19. Cesarea ut li Helhookil Chʼochʼ Saron toj Karmelo

Yoo chi ilok saʼ xnim li saqʼe chiru li najteril hilobʼaal jukubʼ re Cesaria. Saʼ xtaaqeʼqil li jalam-uuch nekeʼkʼutun li tzuul re Karmelo.

Kʼaʼru kikʼulman: Laj Elias kixyal ribʼ rikʼinebʼ li bʼalaqʼil profeet re laj Bahal saʼ li Tzuul Karmelo (1 Rey. 18) Li Via Maris (Xbʼehil li Palaw), jun xnimal ru bʼe saʼ najter kutan, wan chirix Cesaria saʼ relebʼaal li saqʼe. Chirix jun li xnimal ru matkʼ saʼ Jope laj Pedro kixtikibʼ li kʼanjel saʼ xyanqebʼ laj Gentil rikʼin xtzolbʼal jun centurion aj Romano, aj Kornelio xkʼabʼaʼ, saʼ Cesaria (Hechos 10). Laj Felipe kijultikan aatin ut kiwan rochoch arin, ut keʼwan kaahibʼ lix rabʼin li keʼxye profeetil aatin (Hech. 8:40; 21:8–9). Laj Pablo kiwan chi preexil saʼ li tenamit chiru wiibʼ chihabʼ (Hechos 23–26). Aʼan kijultikan aatin chiru laj Felix, laj Festo, ut laj Herodes Agripa Ⅱ, li kixye, “kaʼchʼin chik ma nakaqʼunbeʼsi inchʼool chi ok choqʼ aj Kristiano” (Hech. 26:28).