25. Nimaʼ Jordan

Li Nimaʼ Jordan natikla chirix li Palaw re Galilea saʼ xnim li saqʼe, naʼok chi saʼ, ut chirix aʼan naxik saʼ xtzʼe li saqʼe toj saʼ li Palaw Kamenaq.

Kʼaʼru kikʼulman: Laj Lot kixsikʼ ru li helhookil chʼochʼ Jordan re taareechani (Gen. 13:10–11). Laj Josue kixjach ru li haʼ, re teʼnumeʼq laj Israelita toj saʼ li yeechiʼinbʼil chʼochʼ (Jos. 3:13–17; 4:1–9, 20–24). Laj Elias ut laj Eliseo keʼxjach ru li haʼ (2 Rey. 2:5–8, 12–14). Laj Nahaman kikʼirtesiik chirix li saqlep rix (2 Rey. 5:1–15). Laj Jwan aj Kubʼsihom Haʼ kixkubʼsi xhaʼ naabʼal li tenamit joʼ ajwiʼ li Kolonel (Mat. 3:1–6, 13–16). (Chiʼilmanq Kʼutul Raqal rehebʼ li Loqʼlaj Hu, “Jordan, li nimaʼ.”)