1 Kuba kwenzekile emva kokuba ndathi ndanqwenela ukwazi ngezinto athe ubawo wazibona, kwaye ndikholelwa ukuba iNkosi yayinako ukuzenza zazeke nakum, ndathi xa ndandihleli ^andiziguquguqula entliziyweni yam ^bndaphakanyiselwa kude eMoyeni weNkosi, ewe, ukuya ^ckwintaba ephakame ngokugqithisileyo, endingazange ndayibona ngaphambili, kwaye endingazange ndalubeka unyawo lwam phezu kwayo ngaphambili.

2 Waza uMoya wathi kum: Qaphela, unqwenela ntoni?

3 Ndaza ndathi: Ndinqwenela ukuzibona izinto athe ubawo ^awazibona.

4 Waza uMoya wathi kum: Uyakholwa na ukuba uyihlo wawubona ^aumthi lowo athethe ngawo?

5 Ndaze ndathi: Ewe, uyazi ukuba ^andiyakholwa kuwo onke amazwi kabawo.

6 Kwaye ekubeni ndithethe la mazwi, uMoya wadanduluka ngelizwi elikhulu, usithi: Hosana kuyo iNkosi, uThixo osenyangweni, kuba unguThixo phezu ^akwehlabathi liphela, ewe, nangaphezu konke. Kwaye usikelelekile wena, Nifayi, ngokuba ^buyakholwa kuNyana kaThixo osenyangweni; ngako oko, uya kuzibona izinto othe wazinqwenela.

7 Kwaye qaphela le nto iya kunikelwa kuwe nje ^angomqondiso, ukuze emva kokuba uwubonile umthi othwele isiqhamo awasingcamlayo uyihlo, uya kubona kanjalo indoda isihla iphuma ezulwini, kwaye uya kungqina ngayo; kwaye emva kokuba ungqinile ngayo uya ^bkunika ubungqina bokuba inguNyana kaThixo.

8 Kwaye kwenzekile okokuba uMoya wathi kum: Khangela! Ndaze ndakhangela ndabona umthi; kwaye ufana ^anomthi lowo ubawo wayewubonile; kwaye ubuhle bawo babungaphaya, ewe, ukudlula bonke ubuhle; kwaye ^bnobumhlophe bawo babubudlula ubumhlophe obunje ngekhephu eliqhutywa ngumoya.

9 Kwaye kwenzekile emva kokuba ndiwubonile umthi, ndathi kuwo uMoya: Ndiyaqaphela ukuba undibonisile umthi ^aoxabiseke ngaphezulu kunayo yonke.

10 Waza wathi kum: unqwenela ntoni?

11 Ndaza ndathi kuwo: Ukwazi ^ainguqulelo yawo—kuba ndathetha nawo nje ngokuba umntu ethetha; kuba ndaqaphela ukuba waye ^bunokumila komntu; kodwa, nangona kunjalo, ndandisazi ukuba yayinguMoya weNkosi; kwaye wawuthetha nam njengendoda ithetha nenye.

12 Kwaye kwenzekile okokuba yathi kum: Khangela! Ndaza ndakhangela ngokungathi ndikhangele kuyo, ndaza andayibona; kuba yayimkile phambi kobuso bam.

13 Kwaye kwenzekile okokuba ndikhangele ndabona isixekokazi saseYerusalem, kananjalo nezinye izixeko. Kwaye ndasibona isixeko saseNazarete; kwaye kwisixeko ^asaseNazarete ndabona ^bintombi engazani nandoda, kwaye yaye intle kunene kwaye imhlophe.

14 Kwaye kwenzekile okokuba ndiwabone ^aamazulu evuleka; yaza ingelosi yehlela ezantsi yaza yema phambi kwam; yaza yathi kum: Nifayi, ubona ntoni?

15 Ndaza ndathi kuyo: Intombi engazani nandoda, ebukeka ngokugqithisileyo kwaye intle ngaphezulu kunazo zonke iintombi ezingazani nandoda.

16 Yaza yathi kum: Uyakwazi na ukuzithoba kukaThixo?

17 Ndaza ndathi kuyo: Ndiyazi okokuba uyabathanda abantwana bakhe; nangona kunjalo, andiyazi intsingiselo yazo zonke izinto.

18 Yaza yathi kum: Qaphela, ^aintombi engazani nandoda oyibonayo ^bingunina woNyana kaThixo, esenyameni.

19 Kwaye kwenzekile okokuba ndibone ukuba iphakanyiselwa kude eMoyeni; kwaye emva kokuba iphakanyiselwe kude ^aeMoyeni okwethutyana ingelosi yathetha nam, isithi: Khangela!

20 Ndaye ndakhangela ndaza ndabona kwakhona intombi engazani nandoda, iphethe ^ausana ezingalweni zayo.

21 Yaza ingelosi yathi kum: Qaphela ^aiMvana kaThixo, ewe, kwanaye ^buNyana ^ckaBawo waNaphakade! Uyayazi intsingiselo ^dyomthi lowo wawubonayo uyihlo?

22 Ndaza ndayiphendula, ndisithi: ewe, ^ailuthando lukaThixo, oluzalisa ngapha nangapha ezintliziyweni zabantwana babantu; ngako oko, luyinto enqwenelekayo ngaphezu kwazo zonke izinto.

23 Yaza yathetha nam, isithi: Ewe, kwaye luyeyona nto ^aivuyisa kakhulu emphefumlweni.

24 Kwaye emva kokuba iwathethile la mazwi, yathi kum: Khangela! Ndaza ndakhangela, ndaza ndabona uNyana kaThixo ^aesiya phambili phakathi kwabantwana babantu; ndaza ndabona abaninzi besiwa ezinyaweni zakhe kwaye bemnqula.

25 Kwaye kwenzekile okokuba ndibone ukuba ^aintonga yesinyithi, abeyibonile ubawo, yaye ililizwi likaThixo, eyayikhokelela ^bkumthombo wamanzi aphilayo, okanye ^ckumthi wobomi; amanzi lawo amele uthando lukaThixo; ndaza ndabona kanjalo ukuba umthi wobomi wawumele uthando lukaThixo.

26 Yaza ingelosi yathi kum kwakhona: Khangela ubone ^aukuzithoba kukaThixo!

27 Ndaye ndakhangela ndaza ^andabona uMkhululi wehlabathi, abekhe wathetha ngaye ubawo; ndaza ndabona kanjalo ^bumprofeti owayeza kulungiselela indlela ngaphambi kwakhe. Yaza iMvana kaThixo yabheka phambili yaza ^cyabhaptizwa nguye; kwaye emva kokuba ibhaptiziwe, ndawabona amazulu evuleka, waza uMoya oyiNgcwele wehla uphuma ezulwini waza wahlala phezu kwakhe unje ^dngehobe.

28 Ndaye ndaqaphela ukuba ubheka phambili ulungiselela ebantwini, ^ausemandleni kwaye unozuko olukhulu; kwaye izihlwele zazihlanganisene kunye ukuze zimve; ndaza ndaqaphela ukuba zimkhuphela ngaphandle phakathi kwazo.

29 Ndaza kanjalo ndaqaphela abanye ^aabalishumi elinambini bemlandela. Kwaye kwenzekile okokuba bathatyathelwa kude eMoyeni bemka phambi kobuso bam, ndaza andaphinda ndibabone.

30 Kwaye kwenzekile okokuba ingelosi ithethe nam kwakhona, isithi: Khangela! Ndaza ndakhangela, ndaza ndabona amazulu evuleka kwakhona, ndaza ndabona ^aiingelosi zisehlela phezu kwabantwana babantu; kwaye zibalungiselela.

31 Kwaye yathetha nam kwakhona, isithi: Khangela! Ndaza ndakhangela, ndaza ndabona iMvana kaThixo ibheka phambili phakathi kwabantwana babantu. Ndaza ndaqaphela izihlwele zabantu abayimilwelwe, kwaye babebandezelekile lulo lonke uhlobo lwezifo, naba ^anoomtyholi ^bnoomoya abangcolileyo; yaza ingelosi yathetha kwaye yandibonisa zonke ezi zinto. Kwaye ^cbaphiliswa ngamandla eMvana kaThixo; kwaye oomtyholi noomoya abangcolileyo bakhutshelwa ngaphandle.

32 Kwaye kwenzekile okokuba ingelosi ithethe nam kwakhona, isithi: Khangela! Ndaza ndakhangela ndaza ndayibona iMvana kaThixo, okokuba yayithatyathiwe ngabantu; ewe, uNyana kaThixo ongunaphakade ^awagwetywa lihlabathi; kwaye ndabona ndaza ndanika ubungqina.

33 Kwaye mna, Nifayi, ndabona ukuba yaphakanyiselwa phezulu ^aemnqamlezweni yaza ^byabulawa ngenxa yezono zehlabathi.

34 Kwaye emva kokuba ibulewe ndazibona izihlwele zomhlaba, okokuba zihlanganisene kunye ukulwa nabapostile beMvana; kuba abalishumi elinambini babebizwa njalo yingelosi yeNkosi.

35 Kwaye isihlwele somhlaba sasihlanganisene kunye; ndaza ndaqaphela ukuba ^asasikwisakhiwo esikhulu kwaye esiphangaleleyo, njengeso sakhiwo esathi sabonwa ngubawo. Yaza ingelosi yeNkosi yathetha nam kwakhona, isithi: Qaphela ihlabathi nobulumko balo; ewe, qaphela indlu kaSirayeli ihlanganisene kunye ukulwa nabapostile abalishumi elinambini beMvana.

36 Kwaye kwenzekile okokuba ndibone ndize ndinike ubungqina bokuba isakhiwo esikhulu nesiphangaleleyo ^asasilikratshi lehlabathi; kwaye sawa, kwaye ukuwa kwaso kwakugqithisile kakhulu. Yaza ingelosi yeNkosi yathetha nam kwakhona, isithi: Kuya kuba njalo ke ukutshatyalaliswa kwezizwe zonke, izalamane, iilwimi nabantu, abaya kuthi balwe nabapostile abalishumi elinambini beMvana.