le a Ou asaunia le ala i o outou luma, e tusa ma le tou tausiga o a’u poloaiga; o le mea lea, e tusa ai ma le tou tausia o a’u poloaiga, o le a taitaia outou agai atu i le elaueleele na folafolaina; ma o le a outou iiloa ai o a’u lava ua taitaia outou.

14 Ioe, ma sa fetalai mai foi le Alii: A mavae ona outou taunuu i le laueleele na folafolaina, o le a outou ailoa o A’u, o le Alii, o le eAtua; ma o A’u o le Alii, na lavea’ia outou mai le faafanoga; ioe, ma o A’u na aumaia outou mai le laueleele o Ierusalema.

15 O le mea lea, o a’u, o Nifae, sa ou taumafai ai e tausi poloaiga a le Alii, ma sa ou apoapoai atu i o’u uso i le faamaoni ma le filiga.

16 Ma sa oo ina ou faia ni meafaigaluega mai minerale u’amea na ou faaliusuavaia mai le papa.

17 Ma ina ua vaai mai o’u uso o le a ou afauina se vaa, sa amata ona laua muimui faasaga mai ia te a’u, fai mai: O lo tatou uso o se vale, ona ua ia manatu e mafai ona ia fauina se vaa; ioe, ma ua manatu foi o ia e mafai ona ia sopoia nei vai e tele.

18 Ma sa faapea ona tomumumu o’u uso ia te a’u, ma sa mananao ia laua lē galulue, ona sa laua lē talitonu e mafai ona ou fauina se vaa; pe la te fia talitonu foi sa faatonuina ai a’u e le Alii.

19 Ma o lenei sa oo, o a’u, o Nifae, sa ou faanoanoa tele ona o le maaa o o laua loto; ma o lenei, ina ua laua vaai mai ua amata ona ou faanoanoa sa laua fiafia i o laua loto, sa oo ina laua aolioli i o’u luga, fai mai: Sa matou iloa lava e lē mafai ona e fauina se vaa, ona ua matou iloa ua leai se faautaga poto o ia te oe; o le mea lea, e lē mafai ai ona e faia o se galuega tele faapena.

20 Ma ua pei oe o lo tatou tamā, ua taitai seseina e amafaufauga valea o lona loto; ioe, ua ia taitai ese i tatou mai le laueleele o Ierusalema, ma ua tatou feoa’i ai i le vao i nei tausaga e tele; ma galulue o tatou fafine, a’o maitaga i latou i fanau; ma ua latou fanauina fanau i le vao ma mafatia i mea uma, vagana ai le oti; ma sa sili ona lelei pe ana latou feoti ae latou te lei o ese mai Ierusalema nai lo le mafatia i nei puapuaga.

21 Faauta, ua tatou mafatia i le vao i nei tausaga e tele, o se taimi lea e le taumate sa tatou olioli ai ia tatou mea ua maua ma le laueleele o lo tatou tofi; ioe, ma pe sa tatou fiafia lava.

22 Ma ua matou iloa o tagata sa i le laueleele o Ierusalema o ni tagata aamiotonu; ona sa latou tausia tulafono ma faamasinoga a le Alii, ma ana poloaiga uma, e tusa ma le tulafono a Mose; o le mea lea, ua matou iloa ai o i latou o ni tagata amiotonu; ma ua faamasino lo tatou tamā ia te i latou, ma ua ia taitai ese i tatou ona ua tatou faalogo i ana upu; ioe, ma ua faapei lo tatou uso o ia. Ma sa faapea le ituaiga o gagana sa muimui ma tomumumu ai o’u uso faasaga mai ia te i ma’ua.

23 Ma sa oo ina tautala atu a’u, o Nifae, ia te i laua, e faapea: Tou te talitonu ea o o tatou tamā, o e o le fanauga a Isaraelu, e mafai ona taitai ese mai lima o tagata Aikupito, pe a na latou lē faalogo i fetalaiga a le Alii?

24 Ioe, tou te manatu ea e mafai ona taitai ese i latou mai le nofopologa, pe a na lē poloaiina Mose e le Alii e tatau ona ia ataitai ese i latou mai le nofopologa?

25 O lenei ua outou iloa sa i ai le fanauga a Isaraelu i le apologa; ma ua outou iloa foi sa mafatia i latou i egaluega, sa faigata ona tauaveina; o le mea lea, ua outou iloa le tatau ai ona avea ma mea lelei mo i latou, le mafai ona aveesea o i latou mai le nofopologa.

26 O lenei ua outou iloa sa poloaiina aMose e le Alii e faia lena galuega tele; ma ua outou iloa o lana eupu, na vaelua ai vai o le Sami Ulaula i lea itu ma lena itu, ma latou ui atu ai i luga o le eleele matutu.

27 Ae ua outou iloa sa malelemo i le Sami Ulaula tagata Aikupito, o e o ’au a Farao.

28 Ma ua outou iloa foi sa fafaga i latou i le amanai i le vao.

29 Ioe, ma ua outou iloa foi sa ata e Mose le papa e ala i lana upu, e tusa ma le mana o le Atua sa ia te ia, ma puna mai ai le vai, ina ia mafai e le fanauga a Isaraelu ona faamalieina lo latou galala.

30 Ma e ui lava ina sa taitaia i latou, o le Alii lo latou Atua, lo latou Togiola, i o latou luma, ma taitai i latou i le ao ma tuuina atu le malamalama ia te i latou i le po, ma faia mo i latou mea uma sa atatau mo tagata ona maua, sa latou faamaaa o latou loto ma faatauaso o latou mafaufau, ma efaifai faasaga ia Mose ma faasaga i le Atua moni ma o loo soifua.

31 Ma sa oo ina afaaumatia i latou e ia e tusa ma lana afioga; ma sa ia etaitaia i latou e tusa ma lana afioga; ma sa ia faia mea uma mo i latou e tusa ma lana afioga; ma sa leai se mea e tasi na faia vagana ai na faia i lana afioga.

32 Ma ina ua mavae ona latou sopoia o le vaitafe o Ioritana sa faia e ia ia latou malolosi tele i le atutulieseina o fanau o le laueleele, ioe, i le faataapeapeina o i latou i le faafanoga.

33 Ma o lenei, tou te manatu ea o fanau o lenei laueleele, o e sa i le laueleele o le folafolaga, o e na tutuli ese mai e o tatou tamā, pe tou te manatu ea sa amiotonu i latou? Faauta, ou te fai atu ia te outou, E leai.

34 Tou te manatu ea e sili atu ona lelei o tatou tamā nai lo i latou pe a na latou amiotonu? ’Ou te fai atu ia te outou, E leai.

35 Faauta, ua tasi atagata uma i le finagalo o le Alii; o lē ua eamiotonu ua ifaapitoa e le Atua. Ae faauta, sa teena e ia tagata afioga uma a le Atua, ma sa matua i latou i le agasala; ma sa i ai i o latou luga le atoatoa o le toasa o le Atua; ma sa fetuu e le Alii le laueleele e faasaga ia te i latou, ma faamanuiaina mo o tatou tamā; ioe, sa fetuu e ia e faasaga ia te i latou mo lo latou faafanoga, ma sa faamanuia e ia mo o tatou tamā i lo latou mauaina o le pule i luga o lea laueleele.

36 Faauta, ua afoafoa e le Alii le elalolagi ina ia i’ainā; ma ua ia foafoaina ana fanau ina ia fai mo i latou.

37 Ma e afaatu mai e ia se atunuu amiotonu, ma faaumatia atunuu o e ua amioleaga.

38 Ma e taitai ese atu e ia e amiotonu i alaueleele peleina, ma o e amioleaga e efaaumatia e ia, ma fetuu le laueleele ia te i latou ona o i latou.

39 Ua pule maualuga o ia i le lagi, ona o lona nofoalii lea, ma o le lalolagi lenei o alona tuugaaao.

40 Ma e alofa o ia ia te i latou o e e mananao e avea o ia ma o latou Atua. Faauta, sa alofa o ia i o tatou tamā, ma sa aosifeagaiga o ia ma i latou, ioe, o Aperaamo lava, eIsaako, ma iIakopo; ma sa manatua e ia feagaiga na ia faia; o le mea lea, na aumai ai e ia i latou mai le laueleele o oAikupito.

41 Ma sa faasa’osa’oina e ia i latou i le vao i lona tootoo; ona sa latou afaamaaa o latou loto, e pei lava o outou; ma sa faasa’osa’oina i latou e le Alii ona o lo latou amioletonu. Sa auina mai e ia ia i latou egata lele mumū; ma ina ua mavae ona utia o i latou sa saunia e ia se ala e mafai ai ona ifaamaloloina i latou; ma o le galuega sa ia te i latou e fai, o le vaai lea; ma ona o le ofaatauvaa o le ala, po o lona faigofie tele, sa i ai le toatele o e na fano.

42 Ma sa latou faamaaa o latou loto mai lea taimi i lea taimi, ma sa latou afaifai faasaga ia eMose, ma faasaga foi i le Atua; ae ui i lea, ua outou iloa sa taitai atu i latou i luma e lona mana lē mafaatusalia i le laueleele o le folafolaga.

43 Ma o lenei, pe a mavae nei mea uma, ua oo mai le taimi ua avea ai i latou ma e amioleaga, ioe, ua toeitiiti matutua i le agasala; ma ou te lē iloa ae atonu ua lata ona faaumatia o i latou i le aso nei; ona ua ou iloa e oo mai lava le aso e faaumatia ai i latou, vagana ai nao se toaitiiti, o e o le a taitai ese atu e faatagataotauaina.

44 O le mea lea, na apoloaiina ai e le Alii lo’u tamā e tatau ona alu ese atu o ia i le vao; ma sa saili foi tagata Iutaia e aveese lona ola; ioe, sa eoulua saili foi e aveese lona ola; o le mea lea, o oulua o ni tagata fasioti tagata i o oulua loto ma ua pei oulua o i latou.

45 Ua avave ona oulua fai o le amioletonu ae gese ona oulua manatua o le Alii lo oulua Atua. Ua oulua vaai i se eagelu, ma sa fetalai mai o ia ia te oulua; ioe, sa oulua faalogo i lona siufofoga mai lea taimi i lea taimi; ma sa fetalai mai foi o ia ia te oulua i se leo filemu ma le itiiti, peitai ua oulua ile toe lagonaina, na oulua lē mafafai ai ona lagona ana fetalaiga; o le mea lea, na fetalai mai ai o ia ia te oulua e pei o le leo o le faititili, lea na mafua ona luluina ai o le eleele e pei a vaeluaina.

46 Ma ua oulua iloa foi e mafai e ala i le amana o lana fetalaiga mamana aoao ona faia e ia ia mavae atu le lalolagi; ioe, ma ua oulua iloa e mafai i lana fetalaiga ona ia faia o mea gaoā ia laugatasi, ma mea laugatasi ia vetevete. O lea, la, aisea ea, ua mafai ai ona oulua maaa tele faapea i o oulua loto?

47 Faauta, ua faamanualia lo’u agaga i le mafatia ona o oulua, ma ua tiga lo’u loto; ou te fefe ne’i lafoaiina ese oulua e faavavau. Faauta, ua atumu a’u i le Agaga o le Atua, ua oo ina eleai se malosi i lo’u tino.

48 Ma o lenei, sa oo ina ua uma ona ou tautala atu o ia upu sa laua feita mai ia te a’u, ma mananao e lafo a’u i le loloto o le sami; ma a’o laua o mai i luma e fetagofi mai o laua lima ia te a’u sa ou tautala atu ia te i laua, e faapea: I le suafa o le Atua Malosi Aoao, ou te faatonu atu ia te oulua ia aua lua te apa’i mai ia te a’u, ona ua tumu a’u i le emana o le Atua, e oo lava i le faaumatiaina o lo’u tino; ma ai se tasi e pa’i mai ona lima ia te a’u o le a imamae e pei lava o se vaoutuutu mago; ma o le a tusa o ia o se meanoa i luma o le mana o le Atua, ona o le a taia o ia e le Atua.

49 Ma sa oo ina fai atu o a’u, o Nifae, ia te i laua e lē tatau ona laua toe muimui e faasaga i lo laua tamā; pe tatau foi ona taofia la laua galuega mai ia te a’u, ona ua poloaiina a’u e le Atua ia ou fausia se vaa.

50 Ma sa ou fai atu ia te i laua: aAfai na poloaiina a’u e le Atua ou te faia mea uma, e mafai ona ou faia. Afai na te poloaiina a’u ia ou fai atu i lenei vai, ia liu eleele oe, e eleele lava; ma afai ou te fai atu ai, o le a faia lava.

51 Ma o lenei, afai ua i ai i le Alii se mana tele faapea, ma e tele vavega ua faia e ia i totonu o le fanauga a tagata, e faapefea la ona lē mafai ona ia aa’oa’oina o a’u, ia ’ou fausia se vaa?

52 Ma sa oo ina o a’u, o Nifae, sa tele mea sa ou fai atu ai i o’u uso, ma fai ma mea na maasiasi ai i laua, ma lē mafai ai ona finau faasaga mai ia te a’u; pe na totoa e oo mai o laua lima ia te a’u pe pa’i mai ia te a’u i o laua tamatamailima, mo le va o aso e tele. O lenei sa fefefe i laua e fai lenei mea ne’i o laua mamae i o’u luma, ona o le malosi tele o le aAgaga o le Atua; ma sa faapea ona galue i luga o i laua.

53 Ma sa oo ina fetalai mai le Alii ia te a’u: Ia toe faaloaloa atu lou lima i ou uso, ma o le a laua lē mamae ai i ou luma, ae o le a Ou luluina i laua, ua fetalai mai ai le Alii, ma o le a Ou faia lenei mea, ina ia iloa ai o A’u o le Alii o lo laua Atua lea.

54 Ma sa oo ina ou faaloaloa atu lo’u lima i o’u uso, ma sa lei mamae i laua ai i o’u luma, ae sa luluina i laua e le Alii, e tusa lava ma le fetalaiga na fetalai mai ai o ia.

55 Ma o lenei, sa fai mai i laua: Ua ma iloa ma le mautinoa ua faatasi le Alii ma oe, ona ua ma iloa o le mana o le Alii na luluina i maua. Ma sa la faapa’u’ū i lalo i o’u luma, ma fai o le a aifo mai ia te a’u, peitai sa ou lē tuua i laua, ua ou fai atu: O a’u o lo oulua uso, ioe, o lo oulua lava uso laitiiti; o le mea lea, ifo atu i le Alii lo oulua Atua, ma ava i lo oulua tamā ma lo oulua tinā, ina ia faalevaleva ai o oulua easo i le laueleele o le a foaiina mai e le Alii lo oulua Atua ia te oulua.