O Le Tusi Muamua a Nifae
O Lana Nofoaiga ma Auaunaga
O se tala ia Liae ma lana ava o Sarai, ma ona atalii e toafa, e igoa (e amata mai i le ulumatua) ia Lamana, Lemuelu, Sama, ma Nifae. Ua lapataia Liae e le Alii ia alu ese atu mai le laueleele o Ierusalema, ona sa vavalo atu o ia i tagata e uiga i lo latou amioletonu ma ua latou saili ai e faaumatia lona ola. Ua malaga atu o ia i le vao i aso e tolu faatasi ma lona aiga. Ua ave e Nifae ona uso ma foi atu i le laueleele o Ierusalema ina ia maua mai le talafaamaumau o tagata Iutaia. O le tala i o latou mafatiaga. Ua latou ave afafine o Isamaeli ma faiavā i ai. Ua latou ave o latou aiga ma o ese atu i le vao. O o latou mafatiaga ma puapuaga i le vao. O le ala na ui ai la latou malaga. Ua latou tau atu i vai tetele. Ua fouvale uso o Nifae ia te ia. Ua ia faafememeaiina i laua, ma fausia se vaa. Ua latou faaigoaina le nofoaga o Nuumau. Ua latou sopo atu i vai tetele i le laueleele na folafolaina, ma isi mea. O lenei ua tusa ai ma le tala a Nifae; po o i ni isi upu, o a’u, o Nifae, na tusia lenei tala.
Mataupu 1
Ua amata e Nifae le talafaamaumau o lona nuu—Ua vaai Liae i se afi faaniutu i se faaaliga vaaia ma ua faitau mai i se tusi o valoaga—Ua viia e ia le Atua, valoia le afio mai o le Mesia, ma valoia le faafanoga o Ierusalema—Ua sauaina o ia e tagata Iutaia. E tusa o le 600 T.L.M.
1 O a’u, o aNifae, na fanaua e ematua ilelei, o lea na oaoaoina ai lava a’u i le poto uma o lo’u tamā; ma ona ua ou vaai i upuapuaga e tele i le gasologa o o’u aso, ae ui i lea, sa alofagia tele a’u e le Alii i o’u aso uma; ioe, ona ua ou maua se malamalama tele o le agalelei ma fmealilo a le Atua, o lea ou te faia ai se gtalafaamaumau o a’u taualumaga i o’u aso.
2 Ioe, ou te faia se talafaamaumau i le agagana a lo’u tamā, ua faia i le poto o tagata Iutaia ma le gagana a tagata Aikupito.
3 Ma ua ou iloa ua amoni le talafaamaumau ua ou faia; ma ua ou tusia i lo’u lava lima; ma ua ou faia e tusa ma lo’u iloa.
4 Ma sa oo i le amataga o le atausaga muamua o le nofoaiga a eSetekaia, le tupu o Iuta, (sa nofo lo’u tamā, o Liae, i iIerusalema i ona aso uma); ma o lena lava tausaga na o mai ai operofeta e toatele, ma vavalo atu i tagata e faapea e ao ina latou salamo, po ua faaumatia le aai tele o uIerusalema.
5 O le mea lea, sa oo ina ua alu atu lo’u tamā, o aLiae, sa tatalo atu o ia i le Alii, ioe, ma lona eloto atoa lava, mo ona tagata.
6 Ma sa oo ina a’o tatalo atu o ia i le Alii, sa oo mai se afi afaaniutu ma ua nofo i luga o se papa i ona luma; ma sa vaaia ma faalogoina e ia mea e tele; ma ona o mea sa ia vaaia ma faalogoina, sa galulu ma gatete tele ai o ia.
7 Ma sa oo ina toe foi atu o ia i lona lava fale i Ierusalema; ma sa ia faapa’ū ifo ia lava i lona moega, ona ua alofituina o ia i le Agaga ma mea na ia vaaia.
8 Ma a’o faapea ona lofituina o ia i le Agaga, sa segia o ia i se afaaaliga vaaia, sa vaai ai lava o ia ua avanoa le elagi, ma sa manatu o ia sa vaai o ia i le Atua o afio i lona nofoalii, ua siosiomia i ’au agelu e lē mafaitaulia e foliga mai o pepese ma vivii atu i lo latou Atua.
9 Ma sa oo ina vaai atu o ia i se Toatasi ua afio ifo mai le taulotoaiga o le lagi, ma sa vaai o ia ua sili atu lona apupula nai lo le la i le aoauli.
10 Ma sa vaaia foi e ia ni isi e atoasefululua o mulimuli atu ia te ia, ma o lo latou pupula sa sili atu i lo fetu o le vanimonimo.
11 Ma sa latou afifio ifo ma aga’i atu i luga o le fogaeleele; ma sa afio mai lē na muamua ma tulai i luma o lo’u tamā, ma tuu mai ia te ia se atusi, ma fetalai mai ia te ia e tatau ona ia faitau i ai.
12 Ma sa oo ina a’o ia faitau, sa tumu o ia i le aAgaga o le Alii.
13 Ma sa faitau o ia, fai mai: Oi talofa, oi talofa, ia Ierusalema, aua ua Ou vaai i au amea inosia! Ioe, ma e tele mea sa faitau i ai lo’u tamā e uiga ia eIerusalema—e faapea o le a faaumatia, ma e o nonofo ai; e toatele o le a fano i le pelu, ma e toatele foi o le a iave faatagataotaua i Papelonia.
14 Ma sa oo ina ua uma ona faitau ma vaai lo’u tamā i le tele o mea tetele ma le ofoofogia, e tele mea sa alaga atu e ia i le Alii; e pei o le: Ua silisili ma ofoofogia au galuega, Le Alii e, le Atua Malosi Aoao! Ua maualugā i le lagi lou nofoalii, ma o lou mana, ma lou agalelei, ma lou alofa mutimutivale ua i ai i luga o e uma o nonofo i le lalolagi; ma, ona e te alofa mutimutivale, e te lē tuua i latou o e e ao mai ia te oe ia fano i latou!
15 Ma sa faapea le ituaiga o gagana a lo’u tamā i le viiga o lona Atua; ona sa olioli lona agaga, ma sa tumu lona loto atoa, ona o mea sa vaaia e ia, ioe, na faaali mai e le Alii ia te ia.
16 Ma o lenei, o a’u, o Nifae, ou te lē faia se tala atoa o mea ua tusia e lo’u tamā, ona ua tusia e ia le tele o mea sa ia vaaia i faaaliga ma miti; ma ua tusia foi e ia le tele o mea sa ia avavalo ma tautala atu ai i ana fanau, o le a ou lē faia i ai se tala atoa.
17 Ae o le a ou faia se tala i a’u taualumaga i o’u aso. Faauta, ou te faia se aotootoga o le etalafaamaumau a lo’u tamā, i luga o papatusi na ou faia i o’u lava lima; o le mea lea, a uma ona ou otooto o le talafaamaumau a lo’u tamā ona ou faia lea o se tala o lo’u lava olaga.
18 O lea, ou te manao ia outou iloa, ina ua uma ona faaali mai e le Alii i lo’u tamā, o Liae, le tele na’uā o mea ofoofogia, ioe, e uiga i le afaaumatiaga o Ierusalema, faauta, sa alu atu o ia i tagata, ma amata ona evavalo ma tautino atu ia te i latou e uiga i mea sa ia vaaia ma faalogoina.
19 Ma sa oo ina afaatauemu tagata Iutaia ia te ia ona o mea sa molimau atu ai o ia e uiga ia te i latou; ona sa moni ona molimau atu o ia i lo latou amioleaga ma a latou mea inosia; ma sa molimau atu o ia o mea sa ia vaaia ma faalogoina, ma mea foi sa ia faitauina i le tusi, ua faaali manino mai ai le afio mai o se eMesia, ma le togiolaina foi o le lalolagi.
20 Ma ina ua faalogo tagata Iutaia i nei mea sa latou feita ia te ia; ioe, e pei lava ona sa latou faia i perofeta anamua, o e na latou atutuliesea, ma fetogi i maa, ma fasioti; ma sa latou saili foi lona ola, ina ia latou aveeseina. Ae faauta, o a’u, o Nifae, o le a ou faaali atu ia te outou le i ai o le ealofa mutimutivale agamalu o le Alii i luga o i latou uma o e ua ia filifilia, ona o lo latou faatuatua, e faamalolosi tele ai i latou e oo lava i le mana e laveaiina ai.