1 Dhe ndodhi që engjëlli më tha: Shiko dhe vër re farën tënde dhe gjithashtu farën e vëllezërve të tu. Dhe unë shikova dhe vura re ^atokën e premtimit; dhe unë pashë turma njerëzish, po, madje që ishin në numër aq shumë, sa rëra e detit.

2 Dhe ndodhi që unë pashë turma të mbledhura së bashku për të luftuar njëra kundër tjetrës; dhe unë vura re ^aluftëra dhe zhurmë luftërash dhe vrasje të mëdha me shpatë mes popullit tim.

3 Dhe ndodhi që unë vura re shumë breza të kalonin, pas luftërave dhe grindjeve në tokë; dhe unë vura re shumë qytete, po, madje që unë nuk i numërova dot.

4 Dhe ndodhi që unë pashë një ^amjegull ^berrësire mbi faqen e tokës së premtimit; dhe unë pashë vetëtima dhe dëgjova bubullima dhe tërmete, dhe të gjitha llojet e zhurmave të trazuara; dhe unë pashë tokën dhe shkëmbinjtë që çaheshin; dhe unë pashë malet duke u shembur në copa; dhe unë pashë fushat e tokës që ato ishin copëtuar; dhe unë pashë shumë qytete që qenë ^cfundosur dhe unë pashë shumë që ishin djegur me zjarr dhe unë pashë shumë të tjera që po shembeshin për tokë për shkak të lëkundjes së saj.

5 Dhe ndodhi që pasi i pashë këto gjëra, pashë ^amjegullën e errësirës që kaloi nga faqja e tokës; dhe vini re, unë pashë turma që nuk kishin rënë për shkak të gjykimeve të mëdha dhe të tmerrshme të Zotit.

6 Dhe unë pashë qiejt të hapen dhe ^aQengjin e Perëndisë duke zbritur nga qielli; dhe ai erdhi poshtë dhe shfaqi veten tek ata.

7 Dhe unë gjithashtu pashë dhe dëshmoj që Fryma e Shenjtë ra mbi ^adymbëdhjetë të tjerë; dhe ata u shuguruan nga Perëndia dhe u zgjodhën.

8 Dhe engjëlli më foli, duke thënë: Vër re dymbëdhjetë dishepujt e Qengjit të cilët janë zgjedhur t’i shërbejnë farës tënde.

9 Dhe ai më tha: Ti i mban mend ^adymbëdhjetë apostujt e Qengjit? Vër re, ata janë ata që do të ^bgjykojnë dymbëdhjetë fiset e Izraelit; prandaj dymbëdhjetë shërbestarët e farës sate do të gjykohen prej tyre; pasi ju jeni nga shtëpia e Izraelit.

10 Dhe këta ^adymbëdhjetë shërbestarë që ti shikon do të gjykojnë farën tënde. Dhe, vër re, ata janë përgjithmonë të drejtë; pasi, për shkak të besimit të tyre në Qengjin e Perëndisë, ^brrobat e tyre janë bërë të bardha në gjakun e tij.

11 Dhe engjëlli më tha: Shiko! Dhe unë pashë dhe vura re ^atre breza të kalonin në drejtësi; dhe rrobat e tyre ishin të bardha, madje si ato të Qengjit të Perëndisë. Dhe engjëlli më tha: Këto janë bërë të bardha në gjakun e Qengjit, për shkak të besimit të tyre në të.

12 Dhe unë, Nefi, gjithashtu pashë shumë të brezit të ^akatërt, që vdiqën në drejtësi.

13 Dhe ndodhi që unë pashë turmat e tokës të mbledhura së bashku.

14 Dhe engjëlli më tha: Shiko farën tënde dhe gjithashtu farën e vëllezërve të tu.

15 Dhe ndodhi që unë pashë dhe vura re njerëzit e farës sime të mbledhur së bashku në turma ^akundër farës së vëllezërve të mi; dhe ata ishin mbledhur së bashku për të luftuar.

16 Dhe engjëlli më foli duke thënë: Shiko burimin e ujit të ^afëlliqur që ati yt pa; po, madje ^blumin për të cilin ai foli; dhe thellësitë e tij janë thellësitë e ^cferrit.

17 Dhe ^amjegullat e errësirës janë tundimet e djallit, të cilat ^bverbojnë sytë dhe ngurtësojnë zemrat e fëmijëve të njerëzve dhe i çojnë ata nëpër udhë ^ctë gjëra, që ata të humbasin dhe të mbarojnë.

18 Dhe ^andërtesa e madhe dhe e gjerë që pa ati yt, është ^bimagjinata e kotë dhe ^ckryelartësia e fëmijëve të njerëzve. Dhe një ^dhumnerë e madhe dhe e tmerrshme i ndan ata; po, madje fjala e ^edrejtësisë së Perëndisë së Amshuar dhe Mesia që është Qengji i Perëndisë, për të cilin Fryma e Shenjtë dëshmon, që nga fillimi i botës e deri në këtë kohë dhe që nga kjo kohë e tutje dhe përgjithmonë.

19 Dhe ndërsa engjëlli foli këto fjalë, unë vura re dhe pashë se fara e vëllezërve të mi po luftonte kundër farës sime, sipas fjalës së engjëllit; dhe për shkak të kryelartësisë së farës sime dhe ^atundimeve të djallit, unë vura re se fara e vëllezërve të mi ^bmundi njerëzit e farës sime.

20 Dhe ndodhi që unë vura re dhe pashë njerëzit e farës së vëllezërve të mi që kishin mundur farën time; dhe ata shkuan përpara në turma mbi faqen e tokës.

21 Dhe unë i pashë ata të mbledhur së bashku në turma; dhe unë pashë ^aluftëra dhe zhurma luftërash mes tyre; dhe në luftëra dhe zhurma luftërash unë pashë shumë breza të vdisnin.

22 Dhe engjëlli më tha: Vër re, këta do të ^abien në mosbesim.

23 Dhe ndodhi që vura re, pasi ata ranë në mosbesim, ata u bënë një popull me lëkurë të ^aerrët, të neveritshëm dhe të ^bfëlliqur, plot ^cpërtaci dhe të gjitha llojet e neverive.