Ebʼ li loqʼlaj hu
1 Nefi 11


Ch’ol 11

Laj Nefi naril lix Musiq’ li Qaawa’, ut nak’ute’ chiru sa’ k’utb’esinb’il matk’ li che’ re li yu’am—Naril lix na’ li Ralal li Dios, ut naxtzol li naxkub’si rib’ li Dios chixb’aanunkil—Naril lix kub’ik xha’, lix k’anjel, ut lix kamik lix Karneer li Dios chiru krus—Naril ajwi’ lix b’oqb’aleb’ ut lix k’anjeleb’ li kab’laju chi apostol re li Karneer. Wan na 600–592 chihab’ ma nayo’la li Kristo.

1 Xb’aan naq kik’ulman chirix naq kiwaj xnawb’al li k’a’aq re ru kiril lin yuwa’, ut kinpaab’ naq li Qaawa’ naru tixk’e chinnaweb’, naq k’ojk’ookin chi ak’oxlank sa’ lin ch’ool, bkinxoke’ chaq sa’ lix Musiq’ li Qaawa’, relik chi yaal, toj sa’ xb’een jun li ctzuul q’axal najt xteram, li maajun wa wilom chaq, ut maajun wa ink’ehom chaq li woq sa’ xb’een.

2 Ut li Musiq’ej kixye we: K’e reetal, k’a’ru nakawaj?

3 Ut kinye: Nawaj rilb’al li k’a’aq re ru akiril lin yuwa’.

4 Ut li Musiq’ej kixye we: Ma nakapaab’ naq laa yuwa’ kiril lix atoonal li che’ li x’aatinak wi’?

5 Ut laa’in kinye: Yaal, laa’at nakanaw naq aninpaab’ chixjunil li raatin lin yuwa’.

6 Ut naq ak kinye li aatin a’in, li Musiq’ej kixjap re chi kaw xyaab’ xkux, kixye: Hosanna re li Qaawa’, li Dios q’axal taqenaq, xb’aan naq a’an wan choq’ Dios sa’ xb’een chixjunil li aruchich’och’, relik chi yaal, sa’ xb’een ajwi’ chixjunil. Ut osob’tesinb’ilat, at Nefi, xb’aan naq bnakapaab’ li Ralal li Dios q’axal taqenaq; jo’kan ut, laa’at taawil li k’a’aq re ru xawaj.

7 Ut k’e reetal, li na’leb’ a’in taak’ehe’q aawe choq’ aeetalil, naq chirix naq xawil lix toonal li che’ li x’uuchin wi’ li ru che’ kixyal laa yuwa’, taawil ajwi’ jun li winq chi kub’eek chaq sa’ choxa, ut taak’e reetal li winq a’an, ut chirix naq xak’e reetal, btaach’olob’ xyaalal naq a’an li Ralal li Dios.

8 Ut kik’ulman naq li Musiq’ej kixye we: Chat-iloq! Ut kin’ilok, ut kink’e reetal jun toon li che’; ut chanchan ajwi’ lix atoonal li che’ kiril lin yuwa’, ut lix ch’ina-usal q’axal nim wi’chik, relik chi yaal, naxq’ax chixjunil li ch’ina-usal, ut lix bsaqalil naxq’ax xsaqal li apusinb’il saqb’ach.

9 Ut kik’ulman chirix naq kiwil lix toonal li che’, kinye re li Musiq’ej: Nink’e reetal naq xak’ut chiwu lix toonal li che’ li anim wi’chik xloq’al sa’ xb’een chixjunil chik.

10 Ut a’an kixye we: K’a’ru nakawaj?

11 Ut laa’in kinye re: Xnawb’al lix ayaalalil a’an—xb’aan naq kin’aatinak rik’in jo’ chanru na’aatinak junaq winq; xb’aan naq kink’e reetal naq wan jo’ bxxaqalil junaq winq; a’b’anan ut, kinnaw naq a’an lix Musiq’ li Qaawa’, ut kinraatina jo’ chanru naq junaq winq na’aatinak rik’in jalan chik.

12 Ut kik’ulman naq a’an kixye we: Chat-iloq! Ut kin’ilok chanchan naq tinwil raj a’an, ut ink’a’ ajwi’ kiwil, xb’aan naq xikenaq chik chiwu.

13 Ut kik’ulman naq kin’ilok, ut kink’e reetal li nimla tenamit Jerusalen, ut jo’kan ajwi’ jalaneb’ chik li tenamit. Ut kink’e reetal li tenamit Nazaret; ut sa’ li tenamit aNazaret kink’e reetal jun li btuq’ixq, ut a’an q’axal chaq’al ru ut saq xtib’el.

14 Ut kik’ulman naq kiwil chi ateeliik li choxa; ut jun li anjel kikub’e chaq ut kixaqli chiwu; ut kixye we: At Nefi, k’a’ru nakawil?

15 Ut kinye re: Jun li tuq’ixq, q’axal ch’ina-us ut chaq’al ru sa’ xb’eeneb’ chixjunil chik li tuq’ixq.

16 Ut a’an kixye we: Ma nakanaw li naxkub’si rib’ li Dios chixb’aanunkil?

17 Ut kinye re: Ninnaw naq a’an naxraheb’ li ralal xk’ajol; a’b’anan ink’a’ ninnaw xyaalalil chixjunil li k’a’aq re ru.

18 Ut a’an kixye we: K’e reetal, li atuq’ixq nakawil a’an lix bna’ li Ralal li Dios, jo’ chanru li tz’ejwalej.

19 Ut kik’ulman naq kiwil naq kik’ame’ chaq a’an sa’ li Musiq’ej; ut chirix naq k’amb’il chaq sa’ li aMusiq’ej chiru jun k’amok, li anjel kinraatina, ut kixye: Chat-iloq!

20 Ut kin’ilok ut kink’e wi’chik reetal li tuq’ixq, q’alq’o sa’ ruq’ jun li ak’uula’al.

21 Ut li anjel kixye we: K’e reetal lix aKarneer li Dios, relik chi yaal, a’an ajwi’ li bRalal li Junelik cYuwa’b’ej! Ma nakanaw xyaalalil lix dtoonal li che’ kiril laa yuwa’?

22 Ut laa’in kinchaq’ok chiru, ut kinye: Hehe’, a’an lix arahom li Dios, li naxpuktesi rib’ sa’ xch’ooleb’ li ralal xk’ajoleb’ li winq; jo’kan ut, q’axal wi’chik atawal sa’ xb’een chixjunil li k’a’aq re ru.

23 Ut kinraatina, ut kixye: Yaal, ut li q’axal anasahob’resink ch’oolej.

24 Ut chirix naq kixye li aatin a’in, kixye we: Chat-iloq! Ut kin’ilok, ut kiwil li Ralal li Dios chi axik sa’ xyanqeb’ li ralal xk’ajoleb’ li winq, ut ke’wil naab’al chixkutb’al rib’ chiroq, ut chixloq’oninkil.

25 Ut kik’ulman naq kiwil naq li ab’arb’ookil ch’iich’, li kiril chaq lin yuwa’, a’an li raatin li Dios, li nak’amok chaq sa’ lix yo’leb’aal li byo’yookil ha’, malaj sa’ cxtoonal li che’ re li yu’am; ut li ha’ a’an reetalil lix rahom li Dios; ut kink’e ajwi’ reetal naq lix toonal li che’ re li yu’am a’an reetalil lix rahom li Dios.

26 Ut li anjel kixye wi’chik we: Chat-iloq ut chak’e reetal li anaxkub’si rib’ li Dios chixb’aanunkil!

27 Ut kin’ilok ut akink’e reetal laj Tojol rix li ruchich’och’, li ki’aatinak wi’ chaq lin yuwa’; ut kink’e ajwi’ reetal li bprofeet li taakawresinq re li b’e chiru. Ut lix Karneer li Dios xko’o ut ckikub’siik xha’ xb’aan; ut chirix naq kub’enaq xha’, kiwil chi teeliik li choxa, ut li Santil Musiq’ej chi kub’eek chaq sa’ choxa ut chi kanaak sa’ xb’een jo’ jun dmukuy.

28 Ut kink’e reetal naq a’an xko’o chi k’anjelak chiruheb’ li tenamit, rik’in awankilal ut nimla loq’alil; ut ke’ch’utla li k’iila tenamit re rab’inkil; ut kink’e reetal naq eb’ a’an ke’risi chaq sa’ xyanqeb’.

29 Ut kink’e ajwi’ reetal akab’laju chik li yookeb’ chixtaaqenkil. Ut kik’ulman naq ke’k’ame’ sa’ li Musiq’ej chiru chaq li wilob’aal, ut ink’a’ chik ke’wil.

30 Ut kik’ulman naq li anjel kinraatina wi’chik, ut kixye: Chat-iloq! Ut kin’ilok, ut kiwil chi teeliik wi’chik li choxa, ut kiwileb’ li aanjel chi kub’eek sa’ xb’eeneb’ li ralal xk’ajoleb’ li winq, ut ke’k’anjelak chiruheb’.

31 Ut a’an kinraatina wi’chik, ut kixye: Chat-iloq! Ut kin’ilok, ut kiwil lix Karneer li Dios chi xik sa’ xyanqeb’ li ralal xk’ajoleb’ li winq. Ut kiwileb’ jar ch’uut chi tenamit li yajeb’, ut li tawasinb’ileb’ rik’in li k’iila paay chi yajel, ut rik’ineb’ alaj tza ut eb’ li btz’aj aj musiq’ej; ut li anjel ki’aatinak ut kixk’ut chixjunil li k’a’aq re ru a’in chiwu. Ut eb’ a’an cke’k’irtesiik xb’aan lix wankilal lix Karneer li Dios; ut eb’ laj tza ut eb’ li tz’aj aj musiq’ej ke’isiik chaq.

32 Ut kik’ulman naq li anjel kinraatina wi’chik, ut kixye: Chat-iloq! Ut kin’ilok, kink’e reetal lix Karneer li Dios, naq kik’ame’ xb’aaneb’ li tenamit; relik chi yaal, li Ralal li Dios li junelik nawan akiraqe’ aatin chirix xb’aan li ruchich’och’; ut laa’in kiwil ut ninch’olob’ xyaalal.

33 Ut laa’in, aj Nefi, kiwil naq kitaqsiik chiru li akrus ut bkikamsiik sa’ xk’ab’a’ lix maak li ruchich’och’.

34 Ut chirix naq kikamsiik kiwileb’ li jar ch’uut chi tenamit re li ruchich’och’, naq ch’utch’uukeb’ chixpleetinkileb’ lix apostol li Karneer; xb’aan naq jo’kan ke’k’ab’a’iniik li kab’laju xb’aan lix anjel li Qaawa’.

35 Ut lix k’ihalil li tenamit re li ruchich’och’ kiwan chi ch’utch’u; ut kink’e reetal naq wankeb’ sa’ jun li akab’l nim ut paapo xsa’, chanchan li kab’l kiril lin yuwa’. Ut lix anjel li Qaawa’ kinraatina wi’chik, ut kixye: K’e reetal li ruchich’och’ ut lix nimal xna’leb’; relik chi yaal, chak’e reetal naq lix junkab’al laj Israel xch’utub’ rib’ chixpleetinkileb’ li kab’laju chi apostol re li Karneer.

36 Ut kik’ulman naq kiwil ut ninch’olob’ xyaalal, naq li kab’l nim ut paapo xsa’ a’an lix aq’etq’etil li ruchich’och’, ut kit’ane’, ut q’axal nim lix t’anik. Ut lix anjel li Qaawa’ kinraatina wi’chik, ut kixye: Jo’kanaq chaq lix sachlijikeb’ chixjunil li tenamit, junkab’al, aatinob’aal, ut teepal, li te’pleetinq reheb’ li kab’laju chi apostol re li Karneer.