1 Og svo bar við, að engillinn talaði til mín og mælti: Sjá! Og ég leit og sá margar þjóðir og mörg ríki.

2 Og engillinn spurði mig: Hvað sér þú? Og ég svaraði: Ég sé margar þjóðir og mörg ríki.

3 Og hann sagði við mig: Þetta eru þjóðir og ríki Þjóðanna.

4 Og svo bar við, að ég sá myndun ^amikillar kirkju meðal þjóða ^bÞjóðanna.

5 Og engillinn sagði við mig: Líttu á myndun þeirrar kirkju, sem er öllum öðrum kirkjum viðurstyggilegri og ^aræður hina Guðs heilögu af dögum, já, pyntar þá, fjötrar þá, okar þá með ^bjárnoki og hneppir þá í ánauð.

6 Og svo bar við, að ég sá þessa ^avoldugu og viðurstyggilegu kirkju. Og ég sá, að ^bdjöfullinn lagði grundvöll hennar.

7 Og ég sá auk þess ^agull og silfur, silki og skarlat, fínlega ofið lín og alls konar dýrmæt klæði. Og ég sá margar vændiskonur.

8 Og engillinn talaði til mín og mælti: Sjá, það er gull og silfur, silki og skarlat, fínt lín, dýrmæt klæði og vændiskonur, sem þessi mikla og viðurstyggilega kirkja ^asækist eftir.

9 Og til að verða sér úti um veraldlegt hrós ^atortíma þeir einnig hinum Guðs heilögu og hneppa þá í ánauð.

10 Og svo bar við, að ég leit og sá mörg vötn, og þau aðskildu Þjóðirnar frá niðjum bræðra minna.

11 Og svo bar við, að engillinn sagði við mig: Sjá, heilög reiði Guðs er yfir niðjum bræðra þinna.

12 Og ég leit og sá mann meðal Þjóðanna, sem hin mörgu vötn aðskildu frá niðjum bræðra minna. Og ég sá ^aanda Guðs stíga niður og hafa áhrif á manninn. Og hann hélt yfir vötnin mörgu, já, til niðja bræðra minna, sem voru í fyrirheitna landinu.

13 Og svo bar við, að ég sá anda Guðs hafa þau áhrif á aðra meðal Þjóðanna, að þeir brutust úr ánauð og héldu yfir vötnin mörgu.

14 Og svo bar við, að ég sá ^aaragrúa af fólki Þjóðanna í ^bfyrirheitna landinu. Og ég sá, að heilög reiði Guðs var yfir niðjum bræðra minna. Og Þjóðirnar ^ctvístruðu þeim og lustu þá.

15 Og ég sá, að andi Guðs var með Þjóðunum. Þeim vegnaði vel og þær eignuðust ^alandið að erfðum. Og ég sá, að þær voru hvítar, ákaflega ljósar yfirlitum og ^bfagrar, eins og fólk mitt var, áður en það var ^cráðið af dögum.

16 Og svo bar við, að ég, Nefí, sá þá af Þjóðunum, sem sloppið höfðu úr ánauð, auðmýkja sig fyrir Drottni, og kraftur Drottins var með ^aþeim.

17 Og ég sá móðurþjóðir þeirra safnast saman, bæði á vatni og á landi, til að heyja orrustu við þá.

18 Og ég sá, að kraftur Guðs var með þeim og einnig, að heilög reiði Guðs var yfir öllum, sem saman voru komnir til að berjast gegn þeim.

19 Og ég, Nefí, sá, að þeir af Þjóðunum, sem sloppið höfðu úr ánauð, ^abjörguðust fyrir kraft Guðs úr höndum allra annarra þjóða.

20 Og svo bar við, að ég, Nefí, sá þeim vegna vel í landinu. Og ég sá ^abók, sem barst út á meðal þeirra.

21 Og engillinn spurði mig: Veist þú, hvað þessi bók merkir?

22 Og ég svaraði honum: Nei, ég veit það ekki.

23 Og hann sagði: Sjá, hún er runnin af vörum Gyðings. Og ég, Nefí, sá hana, og hann sagði við mig: ^aBókin, sem þú sérð, er ^bheimildaskrá ^cGyðinga og hefur að geyma sáttmála Drottins, sem hann gjörði við Ísraelsætt. Og hún hefur einnig að geyma marga af spádómum hinna heilögu spámanna. Þessi heimildaskrá er af sömu gerð og áletranir þær, sem letraðar eru á ^dlátúnstöflurnar að því undanskildu, að þær eru ekki eins margar. Eigi að síður geyma þær sáttmála Drottins, sem hann gjörði við Ísraelsætt, og þess vegna eru þær Þjóðunum mikils virði.

24 Og engill Drottins sagði við mig: Þú hefur séð, að bókin er runnin af vörum Gyðings. Og þegar hún rann fram af vörum Gyðings, hafði hún að geyma fyllingu fagnaðarboðskapar Drottins, sem postularnir tólf bera vitni um, en vitnisburður þeirra er í samræmi við sannleikann, sem býr í Guðslambinu.

25 Þess vegna berast þessir hlutir óspilltir frá ^aGyðingum til ^bÞjóðanna í samræmi við sannleikann, sem býr í Guði.

26 Og er þetta hefur borist um hendur hinna tólf postula lambsins frá Gyðingum ^atil Þjóðanna, sérð þú myndun þeirrar ^bvoldugu og viðurstyggilegu ^ckirkju, sem er öllum öðrum kirkjum viðurstyggilegri. Því að sjá. Mörg ^dauðskiljanleg og mjög dýrmæt atriði hafa þeir ^efellt úr fagnaðarboðskap lambsins. Og margir af sáttmálum Guðs hafa einnig verið felldir brott.

27 Og allt þetta hafa þeir gjört til þess að rangsnúa réttum vegum Drottins og blinda augu mannanna barna og herða hjörtu þeirra.

28 Þú sérð þess vegna, að eftir að bókin hefur farið um hendur hinnar voldugu og viðurstyggilegu kirkju, hafa mörg skýr og afar dýrmæt atriði verið felld úr bókinni, sem er bók Guðslambsins.

29 Og þegar þessi skýru og dýrmætu atriði höfðu verið felld brott, barst hún áfram til allra þjóða Þjóðanna. Og þegar hún hafði borist til þeirra allra, já, jafnvel borist yfir hin mörgu vötn, sem þú hefur séð, með þeim af Þjóðunum, sem úr ánauð sluppu, þá sérð þú, að mjög margir hrasa, vegna þess að mörg skýr og dýrmæt atriði eru felld brott úr bókinni — atriði, sem mannanna börn áttu létt með að skilja og eru í samræmi við þann skýra einfaldleika, sem býr í Guðslambinu. Já, mjög margir hrasa einmitt vegna þess, sem fellt hefur verið úr fagnaðarboðskap lambsins, og það svo freklega, að Satan hefur mikið vald yfir þeim.

30 Engu að síður sérð þú, að Þjóðirnar, sem úr ánauð hafa sloppið, og kraftur Guðs hefur lyft upp yfir allar aðrar þjóðir, á því landi, sem er öllum löndum fremra, landi, sem Drottinn Guð samdi við föður þinn um að yrði ^aerfðaland niðja hans; því sérð þú, að Drottinn Guð mun ekki leyfa, að Þjóðirnar gjöreyði þeirri ^bblöndu af niðjum þínum, sem fyrirfinnst meðal bræðra þinna.

31 Hann mun heldur ekki leyfa, að Þjóðirnar ^atortími niðjum bræðra þinna.

32 Drottinn Guð mun heldur ekki leyfa, að Þjóðirnar verði að eilífu haldnar þessari hræðilegu blindu, sem þú sérð þær í, vegna hinna skýru og dýrmætu atriða fagnaðarboðskapar lambsins, sem kirkjan ^aviðurstyggilega hefur haldið leyndum, en myndun hennar hefur þú séð.

33 Og Guðslambið segir: Ég mun þess vegna vera Þjóðunum miskunnsamur og vitja eftirlifenda Ísraelsættar með þungum dómi.

34 Og svo bar við, að engill Drottins talaði til mín og mælti: Sjá — segir Guðslambið — þegar ég hef vitjað ^aleifanna af Ísraelsætt, en þær leifar, sem ég tala um, eru niðjar föður þíns — eftir að ég hef því vitjað þeirra með dómi og lostið þá með hendi Þjóðanna og eftir að Þjóðirnar hafa ^bhrasað illilega — vegna þeirra mjög skýru og dýrmætu atriða ^cfagnaðarboðskapar lambsins, sem hin viðurstyggilega kirkja og móðir vændiskvennanna hefur haldið til baka — þá mun ég, segir Drottinn, þann dag sýna Þjóðunum þá miskunn að ^dfæra þeim með eigin krafti mikið af fagnaðarerindi mínu, sem verða mun auðskiljanlegt og dýrmætt, segir lambið.

35 Því að sjá, segir lambið: Ég mun opinbera mig niðjum þínum, svo að þeir færi margt í letur, sem ég mun kenna þeim, bæði auðskiljanlegt og dýrmætt. Og þegar niðjum þínum hefur verið tortímt og þeim hnignað í vantrú og niðjum bræðra þinna einnig, þá mun ^aþessu fundinn felustaður, til að birtast Þjóðunum, fyrir gjöf og kraft lambsins.

36 Og í þeim ritum mun ^afagnaðarboðskapur minn færður í letur, segir lambið, ^bbjarg mitt og sáluhjálp.

37 Og ^ablessaðir eru þeir, sem á þeim degi reyna að leiða fram mína ^bSíon, því að ^cgjöf og kraftur heilags anda verður með þeim. Og ^dstandi þeir stöðugir allt til enda, mun þeim lyft upp á efsta degi og þeir frelsast í ævarandi ^eríki lambsins. Og hve mikil mun ekki fegurð þeirra á fjöllunum, þeirra sem ^ffriðinn boða og mikil gleðitíðindi.

38 Og svo bar við, að ég sá leifarnar af niðjum bræðra minna og einnig ^abók Guðslambsins, sem komin var af vörum Gyðings, og sá hana berast frá Þjóðunum ^btil leifanna af niðjum bræðra minna.

39 Og þegar hún hafði borist þeim, sá ég aðrar ^abækur, sem fram komu fyrir kraft lambsins og bárust til þeirra frá Þjóðunum til að ^bsannfæra jafnt Þjóðirnar sem leifarnar af niðjum bræðra minna sem og Gyðingana, sem dreifðir voru á öllu yfirborði jarðar, um það, að heimildir spámannanna og hinna tólf postula lambsins eru ^csannar.

40 Og engillinn talaði til mín og mælti: Þessar ^asíðustu heimildir, sem þú hefur séð meðal Þjóðanna, munu ^bstaðfesta sannleiksgildi hinna ^cfyrri, sem eru frá hinum tólf postulum lambsins, og þær munu leiða í ljós þau skýru og dýrmætu atriði, sem felld hafa verið úr þeim. Og þær munu gjöra öllum kynkvíslum, tungum og lýðum kunnugt, að Guðslambið er sonur hins eilífa föður og ^dfrelsari heimsins og allir menn verði að koma til hans, að öðrum kosti geti þeir ekki frelsast.

41 Og þeir verða að koma til hans samkvæmt þeim orðum, sem staðfest hafa verið af vörum lambsins. Og orð lambsins munu kunngjörð í heimildum niðja þinna, sem og í heimildum hinna tólf postula lambsins. Báðar munu þær þess vegna verða sem ^aein heild, því að ^beinn Guð og einn ^chirðir er yfir allri jörðunni.

42 Og sá tími mun koma, að hann opinberar sig öllum þjóðum, bæði ^aGyðingum og Þjóðunum. Og þegar hann hefur opinberað sig Gyðingum og einnig Þjóðunum, þá mun hann opinbera sig Þjóðunum og einnig Gyðingum, og hinir ^bsíðustu verða fyrstir og hinir ^cfyrstu síðastir.