Ang Unang Basahon ni Nephi
Ang Iyang Paghari ug Pagpangalagad
Usa ka asoy mahitungod ni Lehi ug sa iyang asawa nga si Sariah, ug sa iyang upat ka anak nga lalaki nga ginganlan og, (sugod sa kamagulangan) Laman, Lemuel, Sam, ug Nephi. Ang Ginoo mipasidaan ni Lehi sa pagbiya sa yuta sa Jerusalem, tungod kay nanagna siya ngadto sa katawhan kabahin sa ilang kadaotan ug nagtinguha sila sa paghunos sa iyang kinabuhi. Miabot og tulo ka adlaw ang iyang panaw ngadto sa kamingawan uban sa iyang pamilya. Si Nephi midala sa iyang mga igsuong lalaki ug mibalik sa yuta sa Jerusalem sa pagkuha sa talaan sa mga Judeo. Ang asoy bahin sa ilang mga pag-antos. Sila nangasawa sa mga anak nga babaye ni Ishmael. Sila midala sa ilang mga pamilya ug mibiya padulong ngadto sa kamingawan. Ang ilang mga pag-antos ug mga kasakit sa kamingawan. Ang giagian sa ilang mga panaw. Nangabot sila sa kadagatan. Ang mga igsuong lalaki ni Nephi misupil batok kaniya. Siya misumpo kanila, ug mihimo og usa ka barko. Ginganlan nila ang dapit og Mabungahon. Mitabok sila sa kadagatan paingon sa gisaad nga yuta, ug uban pa. Kini sumala sa asoy ni Nephi; o sa laing pagkasulti, ako, si Nephi, ang misulat niini nga talaan.
Kapitulo 1
Si Nephi misugod sa paghimo sa talaan sa iyang katawhan—Nakita ni Lehi sa panan-awon ang usa ka haligi sa kalayo ug mibasa gikan sa libro sa panagna—Gidayeg niya ang Dios, gitagna ang pag-anhi sa Mesiyas, ug gitagna ang pagkalaglag sa Jerusalem—Siya gilutos sa mga Judeo. Mga 600 B.C.
1 Ako, si aNephi, tungod kay natawo sa bmatarong nga mga cginikanan, busa ako dgitudloan sa tanan nga nakat-onan sa akong amahan; ug tungod kay nakakita sa daghan nga ekasakit sa akong panahon, bisan pa niana, tungod kay ako gipangga gayod sa Ginoo sa tanan nakong panahon; oo, tungod kay ako adunay talagsaon nga kahibalo sa kaayo ug sa mga fmisteryo sa Dios, busa naghimo ako og gtalaan bahin sa akong gipanghimo sa akong panahon.
2 Oo, ako naghimo og talaan pinaagi sa apinulongan sa akong amahan nga naglangkob sa kinaadman sa mga Judeo ug sa pinulongan sa mga Ehiptohanon.
3 Ug ako nasayod nga ang talaan nga akong gihimo atinuod; ug ako mihimo niini sa kaugalingon nakong kamot; ug ako mihimo niini sumala sa akong kahibalo.
4 Kay nahitabo nga sa pagsugod sa aunang tuig sa paghari ni bSedekias nga hari sa Juda, (ang akong amahan, nga si Lehi, nga nakapuyo sa cJerusalem sa tanan niyang panahon); ug sa mao gihapon nga tuig adunay nangabot nga daghang dpropeta nga nanagna ngadto sa katawhan nga kinahanglan silang maghinulsol, o ang bantogan nga siyudad sa eJerusalem pagalaglagon gayod.
5 Mao nga nahitabo nga sa diha nga ang akong amahan, nga si aLehi, samtang nagpadayon, nag-ampo siya sa Ginoo, oo, gani sa tibuok niyang bkasingkasing, tungod ug alang sa iyang katawhan.
6 Ug nahitabo nga samtang nag-ampo siya sa Ginoo, adunay mitungha nga ahaligi sa kalayo ug mipundo ibabaw sa dakong bato diha sa iyang atubangan; ug daghan siya og nakita ug nadungog; ug tungod sa mga butang nga iyang nakita ug nadungog nangurog siya sa hilabihan.
7 Ug nahitabo nga mipauli siya sa kaugalingon niyang balay sa Jerusalem; ug gihagsa ang iyang kaugalingon diha sa iyang higdaanan, tungod kay agidaog sa Espiritu ug sa mga butang nga iyang nakita.
8 Ug tungod kay gidaog sa Espiritu, gidala siya sa usa ka apanan-awon, hangtod nga iyang nakita nga naabli ang bkalangitan, ug iyang nahinumdoman nga iyang nakita ang Dios nga naglingkod sa iyang trono, giliyokan sa dili maihap nga hut-ong sa mga anghel nga nanag-awit ug nanagdayeg sa ilang Dios.
9 Ug nahitabo nga nakakita siya og Usa nga mikunsad gikan sa taliwala sa langit, ug nakita niya nga ang iyang akasilaw labaw pa kay sa adlaw sa udtong tutok.
10 Ug nakakita usab siya og anapulog duha pa ka tawo nga nagsunod kaniya, ug ang ilang kahayag milabaw sa mga bitoon sa kawanangan.
11 Ug nanganaog sila ug nanglakaw sa ibabaw sa yuta; ug ang nag-una miduol ug mibarog atubangan sa akong amahan ug mihatag kaniya og abasahon, ug mihangyo kaniya nga iyang basahon.
12 Ug nahitabo nga samtang nagbasa siya, napuno siya sa aEspiritu sa Ginoo.
13 Ug mibasa siya, nga nag-ingon: Alaot, alaot, ang Jerusalem, kay akong nakita ang iyang apagkasalawayon! Oo, ug daghan nga butang ang nabasa sa akong amahan kabahin sa bJerusalem—nga kini pagalaglagon gayod, ingon man ang mga lumulupyo niini; daghan ang mamatay pinaagi sa espada ug daghan ang cmadala nga bihag ngadto sa Babilonia.
14 Ug nahitabo nga sa diha nga ang akong amahan nakabasa ug nakakita sa daghang mahinungdanon ug kahibulongan nga butang, nakapamulong siya og daghan nga butang ngadto sa Ginoo; sama sa: Mahinungdanon ug kahibulongan ang imong mga buhat, O Ginoong Dios nga Labing Makagagahom! Ang imong trono anaa ibabaw sa kalangitan, ug ang imong gahom, ug kamaayo, ug kaluoy anaa sa tanan nga lumulupyo sa yuta; ug, tungod kay ikaw maluluy-on, ikaw dili motugot nga kadtong kinsa amoduol nganha kanimo nga sila malaglag!
15 Ug sa ingon niini nga paagi gilitok sa akong amahan ang pagdayeg sa iyang Dios; kay ang iyang kalag nagmaya, ug ang iyang tibuok kasingkasing napuno, tungod sa mga butang nga iyang nakita, oo, nga gipadayag sa Ginoo ngadto kaniya.
16 Ug karon ako, si Nephi, dili mohimo og tibuok nga asoy sa mga butang nga gisulat sa akong amahan, kay siya misulat og daghang butang nga iyang nakita sa mga panan-awon ug mga damgo; ug misulat usab siya og daghang butang nga iyang agipanagna ug gipamulong ngadto sa iyang mga anak, diin ako dili mohimo og tibuok nga asoy.
17 Apan mohimo ako og usa ka asoy sa akong gipanghimo sa akong panahon. Tan-awa, naghimo ako og usa ka apagpamubo sa btalaan sa akong amahan, diha sa mga palid nga ako mismo ang naghimo pinaagi sa kaugalingon nakong mga kamot; mao nga, human nga akong napamubo ang talaan sa akong amahan mosulat ako og asoy bahin sa kaugalingon nakong kinabuhi.
18 Busa, ako nagtinguha nga kamo mahibalo, nga human ang Ginoo mipakita og daghan kaayong kahibulongan nga butang ngadto sa akong amahan, nga si Lehi, oo, kabahin sa apagkalaglag sa Jerusalem, tan-awa miadto siya sa katawhan, ug misugod sa bpagpanagna ug sa pagpahayag ngadto kanila mahitungod sa mga butang nga iyang nakita ug nadungog.
19 Ug nahitabo nga ang mga Judeo amibiaybiay kaniya tungod sa mga butang nga iyang gipamatuod mahitungod kanila; kay siya gayod misaksi mahitungod sa ilang pagkadaotan ug sa ilang pagkasalawayon; ug iyang gipamatuod nga ang mga butang nga iyang nakita ug nadungog, ug ang mga butang usab nga iyang nabasa sa basahon, dayag nga naghisgot bahin sa pag-anhi sa usa ka bMesiyas, ug sa katubsanan usab sa kalibotan.
20 Ug sa diha nga nadungog sa mga Judeo kini nga mga butang nasuko sila kaniya; oo, gani sama sa mga propeta sa karaang panahon nga ilang agisalikway, ug gibato, ug gipatay; ug nagtinguha usab sila sa iyang kinabuhi, nga sila mohunos niini. Apan tan-awa, ako, si Nephi, mopakita kaninyo nga ang malumo nga mga bkaluoy sa Ginoo anaa alang sa tanan nga iyang pinili tungod sa ilang pagtuo, aron mahimo silang lig-on hangtod nga makaangkon og gahom nga maluwas.