1 Na ɔbaa dɛ yɛsɔɔw hɛn akwantu no do bio wɔ sar no do; na ofi dɛm aber dze kɔ no, yɛdze hɛn tsir bɔɔ mu faa epuei afamu nko. Na yeduaa amandzehu pii mu wɔ sar no do; na hɛn mbaa no wowoo mba wɔ sar no do.

2 Na Ewuradze ne nhyira a ɔwɔ hɛn do no yɛɛ kɛse, na ɔnam dɛ yedzii ^anammon wɔ sar no do ntsi hɛn mbaa no nyaa enumfonsu pii maa hɔn mba, na hɔnho yɛɛ dzen, nyew, tse dɛ mbanyin mpo; na wɔhyɛɛ ase tuu hɔn kwan a woennhwinhwin.

3 Na dɛm ntsi yehu dɛ ɔsɛ dɛ Nyankopɔn ne mbrasɛm hyɛ mã. Na sɛ ɔba dɛ adasamba ^adzi Nyankopɔn ne mbrasɛm do a, ɔmee hɔn na ɔhyɛ hɔn dzen, na ^bɔkyerɛ hɔn kwan a wobotum edua do dze edzi dwuma a ɔahyɛ hɔn no; dɛm ntsi, ɔnoara na ɔkyerɛɛ hɛn kwan ma yɛfaa do tuu hɛn kwan wɔ sar no do.

4 Na yɛsɔɔw hɛn akwantu no do mfe pii, nyew, bɛyɛ mfe awɔtwe mpo wɔ sar no do.

5 Na yɛbaa asaase bi a osian nduadzewa pii nye ewo so a ɔwɔ hɔ no ntsi yɛtoo no dzin Dzifuu no do; iyi nyinara Ewuradze na osiesiei maa hɛn amma yɛannhera. Na yehun po, na yɛtoo no dzin Irreantum a ne nkyerɛase nye esu pii.

6 Na ɔbaa dɛ yesisii hɛn ntamadan wɔ mpoano hɔ; na ɔwɔ mu dɛ ^aamandzehu nye nkodzen pii haaw hɛn dze, nyew, dza ɔdɔɔ sõ ara yie a yerunntum nnkyerɛw ne nyinara mpo, naaso hɛn enyi gyee mbordo ber a yedur mpoano hɔ no; na yɛfrɛɛ bea no Dzifuu, osian nduadzewa pii a ɔwɔ hɔ no ntsi.

7 Na ɔbaa dɛ emi, Nephi, metsenaa Dzifuu asaase no do nda pii ekyir no, Ewuradze ne ndze baa mo hɔ see dɛ: Soɛr, na kɔ bepɔw no do. Na ɔbaa dɛ mosoɛree na mokɔr bepɔw no do, na musũi frɛɛ Ewuradze.

8 Na ɔbaa dɛ Ewuradze kasaa kyerɛɛ me dɛ: Ebɛfa ^akwan a mebɛkyerɛ wo yi do apam hɛn ama medze wo nkorɔfo eetwa esu yi.

9 Na mesee dɛ: Ewuradze, henfa na mobɔkɔ akɛfa abo a mebɛnan na medze ayɛ edwindadze dze apam dɛm hɛn yi a akyerɛ me dɛ mempam yi?

10 Na ɔbaa dɛ Ewuradze kyerɛɛ me bea a monkɔ nkɔhwehwɛ abo na memfa nyɛ edwindadze.

11 Na ɔbaa dɛ emi, Nephi, medze mbowa hɔn nwoma yɛɛ afa a medze bohuw gya no; na meyɛɛ afa a medze bohuw gya no wiei no, medze abo ebien twerɛɛw ho ama medze aayɛ ogya.

12 Osiandɛ nna Ewuradze mmaa hɛn kwan dɛ yɛnyɛ ogya wɔ ber a yɛnam sar no do no; osiandɛ ɔse: Mebɛma hom edziban aayɛ dɛw, amma hom ^aannoa;

13 Na mebɛyɛ hom kandzea so wɔ sar no do; na ^amibesiesie kwan wɔ hom enyim ama hom, sɛ ɔba dɛ hom dzi me mbrasɛm do a; dɛm ntsi, mbertsentsen biara a hom bedzi me mbrasɛm do no wɔdze hom bɔkɔ ^banohoba asaase no do; na hom ^cbohu dɛ ɔnam mo do na wɔdze hom kɔree.

14 Nyew, na Ewuradze kãa bio dɛ: Sɛ hom nya du anohoba asaase no do a, nna hom ^abohu dɛ emi, Ewuradze, meyɛ ^bNyame; na emi, Ewuradze na megyee hom fii ɔsɛɛ mu; nyew, dɛ emi na miyii hom fii Jerusalem asaase do.

15 Dɛm ntsi, emi, Nephi, mepɛɛ dɛ mibedzi Ewuradze ne mbrasɛm do na mehyɛɛ mo nuanom no nkuran ama woeehu nokwar kwan no na woeesi pi.

16 Na ɔbaa dɛ meyɛɛ edwindadze fii abo no a menanee fii bepɔw no mu no mu.

17 Na aber a mo nuanom no hun dɛ ^amerebɛpam hɛn no, wɔhyɛɛ ase hwinhwiin tsiaa me, see dɛ: Hɛn nua yi yɛ kwasea, na ɔdwen dɛ obotum apam hɛn; nyew, na ɔdwen so dɛ obotum etwa dɛm esu kɛse yi.

18 Na dɛm na mo nuanom no kasaa tsiaa me, na wɔammpɛ dɛ wɔbɛyɛ edwuma, osiandɛ wɔanngye enndzi dɛ mobotum apam hɛn; nna wɔanngye enndzi so dɛ Ewuradze na ɔsee me dɛ menyɛ.

19 Na afei ɔbaa dɛ emi, Nephi, mo werɛ hoow kɛsenara osian hɔn akoma a nna epirim ntsi; na aber a wohun dɛ miridzi awerɛhow no, dɛw hyɛɛ hɔn akoma mã na wɔhyɛɛ ase dzii ^aehurusi kɛse, na wɔsee dɛ: Yenyim dɛ irunntum mmpam hɛn no, osiandɛ innyi nyimdzee biara a wɔdze yɛ edwuma kɛse a ɔtse dɛm.

20 Na ɔwo etse dɛ hɛn egya a, odzii n’akoma no ^ansusui gyangyan ekyir no; nyew, ma ɔakã hɛn efi Jerusalem asaase do; ma mfe pii yi nyina yekyinkyin wɔ sar yi do; na hɛn mbaa afona pii wɔ ber a wonyinsenyinsen na wɔawowo mba wɔ sar yi do na woehu amandze pii, ma aka hɔn owu nko; na sɛ wowuwui mpo ansaana worifi Jerusalem a nkyɛ oye sen dɛ wɔabɔsɔw dɛm abɛbrɛsɛ yi.

21 Hwɛ, dɛm mfe pii yi a yehu amandze wɔ sar yi do yi, sɛ nna yɛtse hɛn egyapadze asaase do sɛ nna yɛdze hɛn ndzepa resɛpɛw hɛnho a, nkyɛ ahomka ara nko.

22 Na yenyim dɛ nkorɔfo a wɔwɔ Jerusalem no yɛ ^aatseneneefo; osiandɛ wodzi Ewuradze ne nhyehyɛɛ na n’atsɛmbu na ne mbrasɛm nyinara do dɛ mbrɛ Moses mbra no tse; dɛm ntsi yenyim dɛ wɔyɛ nkorɔfo a wɔtsen; na hɛn egya ebu hɔn atsɛn, na ɔdze hɛn efi hɔ aba osiandɛ yetsie n’asɛm ntsi; nyew, na hɛn nua so tse dɛ ɔnoara. Na dɛm kasa yi na mo nuanom kãa dze hwinhwiin tsiaa hɛn.

23 Na ɔbaa dɛ emi, Nephi, mekasaa kyerɛɛ hɔn dɛ: Ana hom gye dzi dɛ hɛn egyanom a wɔyɛ Israelmba no sɛ woenntsie Ewuradze n’asɛm a nkyɛ wɔbɛgye hɔn efi Egyptfo nsamu?

24 Nyew, ana hom dwen dɛ sɛ Ewuradze annhyɛ Moses dɛ ^aonyi hɔn mfi nkowaasom mu a, nkyɛ wobeyi hɔn efi nkowaasom mu?

25 Afei hom nyim dɛ nna Israelmba wɔ ^ankowaasom mu; na hom nyim dɛ ^bndwuma a wɔdze maa hɔn no yɛ dzen na ɔyɛ awerɛhow; dɛm ntsi nna ohia dɛ wonya ndzepa, ɔno nye dɛ wobeyi hɔn efi nkowaasom mu.

26 Afei hom nyim dɛ Ewuradze na ɔhyɛɛ ^aMoses dɛ ondzi dɛm dwuma kɛse yi; na hom nyim dɛ ɔnam ^bn’asɛm do na Po Memen mu paa ebien a nna kor wɔ ha, na kor so wɔ ha ma wɔnantseew asaase kɛsɛɛ do.

27 Mbom hom nyim dɛ Egyptfo no a wɔyɛ Pharoah no nsordaafo no, Po Memen no meen hɔn.

28 Na hom nyim so dɛ wɔdze ^amanna nyɛɛn hɔn wɔ sar no do.

29 Nyew, na hom nyim so dɛ ɔnam Nyankopɔn no tum a ɔwɔ Moses no mu ntsi ^aɔbɔɔ ɔbotan no ma nsu fii mu bae ma Israelmba nomee ber a nsukɔm dzee hɔn no.

30 Na Ewuradze hɔn Nyankopɔn, hɔn Pomfo no dzii hɔn enyim adzekyee na ɔmaa hɔn kan adzesaa, na adze biara a ɔdasanyi ^ahia no ɔdze maa hɔn, na iyinom nyinara ekyir no wopiriim hɔn akoma na wofuraa hɔn adwen na ^bwɔkasaa bɔn tsĩaa Moses nye Nyame nokwafo tseasefo no.

31 Na ɔbaa dɛ ɔnam ne nsɛm do ^asɛɛ hɔn; na ɔnam ne nsɛm do ^bdzii hɔn enyim; na ɔnam ne nsɛm do yɛɛ ndzɛmba nyinara maa hɔn; na biribiara nnyi hɔ a wokwetsiir n’asɛm yɛe.

32 Na wotwaa esutsen Jordan wiei no, ɔmaa wonyaa ahoɔdzen dze ^apaam asaase no do mba, nyew, wɔbɔɔ hɔn petsee na wɔsɛɛ hɔn.

33 Na afei, hom susu dɛ asaase yi do mba a aber no nna wɔwɔ anohoba asaase no do no, hɔn a hɛn egyanom paam hɔn no, hom susu dɛ wɔyɛ atseneneefo? Hwɛ, mese hom dɛ, Oho.

34 Ana hom susu dɛ sɛ wɔyɛ atseneneefo a nkyɛ hɛn egyanom beye asen hɔn? Mese hom dɛ, Oho.

35 Hwɛ, Ewuradze bu ^ahonam nyinara adze kor; nyia ^bɔtsen no ^cɔsɔ Nyankopɔn enyi. Mbom hwɛ, dɛm nkorɔfo yi poow Nyankopɔn n’asɛm, na emumuyɛ hyɛɛ hɔn mã; na Nyankopɔn n’ebufuhyew ne mãhyɛ baa hɔn do, na Ewuradze doom hɔn asaase no, na ohyiraa do maa hɛn egyanom; nyew, ɔdoom no araa kɛpeem dɛ ɔkɔr ɔsɛɛ mu na ohyiraa do maa hɛn egyanom ma wonyaa tum wɔ do.

36 Hwɛ Ewuradze ^aabɔ ^basaase dɛ ^cwɔntsena do; nna ɔabɔ ne mba dɛ wɔmfa.

37 Na ^aɔma ɔman a ɔtsen do, nna ɔsɛɛ emumuyɛfo hɔn aman.

38 Na ogya atseneneefo kɔ ^ansaase pa do, na emumuyɛfo dze ^bɔsɛɛ hɔn, na hɔn ntsi, ɔdze ndom kã asaase no.

39 Odzi hen wɔ ɔsorsor, osiandɛ ɔyɛ n’ahengua, na asaase nye ^an’ananadzegua.

40 Na ɔdɔ hɔn a wɔdze no yɛ hɔn Nyankopɔn. Hwɛ, ɔdɔɔ hɛn egyanom na ɔnye hɔn ^adzii ahyɛmu, nyew, Abraham, ^bIsaac na ^cJacob; na ɔkaa ahyɛmu a ɔnye hɔn dzii no; dɛm ntsi, oyii hɔn fii ^dEgypt asaase do bae.

41 Na ɔdze n’abaa twee hɔn aso wɔ sar no do, osiandɛ ^awopiriim hɔn akoma dɛ mbrɛ hom reyɛ yi ara; na Ewuradze twee hɔn aso osian hɔn emumuyɛ ntsi. Ɔmaa ogya ^bmbowatsena a wotu baa hɔn finimfin; na wɔkekaa hɔn wiei no, osiesiee kwan a wɔmfa do ^cnsa hɔn yarba; na dwuma a ɔsɛ dɛ wodzi nye dɛ wɔhwɛ; na edwuma no nnyɛ dzen na ɔyɛ ^dmberɛw dze, naaso pii na wɔherae.

42 Na wopiriim hɔn akoma ofi ber to ber, na ^awɔkasaa bɔn tsiaa ^bMoses, na Nyankopɔn so; naaso, hom nyim dɛ ɔdze no tum a onnyi kabea no faa hɔn kɔr asaase a wɔdze bɔɔ hɔn anohoba no do.

43 Na afei iyi nyinara ekyir no, mber aso ma wɔadan emumuyɛfo, nyew, ma aka kakra ma woenyin, na minnyim mbom obodu ndɛ aka kakra ma wɔasɛɛ hɔn osiandɛ minyim dɛ nda bɛba a wɔbɛsɛɛ hɔn ampa, gyedɛ kumaabi a wɔbɛka a, wɔdze hɔn bɔkɔ ndɔmmum mu.

44 Dɛm ntsi, na Ewuradze ^ahyɛɛ m’egya dɛ omfi hɔ nkɔ sar no do; na Jewfo no so peer dɛ woyi no nkwa fi hɔ; nyew, na ^bhom so hom per dɛ hom yi no nkwa fi hɔ; dɛm ntsi hom yɛ ewudzifo wɔ hom akoma mu na hom tse dɛ hɔnara.

45 Hom ho yɛ ^ahar wɔ ndzebɔnyɛ ho na mbom hom yɛ nyaa wɔ Ewuradze hom Nyankopɔn ne nkae ho. Hom ehu sor ^bɔbɔfo, na ɔakasa akyerɛ hom; nyew, hom atse ne ndze ofi ber to ber; na ɔdze ndze tseabaa akasa akyerɛ hom, na mbom ^cadze nntsɛ hom ntsi hom werɛ fir ne nsɛm; dɛm ntsi ɔdze ndze a ɔbobɔmu na ɔma asaase wosow tse dɛ mbrɛ no mu repaapaa akasa akyerɛ hom.

46 Na hom nyim so dɛ ɔnam n’asɛm no ^atum ahoɔdzen do botum ama asaase etwa mu akɔ; nyew, na hom nyim so dɛ ɔnam n’asɛm do botum ama mbea ayɛ krann no ayɛ tromtrom, na mbea a ɔyɛ trom no hɔn mu paapaa. O, na ɔyɛ dɛn ntsi na hom akoma tum yɛ dzen dɛm?

47 Hwɛ, osian hom ntsi awerɛhow esunsuan m’akoma mu na yaw akã me kra; musuro dɛ annhwɛ a wobeyi hom tokyen afebɔɔ. Hwɛ, Nyame no Sunsum ahyɛ me ^amã araa ma ahoɔdzen ^bnnyi mo honandua mu.

48 Na afei ɔbaa dɛ mekãa dɛm nsɛm yi ekyir no, hɔn bo fuuw me, na wɔpɛɛ dɛ nkyɛ wɔtow me kyen po no bun mu; na aber a wɔbaa dɛ wɔdze hɔn nsa rubosuo mo mu no, mekasaa kyerɛɛ hɔn dɛ: Otumfo Nyankopɔn ne dzin mu ntsi, mehyɛ hom dɛ mma hom ^annsuo mo mu, nna Nyankopɔn no ^btum ahyɛ me mã araa ma mo honandua mpo rohwehwɛ ahyew; na obiara a ɔdze ne nsa bɛkã me no ^cbɛkyenkyen dɛ ahataw nkyenkyenee; na ɔrennsɛ hwee wɔ Nyankopɔn no tum enyim, na Nyankopɔn botwa no akyen.

49 Na ɔbaa dɛ emi, Nephi, mekãa kyerɛɛ hɔn dɛ mma wonnhwinhwin hɔn egya bio; anaadɛ wɔnnyɛ adwen bi dɛ wɔnnkɔboa me osiandɛ Nyankopɔn na ɔahyɛ me dɛ mempam hɛn no.

50 Na mesee hɔn dɛ: ^aSɛ Nyankopɔn na ɔahyɛ me dɛ menyɛ biribiara a mobotum ayɛ. Sɛ ɔse me dɛ menkasa nkyerɛ nsu yi ma ɔndan asaase a, ɔbɛdan asaase; na sɛ mekã a ɔbɛyɛ hɔ.

51 Na afei, sɛ Ewuradze wɔ dɛm tum kɛse yi, na ɔayɛ anwanwadze pii wɔ adasamba mu a, ebɛnadze ntsi na onnkotum ^aakyerɛ me kwan a memfa do mpam hɛn no?

52 Na ɔbaa dɛ emi, Nephi, mekãa nsɛm pii kyerɛɛ mo nuanom no araa ma hɔn enyi tõe ntsi woenntum annkasa enntsia me; nna woenntum ennsuo mo mu anaadɛ wɔammfa hɔn nsatseaba annka me wɔ nda pii mu. Na woenntum annyɛ iyi amma wɔannkyenkyen wɔ m’enyim, dɛm na ^aNyankopɔn no Sunsum no tum tse, na dɛm dwuma yi na oedzi wɔ hɔn do.

53 Na ɔbaa dɛ Ewuradze see me dɛ: Tsen wo nsa bio kyerɛ wo nuanom no, na wɔrennkyenkyen wɔ w’enyim, mbom mebɛma hɔn ho apopo, Ewuradze na ɔse, na dɛm na mebɛyɛ, ama woeehu dɛ emi nye Ewuradze hɔn Nyankopɔn.

54 Na ɔbaa dɛ metseen me nsa wɔ mo nuanom no do, na wɔannkyenkyen wɔ m’enyim; mbom Ewuradze wosoow hɔn dɛ mbrɛ ɔkãe no ara.

55 Na afei, wɔkãa dɛ: Yehu dɛ Ewuradze kã woho ampa, osiandɛ yenyim dɛ Ewuradze no tum na awosow hɛn yi. Na wotwae hwee m’enyim, dɛ ^awɔrobɔsom me, na mbom mamma hɔn kwan, na mekãa dɛ: Meyɛ hom nua, nyew, hom nua kuma; dɛm ntsi hom nsom Ewuradze hom Nyankopɔn, na hom ndzi hom egya nye hom nã nyi, ama hom ^bnda aawar wɔ asaase a Ewuradze hom Nyankopɔn dze bɛma hom no do.