Regras di Fé
di Igreja di Jezus Kristu di Santus di Últimus Dias

1 Nu ta kridita na Deus, Pai Itérnu, y na Si Fidju, Jezus Kristu, y na Spíritu Santu.

2 Nu ta kridita ma ómis ta ser punidu pa ses própi pekadu, y non pa transgrison di Adon.

3 Nu ta kridita ma pur meiu di Spiason di Kristu, tudu umanidadi podi ser salvu, pa obidiénsia a leis y ordenansas di Ivanjélhu.

4 Nu ta kridita ma prumerus prinsípius y ordenansas di Ivanjélhu é: prumeru, Fé na Sinhor Jezus Kristu; sugundu, Rapendimentu; tirseru, Batismu pa imerson pa rimison di pekadus; kuartu, Inpuzison di mô pa don di Spiritu Santu.

5 Nu ta kridita ma un ómi debi ser txomadu pa Deus, pa prufesia, y pa inpuzison di mo pa kenha ki ten autoridadi, pa prega Ivanjélhu y pa adiministra si ordenansas.

6 Nu ta kridita na mésmu organizason ki ta izistiba na Igreja Primitivu, nomiadamenti, apóstulus, prufétas, pastoris, profesores, ivanjelistas, etc.

7 Nu ta kridita na don di línguas, prufesia, rivelason, vizons, kura, intirpretason di línguas, etc.

8 Nu ta kridita ma Biblia é palavra di Deus désdi k’e sta traduzidu kuretamenti; tanbe nu ta kridita ma Livru di Mórmon é palavra di Deus.

9 Nu ta kridita na tudu ki Deus dja rivela, na tudu ki El sta ta rivela gósi, y nu ta kridita ma inda El ta rivela txeu kuzas grandi y inpurtanti sobri Reinu di Deus.

10 Nu ta kridita na koligason literal di Israel y na ristorason di Dés Tribus; ma Sion (Novu Jeruzalén) ta ser konstruídu na kontinenti Amerikanu; ma Kristu ta ben reina psualmenti na téra; y, ma téra ta ser rinovadu y ta resebi si glória paradizíaku.

11 Nu ta reivindika privilégiu di adora Deus Tudu-Puderozu di akordu ku nos própri konsiénsia y nu ta da tudu ómi es mésmu privilégiu, p’es adora modi, undi ô kuzé k’es kre.

12 Nu ta kridita na submison a reis, prizidentis, governantis, majistradus, na obidesi, onra y apoia lei.

13 Nu ta kridita na ser onestu, verdaderu, kastu, binivolenti, virtuozu, y na fazi ben pa tudu ómi; na rialidadi, nu podi fla ma nu ta sigi admuestason di Paulu — Nu ta kridita na tudu kuza, nu ta spera na tudu kuza, dja nu suporta txeu kuza, y nu ta spera ma nu ta ser kapás di suporta tudu kuza. Si tiver kalker kuza virtuozu, amável, di bon fama ô louvável nu ta prukura-s.