A Tebechelel a Klaumerang
er a Ikelesia er a Jesus Kristo ra Uriul Klebesei el Santo

1 Aki oumerang er a Dios, el Edam er a diak a Ulebengelel Klengar, me a Ngelekel el Jesus Kristo, me Edaol Reng.

2 Aki oumerang el kmo a rechad a mobals el kirel a kngterir, ng diak el telmellel a Adam.

3 Aki oumerang el kmo ngokiu a Tngakireng ra Kristo, ea rechad el rokui a sebechir el mo suobel, lokiu a otireklel a llach ma ruoll el ngar er a osischeklel a Evangelio.

4 Aki oumerang el kmo a kot el ngaruchei el llechul ma ruoll ra Evangkelio aika kid: kot, Klaumerang er a Rubak el Jesus Kristo; ongerung, Ouuchel el reng; ongedei, Techolb el mo modulb el kirel a ngbetel a klengit; ongeuang, Lomor er a chim a sengk er a Edaol Reng.

5 Aki oumerang el kmo a chad a kirel mo mokedong er a Dios, lokiu a ulaoch, me a lomor er a chim tirke el oba klisiich, el mo omerk er a Evangelio e omtebechel e meruul aikel ruoll.

6 Aki oumerang er se el di osisiu el teletael el mla er ngii er a Ikelesia, era ngara mong, el mla er a ngii er a reapostol, me a reprofet, me a repastor, me a resensei, me a evangelists, me a lmuut el bebil.

7 Aki oumerang er a sengk er a omelekoi, me a ulaoch, me a ocholt, me a ues, me a klisiich lomekungil, me a oidel a tekoi, me a lmuut el bebil.

8 Aki oumerang er a Biblia el kmo ng tekingel a Dios se el otireklii a malmalt loidel; aki dirrek l oumerang el kmo a Babier er a Mormon meng tekingel a Dios.

9 Aki oumerang aikel rokui el bla locholt a Dios, me a aikel rokui el olecholt er chelchang, aki dirrek loumerang el kmo a ngii a dirk mo olecholt a betok el meklou e okedeldaol tekoi el kirel a Rengedel a Dios.

10 Aki oumerang er a mei el eldellel a klechad era Israel me a okisel aikel Teruich el Kebliil; me a Zion (el ngii a Beches el Jerusalem) a mo mekiis el mo dechor er a chutem er a Merikel; me a Kristo el ngii a mo mengedereder er a beluulechad, me a beluulechad a mo mukbeches e mo er ngii a klebkellel a paradis.

11 Aki mengerchir er a llemalt er a omengull er a tkul er a Bab el Dios el oltirakl a rengmam, e dirrek el kongei er a uaisei el techall el mo er a rokui el chad, me bol sebechir el ngar er se el sorir el teletael, me a sorir el basio, e longull er a se el sorir.

12 Aki oumerang el kmo aki chederdall er a reking, me a represident, me a remerredel, me a remagistret, e olngesenges, e mengull, e omekerreu a llach.

13 Aki oumerang el kmo ng kiram el meruul a llemalt, me a klemerang, me a kldung, me a blekokeuii, me a klikiid, me a omeruul klungiaol el mo er a rokui el chad; klemerang, e aki sebechemam el kmo aki oltirakl er a omellach er a Paulos—Aki oumerang a rokui, aki mengiil a rokui, aki mla outekangel a rokui el tekoi, e mengiil el mo sebechemam lotekangel a rokui el tekoi. Alsekum ngar ngii a kldung, me a klamiokel, me a lechub eng ungil tekoi me a lechub eng odengesall, e a ika kid el tekoi aki mosiik.