Dagiti Nasantuan a Kasuratan
1 Nephi 11


Kapitulo 11

Makita ni Nephi ti Espiritu ti Apo ken maipakita iti parmata ti kayo ti biag—Makitana ti ina ti Anak ti Dios ken maammuanna ti pannakipulapol ti Dios—Makitana ti panagbuniag, ti naespirituan a panagserbi, ken ti pannakailansa iti krus ti Kordero ti Dios—Makitana met ti akem ken naespirituan a panagserbi dagiti Sangapulo-ket-dua nga Apostol ti Kordero. Agarup 600—592 B.C.

1 Ta napasamak a kalpasan ti panagtarigagayko a mangammo kadagiti banag a nakita ti amak, ken namatiak nga kabaelan ti Apo nga ipakaammona kaniak dagitoy, bayat ti panagtugawko a amangut-utob iti pusok bimpannak ti Espiritu ti Apo, wen, iti kasta unay ti kangatona a cbantay, a saanko pay pulos idi a nakitkita ken saanko pay pulos idi a naad-adakan.

2 Ket kinuna ti Espiritu kaniak: Kitaem, ania ti tartarigagayam?

3 Ket kinunak: Tarigagayak a maimatangan dagiti banag a anakitati amak.

4 Ket kinuna ti Espiritu kaniak: Mamatika kadi a nakita ti amam ti akayo nga imbagana?

5 Ket kinunak: Wen, ammom a apatiek amin dagiti balikas ti amak.

6 Ket idi nasaok dagitoy a balikas, impukkaw ti Espiritu iti napigsa a timek, a kinunana: Hosanna iti Apo, ti kangatuan a Dios; ta isu ti Dios iti amin a adaga,wen, uray pay iti amin. Ket nagasatka, Nephi, gapu ta bmamatika ti Anak ti kangatuan a Dios; gapuna, maimatangamto dagiti banag a tartarigagayam.

7 Ket kitaem maited daytoy a banag kenka a kas maysa a atanda, ta kalpasan a nakitam ti kayo a nangted ti bunga a naramanan ti amam, makitamto met ti lalaki a bumabbaba manipud iti langit, ket maimatangamto isuna; ket kalpasan a naimatangam isuna bpaneknekamto nga isu ti Anak ti Dios.

8 Ket napasamak a kinuna ti Espiritu kaniak: Kitaem! Ket kimmitaak ket naimatangak ti kayo; ket kas daytoy iti akayo a nakita ti amak; ket nagsaway ti pintasna, wen, maartapanna iti amin a kinapintas; ken ti bkinapurawna daytoy ket artapanna ti kinapuraw ti naiparrais a niebe.

9 Ket napasamak a kalpasan ti pannakakitak iti kayo, kinunak iti Espiritu: Nabigbigko a pinapakitam kaniak ti kayo a akapatgan iti amin.

10 Ket kinunana kaniak: Ania ti tarigagayam?

11 Ket kinunak kenkuana: Maammuak koma ti akaipapananna daytoy—ta nakisaoak kenkuana a kas makisasao iti maysa a tao; ta nakitak a bkalanglangana ti tao; ngem nupay kasta, ammok nga isu ti Espiritu ti Apo; ket nakisao kaniak a kas iti pannakisao ti tao iti sabali.

12 Ket napasamak a kinunana kaniak: Kitaem! Ket kimmitaak a kas iti ikikitak kenkuana, ket saanko a nakita isuna; gapu ta nagpukawen isuna iti imatangko.

13 Ket napasamak a kimmitaak ket nakitak ti naindaklan a siudad ti Jerusalem, ken dagiti pay sabali a siudad. Ket naimatangak ti siudad ti Nazaret; ken iti siudad ti aNazaret naimatangak ti bbirhen, ket kasta la unay ti kinalinis ken kinapudawna.

14 Ket napasamak a nakitak ti alangit a naglukat; ket bimmaba ti anghel ken nagtakder iti sangok; ket kinunana kaniak: Nephi, ania ti makitam?

15 Ket kinunak kenkuana: Maysa a birhen, a kapintasan ken kalinisan kadagiti amin a birhen.

16 Ket kinunana kaniak: Ammom kadi ti pannakipulapol ti Dios?

17 Ket kinunak kenkuana: Ammok nga ay-ayatenna dagiti annakna; nupay kasta, saanko nga ammo ti kaipapanan iti amin a banag.

18 Ket kinunana kaniak: Kitaem, ti abirhen a naimatangam nga bina ti Anak ti Dios, iti nainlasagan a kasasaad.

19 Ket napasamak a naimatangak ti panangipanaw kenkuana ti Espiritu; ket kalpasan ti panangipanaw kenkuana ti aEspiritu iti uneg ti sumagmamano a kanito, nagsao kaniak ti anghel, a kinunana: Kitaem!

20 Ket kimmitaak ket naimatangak manen ti birhen, a mangub-ubba ti amaladaga.

21 Ket kinuna ti anghel kaniak: Kitaem ti aKordero ti Dios, wen, isu ti bAnak ti Agnanayon nga cAma! Ammom kadin ti kaipapanan ti dkayo a nakita ti amam?

22 Ket sinungbatak isuna, a kinunak: Wen, isu daytoy ti aayat ti Dios, a nagwaras kadagiti puso ti sangkataoan; gapuna, isu ti kangrunaan a matarigagayan iti amin a banag.

23 Ket kinasaonak, kinunana: Wen, ken isu ti kangrunaan a amakaparag-o iti kaunggan.

24 Ket kalpasan ti panangibagana kadagitoy a balikas, kinunana kaniak: Kitaem! Ket kimmitaak, ket naimatangak ti Anak ti Dios nga aagturong iti ayan dagiti annak ti tattao; ket nakitak ti adu a nagparintumeng a nagdaydayaw kenkuana.

25 Ket napasamak a nakitak a ti apagkaptan a landok, a nakita ti amak, ti balikas ti Dios, a nagturong iti ubbog ti bnabiag a danum, wenno iti ckayo ti biag; a dagitoy a danum ti mangibagi ti ayat ti Dios; ken kasta met a nakitak a ti kayo ti biag ti mangibagi iti ayat ti Dios.

26 Ket kinuna manen kaniak ti anghel: Kitaem ket imatangam ti apannakipulapol ti Dios!

27 Ket kinitak ken anaimatangak ti Mannubbot iti lubong, a nasao ti amak; ket naimatangak met ti bpropeta a mangisagana iti dana a pagnaanna. Ket napan ti Kordero ti Dios kenkuana ket cbinuniaganna; ket kalpasan ti pannakabuniagna, naimatangak ti panaglukat ti langit, ket bimmaba ti Espiritu Santo manipud iti langit ket napan kenkuana a kalanglanga ti dkalapati.

28 Ket naimatangak a napan nagserbi isuna kadagiti tattao, nga addaan iti abileg ken naindaklan a dayag; ket nagtitipon dagiti ummong a dumngeg kenkuana; ket naimatangak a pinapanawda kadakuada.

29 Ket naimatangak met dagiti sabali pay a asangapulo-ket-dua a simmursurot kenkuana. Ket napasamak nga inyadayo ida ti Espiritu manipud iti sangok, ket saanko idan a nakita.

30 Ket napasamak a nagsao manen ti anghel kaniak, a kinunana: Kitaem! Ket kimmitaak, ket naimatangak ti panaglukat manen ti langit, ket nakitak a bumabbaba adagiti anghel kadagiti annak ti tattao; ket nagserbida kadakuada.

31 Ket kinasaonak manen, a kinunana: Kitaem! Ket kimmitaak, ket naimatangak ti Kordero ti Dios makipinpinnulapol kadagiti annak ti tattao. Ket naimatangak ti ummong dagiti tattao a masaksakit, ken agsagsagaba iti nadumaduma a kita ti sakit, ken linukonan adagiti sairo ken bdagiti dakes nga espiritu; ket nagsao ti anghel ken impakitana kaniak amin dagitoy a bambanag. Ket cnaagasanda babaen ti bileg ti Kordero ti Dios; ken napapanaw dagiti sairo ken narugit nga espiritu.

32 Ket napasamak a nagsao manen ti anghel kaniak, a kinunana: Kitaem! Ket kimmitaak ket naimatangak ti Kordero ti Dios, nga innala dagiti tattao; wen, akinedngan iti lubong ti Anak ti agnanayon a Dios; ket nakitak ken paneknekak.

33 Ket siak, ni Nephi, nakitak ti pannakaingatona iti akrus ken bnapapatay gapu kadagiti basol ti lubong.

34 Ket kalpasan ti pannakapapatayna nakitak dagiti ummong iti daga, a naguummong a sangsangkamaysa a mangbusor kadagiti apostol ti Kordero; ta kastoy ti awag ti anghel ti Apo kadagiti sangapulo-ket-dua.

35 Ket nagtitipon dagiti ummong iti daga; ket naimatangak nga addada iti dakkel ken nalawa a apasdek, a kas iti pasdek a nakita ti amak. Ket kinasaonak manen ti anghel ti Apo, a kinunana: Immatangam ti lubong ken ti siribna daytoy; wen, immatangam a nagkaykaysa ti balay ti Israel a manglaban kadagiti sangapulo ket dua nga apostol ti Kordero.

36 Ket napasamak a nakitak ken paneknekkak a ti dakkel ken nalawa a pasdek ti apagtangsit ti lubong; ket natnag daytoy, ket nakaro unay ti pannakatnagna. Ket kinasaonak manen ti anghel ti Apo, a kinunana: Kastanto ti pannakadadael ti amin a pagilian, puli, pagsasao, ken tattao a mangbusor kadagiti sangapulo-ket-dua nga apostol ti Kordero.