Hohepa Mete: He Poropiti nō te Atua

I a Hohepa Mete e 14 ōna tau, he hiahia nōna kia mōhio ai ko tēhea te hāhi hei whakaurunga mōna, nā reira i pātaihia e ia te Atua mā te karakia mārie. Hei urupare i tana karakia, ka puta mai a te Atua Matua me Tana Tamaiti a Ihu Karaiti ki a Hohepa me te kī atu ki a ia kāore te Hāhi o Ihu Karaiti e tū nei ki tēnei ao, ā kua whiria a Hohepa e rāua kia whakahokia mai taua hāhi.

Mai taua rā, i whakapau werawera a Hohepa i ngā mahi a te Atua kia whakatū ai i Te Hāhi o Ihu Karaiti o Te Hunga Tapu me te whakakaha ake i tō te Atua kīngitanga i runga i te ao i ngā rā o muri nei. E whakaatu atu ana ngā mema whakapono o te Hāhi ko Ihu Karaiti te Kaiwhakaora me te Kaiwhakamārie o te ao. E arahia ana Tōna Hāhi e Ihu mā te whakakitenga ki tētahi poropiti i runga i te ao. Ko Hohepa Mete tētahi o ēnei poropiti. Ahakoa ngā tini mahi i tutuki i a Hohepa i tōna oranga, ko te mea nui ko tana ūtanga hei pononga, hei kaiwhakaatu hoki o Ihu Karaiti. Nāna i tuhi “Ahakoa rā he maha ngā whakaaturanga kua oti noa te whakaatu Mōna, ko tēnei te mutunga o ngā whakaaturanga katoa te hoatu nei e māua mōna: kei te ora Ia!” (Ngā Kawenata me ngā Whakahaunga 76:22).

Ko ngā mea e pupuri ana i tā te Poropiti e whakaatu mai ai mā te Wairua Tapu ka mōhio i te pono o te mahi i karangatia a ia. Ka mōhio anō hoki rātou i te āio me te koa e takea mai ana i a te Kaiwhakaora a Ihu Karaiti, nāna a Hohepa Mete i whakamoemiti, nāna anō i whakamahi.