1 Kwaye ngoku mna, Nifayi, ndiyaqhubeka ngokunika ingxelo yenkqubo yam phezu ^akwala macwecwe, nolawulo nobulungiseleli bam; ngako oko, ukuqhubeka nengxelo yam, mandithethe nje ngezinto zikabawo kwakunye nezabakhuluwa bam.

2 Kuba qaphelani, kwaye kwenzeka ukuba emva kokuba ubawo egqibile ukuthetha amazwi ^aephupha lakhe, kananjalo ebayala ngokuba nayo yonke inkuthalo, wathetha nabo ngokunxulumene namaYuda—

3 Ukuba emva kokuba beya kutshatyalaliswa, kwanaso eso sixekokazi ^aiYerusalem, kwaye nabaninzi ^bbathatyathelwa ekuthinjweni ^ceBhabhilon, ngokwentando nangexesha elifanelekileyo leNkosi, kumele ^dbabuyele kwakhona, ewe, bade babuyiswe ekuthinjweni; kwaye emva kokuba beya kubuyiswa ekuthinjweni baya kulibanga kwakhona ilizwe lelifa labo.

4 Ewe, ^anakumakhulu amathandathu eminyaka ukusuka kwixesha ubawo washiya elaseYerusalem, iNkosi uThixo iya kuphakamisa ^bumprofeti phakathi kwamaYuda—^ckwanoMesiya, okanye, ngamanye amazwi, uMsindisi wehlabathi.

5 Kwaye wathetha kanjalo ngokunxulumene nabaprofeti, ngobuninzi obungako bamanani athi ^aangqina ngezi zinto, ngokunxulumene nalo Mesiya, athe wathetha ngaye, okanye lo Mkhululi wehlabathi.

6 Ngako oko, lonke uluntu lwalulahlekile kwaye ^alukwimo yokuwa, kwaye luya kuba njalo ngaphandle kokuba baya kuxhomekeka kulo Mkhululi.

7 Kwaye wathetha kananjalo ngokunxulumene ^anomprofeti oya kuza ngaphambi koMesiya, ukulungiselela umendo weNkosi—

8 Ewe, uya kude abheke phambili kwaye adanduluke entlango: ^aWulungiseni umendo weNkosi, zityenenezeni iindlela zayo; kuba kumi omnye phakathi kwenu eningamaziyo; kwaye unobungangamsha kunam, omitya yeembadada zakhe ndingafanelekanga nokuyikhulula. Kwaye wathetha kangako ubawo ngokunxulumene nale nto.

9 Kwaye ubawo wathi uya kubhaptiza ^aeBhetabhara, phesheya kweYordan; kwaye wathi kanjalo uya ^bkubhaptiza ngamanzi; kwanokokuba uya kubhaptiza uMesiya ngamanzi.

10 Kwaye emva kokuba ebhaptize uMesiya ngamanzi, uya kumqonda kwaye anike ubungqina bokuba ubhaptize ^aiMvana kaThixo, eya kuthabathela kuyo izono zehlabathi.

11 Kwaye kwenzekile emva kokuba ubawo ethethe la mazwi waye wathetha nabakhuluwa bam ngokunxulumene nevangeli eya kushunyayelwa phakathi kwamaYuda, kwaye kanjalo nangokunxulumene ^anokunyamalala kwamaYuda ^bekungakholweni. Kwaye emva kokuba ^cbembulele uMesiya, oya kuthi eze, kwaye emva kokuba ebulewe uya kuthi ^davuke kwelabafileyo, kwaye uya kuzibonakalisa, ^engoMoya oyiNgcwele, kwabeeNtlanga.

12 Ewe, kwa naye ubawo wathetha kakhulu ngokunxulumene nabeeNtlanga, kananjalo ngokunxulumene nendlu kaSirayeli, ukuba baya kuthelekiswa ^anomthi womnquma, omasebe awo aya kuqetshulwa kwaye ^basasazwe phezu kobuso bomhlaba.

13 Ngako oko, wathi kunyanzelekile ukuba sikhokelelwe ngamxhelo mnye ^akwilizwe lesithembiso, ukuze kuzaliseke ilizwi leNkosi, okokuba siya kusasazwa phezu kwabo bonke ubuso bomhlaba.

14 Kwaye emva kokuba indlu kaSirayeli iya kusasazwa iya ^akuphinda ihlanganiswe kunye kwakhona; okanye, lilonke, emva kokuba ^babeeNtlanga beyizuzile ivangeli epheleleyo, amasebe endalo ^comthi womnquma, okanye iintsalela zendlu kaSirayeli, ziya kumiliselwa, okanye zize kulwazi loMesiya oyinyani, iNkosi yazo noMkhululi wazo.

15 Kwaye ubawo waprofetha wathetha ngolu hlobo kubakhuluwa bam, kanjalo nezinye izinto ezininzi endingazibhaliyo kule ncwadi; kuba ndibhale ezininzi zazo kangangoko bekuyimfanelo kum ^akwenye incwadi yam.

16 Kwaye zonke ezi zinto, endithethe ngazo, zenziwa ngethuba ubawo ebehleli ententeni, kwintlambo kaLemuweli.

17 Kwaye kwenzekile emva kokuba mna, Nifayi, ndiwavile onke ^aamazwi kabawo, ngokunxulumene nezinto awazibonayo ^bkumbono, kwakunye nezinto awazithethayo ngamandla oMoya oyiNgcwele, mandla lawo wawafumana ngokholo kuNyana kaThixo—kwaye uNyana kaThixo wabe ^cenguMesiya oya kuza—mna, Nifayi, ndanqwenela kanjalo ukuba ndibe nokubona, ndive, ndize ndazi ngezi zinto, ngamandla ^doMoya oyiNgcwele, asisipho sikaThixo kubo bonke abo ^ebamfuna ngenyameko, ngamaxesha ^fakudala nanje ngexesha aya kuthi azibonakalise kubantwana babantu.

18 Kuba ukwanguye ^aizolo, namhla, nangonaphakade; kwaye indlela ilungiselelwe bonke abantu ukususela kwisiseko sehlabathi, ukuba bathi baguquke kwaye beze kuye.

19 Kuba lowo ufuna ngenkuthalo uya kufumana, kwaye ^aneemfihlelo zikaThixo ziya kutyhilwa kubo, ngamandla ^boMoya oyiNgcwele, njengoko kunjalo kula maxesha nakuwo amaxesha akudala, kwa njengoko kwakunjalo kumaxesha akudala nakumaxesha azayo; ngako oko, ^cumgaqo weNkosi ungumjikelo omnye wanaphakade.

20 Ke ngoko khumbula, Owu bantu, ngazo zonke izenzo zenu niya kuziswa ^aekugwetyweni.

21 Ngako oko, ukuba nifuna ukwenza ngenkohlakalo ngemihla ^ayobulingwa benu, ke niya kufunyanwa ^bningacocekanga phambi kwesihlalo sokugweba sikaThixo; kwaye ayikho into engacocekanga enokuhlala noThixo; ngako oko kufuneka nikhutshelwe ngaphandle ngonaphakade.

22 Kwaye uMoya oyiNgcwele undinika igunya lokuba ndizithethe ezi zinto, kwaye ndingaziphikisi.