Mga Kasulatan
1 Nephi 10


Kapitulo 10

Si Lehi nanagna nga ang mga Judeo mabihag sa mga taga-Babilonia—Misulti siya bahin sa pag-anhi taliwala sa mga Judeo sa usa ka Mesiyas, sa usa ka Manluluwas, sa usa ka Manunubos—Si Lehi misulti usab bahin sa pag-anhi sa usa kinsa mobunyag sa Kordero sa Dios—Si Lehi misulti mahitungod sa kamatayon ug pagkabanhaw sa Mesiyas—Iyang gitandi ang pagkatibulaag ug pagkapundok sa Israel ngadto sa usa ka kahoy nga oliba—Si Nephi namulong bahin sa Anak sa Dios, sa gasa sa Espiritu Santo, ug sa panginahanglan sa pagkamatarong. Mga 600–592 B.C.

1 Ug karon ako, si Nephi, mopadayon sa paghatag og asoy dinhi aniini nga mga palid mahitungod sa akong mga nahimo, ug sa akong pagmando ug pagpangalagad; mao nga, sa pagpadayon sa akong kaugalingon nga asoy, ako kinahanglan nga mamulong mahitungod sa mga butang sa akong amahan, ug usab sa akong mga igsoon.

2 Kay tan-awa, nahitabo nga human gitapos sa akong amahan ang pagpamulong sa mga pulong sa iyang adamgo, ug usab sa pag-awhag kanila nga magmakugihon, siya namulong ngadto kanila mahitungod sa mga Judeo—

3 Nga human sila malaglag, gani kanang dako nga siyudad nga aJerusalem, ug daghan ang bmadala nga bihag ngadto sa cBabilonia, sumala sa kaugalingon nga tukmang panahon sa Ginoo, sila dmahibalik pag-usab, oo, gani mahaw-as gikan sa pagkabihag; ug human sila mahaw-as gikan sa pagkabihag ilang mapanag-iya og balik ang yuta nga ilang kabilin.

4 Oo, gani aunom ka gatos ka tuig gikan sa pagbiya sa akong amahan sa Jerusalem, usa ka bpropeta ang ipahimutang sa Ginoong Dios taliwala sa mga Judeo—gani usa ka cMesiyas, o, sa lain nga mga pulong, usa ka Manluluwas sa kalibotan.

5 Ug namulong usab siya mahitungod sa mga propeta, kon unsa ka daghan ang amipamatuod niini nga mga butang, mahitungod niini nga Mesiyas, kinsa iyang gipamulong, o niini nga Manunubos sa kalibotan.

6 Mao nga, ang tanan nga katawhan anaa sa pagkahisalaag ug anapukan nga kahimtang, ug ingon niini sa hangtod gawas kon mosalig sila niini nga Manunubos.

7 Ug namulong usab siya mahitungod sa apropeta nga moabot sa dili pa moabot ang Mesiyas, aron mag-andam sa agianan sa Ginoo—

8 Oo, gani moadto siya ug magsangyaw sa kamingawan: aAndama ninyo ang agianan sa Ginoo, ug himoa nga tul-id ang iyang mga dalan; kay adunay usa nga magabarog taliwala kaninyo nga wala ninyo mailhi; ug siya labaw nga gamhanan kay kanako, kansang pakot sa sapatos ako dili takos sa pagbadbad. Ug daghan ang gipamulong sa akong amahan mahitungod niini nga butang.

9 Ug ang akong amahan miingon nga magbunyag siya didto sa aBethabara, unahan sa Jordan; ug miingon usab siya nga bmagbunyag siya pinaagi sa tubig; gani iyang bunyagan ang Mesiyas pinaagi sa tubig.

10 Ug human siya makabunyag sa Mesiyas pinaagi sa tubig, siya moila ug mopamatuod nga siya mibunyag sa aKordero sa Dios, kinsa magatangtang sa mga sala sa kalibotan.

11 Ug nahitabo human ang akong amahan makapamulong niini nga mga pulong namulong siya ngadto sa akong mga igsoong lalaki mahitungod sa ebanghelyo nga isangyaw taliwala sa mga Judeo, ug mahitungod usab sa apagkunhod sa mga Judeo ngadto sa bpagkawalay pagtuo. Ug human nga ilang cmapatay ang Mesiyas, kinsa moanhi, ug human siya mapatay, siya dmabanhaw gikan sa mga patay, ug mopakita sa iyang kaugalingon, pinaagi sa eEspiritu Santo, ngadto sa mga Hentil.

12 Oo, gani daghan og gipamulong ang akong amahan mahitungod sa mga Hentil, ug mahitungod usab sa balay ni Israel, nga sila itandi sama sa akahoy nga oliba, kansang mga sanga pagabalion ug bpagatibulaagon sa tibuok yuta.

13 Mao nga, miingon siya nga kinahanglan nga magiyahan kita nga magkahiusa ngadto sa ayuta nga saad, ngadto sa katumanan sa pulong sa Ginoo, nga kita pagatibulaagon sa tibuok yuta.

14 Ug human ang balay ni Israel matibulaag apundokon sila pag-usab; o, sa kataposan, human madawat sa mga bHentil ang kahingpitan sa Ebanghelyo, ang kinaiyanhon nga mga sanga sa ckahoy nga oliba, o ang mga salin sa balay ni Israel, masumbak, o makaila sa tinuod nga Mesiyas, nga ilang Ginoo ug ilang Manunubos.

15 Ug human niini nga matang sa pinulongan ang akong amahan nanagna ug namulong ngadto sa akong mga igsoong lalaki, ug daghan pa usab nga butang nga wala nako isulat niini nga basahon; kay ako daghan na og nasulat bahin niini nga angay alang kanako diha sa akong alain nga basahon.

16 Ug kining tanan nga butang, nga akong gipamulong, nahitabo samtang ang akong amahan nagpuyo sa tolda, sa walog sa Lemuel.

17 Ug nahitabo nga ako, si Nephi, human makadungog sa tanan nga apulong sa akong amahan, mahitungod sa mga butang nga iyang nakita sa bpanan-awon, ug sa mga butang usab nga iyang gipamulong pinaagi sa gahom sa Espiritu Santo, diin nga gahom iyang nadawat pinaagi sa iyang pagtuo sa Anak sa Dios—ug ang Anak sa Dios mao ang cMesiyas nga moabot—ako, si Nephi, nagmatinguhaon usab nga ako makakita, ug makadungog, ug masayod niini nga mga butang, pinaagi sa gahom sa dEspiritu Santo, nga mao ang gasa sa Dios ngadto sa tanan nga enagmakugihon sa pagpangita kaniya, ingon man sa fkaraang panahon hangtod sa panahon nga siya magpakita sa iyang kaugalingon ngadto sa mga anak sa mga tawo.

18 Kay siya asama ra kagahapon, karon, ug sa kahangtoran; ug ang agianan giandam alang sa tanan nga katawhan gikan pa sa katukoran sa kalibotan, kon sila maghinulsol ug moduol ngadto kaniya.

19 Kay siya nga magkugi sa pagpangita makakaplag; ug ang mga amisteryo sa Dios ipadayag ngadto kanila, pinaagi sa gahom sa bEspiritu Santo, niining mga panahona ug sa karaan usab, ug sa karaang mga panahon, ingon man sa mga panahon nga moabot; mao nga, ang cpamaagi sa Ginoo nagsubay sa usa ka mahangtorong agianan nga walay pagkausab.

20 Busa hinumdomi, O tawo, tungod sa tanan nimo nga binuhatan pagadad-on ikaw ngadto sa ahukmanan.

21 Mao nga, kon ikaw nagtinguha sa pagbuhat og daotan sa mga adlaw sa imong apagsulay, niana makita ikaw nga bhugaw atubangan sa hukmanan sa Dios; ug walay hugaw nga butang ang makapuyo uban sa Dios; mao nga, ikaw isalikway gayod sa kahangtoran.

22 Ug ang Espiritu Santo mihatag og pagtugot nga ako mamulong niini nga mga butang, ug dili molimod niini.