Տերը ցրեց Իսրայելի տունը, քանի որ նրանք կարծրացրել էին իրենց սրտերը Նրա դեմ, բայց Նա խոստացավ, որ նրանք կհավաքվեն վերջին օրերին: Մորմոնի Գրքի մարգարեությունները հստակեցնում են, որ երկար սպասված հավաքումը սկսվել է: Եկեղեցու անդամները պատասխանատվություն ունեն օրհնելու աշխարհի ընտանիքներին՝ կիսվելով Հիսուս Քրրիստոսի ավետարանով:
Ընթերցանության օժանդակ նյութեր
Russell M. Nelson, “The Gathering of Scattered Israel,” Ensign կամ Լիահոնա, Nov. 2006, 79–82։
C. Scott Grow, “The Book of Mormon, the Instrument to Gather Scattered Israel,” Ensign կամ Լիահոնա, Nov. 2005, 33–35։
Հրավիրեք որևէ ուսանողի, ով նոր է միացել Եկեղեցուն կամ օգնել է մեկ ուրիշին՝ միանալ, կիսվել իր փորձառությամբ: Քաջալերեք ուսանողներին մտածել իրենց ծանոթներից որևէ մեկի մասին, ով հնարավոր է պատրաստ է ավետարանի ուղերձը լսելուն: Խնդրեք ուսանողներին այսօրվա դասի ընթացքում փնտրել ավետարանի ճշմարտություններ, որոնք կքաջալերեն նրանց և կօգնեն՝ մարդկանց հետ ավետարանով կիսվելու նրանց ջանքերում:
Խնդրեք ուսանողներին կարդալ 1 Նեփի 22.3–5 հատվածները և տեսնել, թե ինչ էր մարգարեացել Նեփին Իսրայելի տան վերաբերյալ:
Ի՞նչ է դա նշանակում, որ Իսրայելի տունը «ցրվել է»:
Բացատրեք, որ Իսրայելի տան ցրվելը կարևոր թեմա էր Նեփիի համար, քանի որ նրա ընտանիքը այդ ցրման մի մասնիկն էր: Նրանք ցրվել էին դեպի Ամերիկաներ Երուսաղեմից, Հուդայի երկրի ժողովրդի ամբարշտության պատճառով:
Ասացեք ուսանողներին, որ Մորմոնի Գրքի շատ մարգարեություններ մխիթարող հավաստիացում են պարունակում, որ վերջին օրերում Իսրայելի տունը նորից հավաքվելու է: Գրատախտակին գրեք հետևյալ հղումները և յուրաքանչյուր ուսանողի հանձնարարեք կարդալ հատվածներից մեկը: Հետևեք, որ բոլոր հատվածները կարդացվեն: Խնդրեք ուսանողներին փնտրել, թե ինչ պետք է սովորեն և անեն անհատները, որպեսզի հավաքվեն Իսրայելի տան հետ:
Որո՞նք են այն բաները, որ անհատները պետք է սովորեն և անեն, որպեսզի հավաքվեն Իսրայելի տան հետ: (Ուսանողների կողմից կարող են նշվել մի քանի ճշմարտություններ, ներառյալ հետևյալը. Տերը հավաքում է Իսրայելի տան անդամներին, երբ նրանք հավատում են Նրան, ապաշխարում են և գալիս են Նրա մոտ:)
Որպեսզի օգնեք ուսանողներին ավելի լավ հասկանալ այս ճշմարտությունը, կարող եք կարդալ Տասներկու Առաքյալների Քվորումից Երեց Բրյուս Ռ․ Մակքոնկիի (1915–1985) հետևյալ խոսքը.
Նկար
Երեց Բրուս Ռ. Մակքոնկի
«Ինչո՞ւ ցրվեց Իսրայելը: Պատասխանը պարզ է. այն հասարակ է և դրա վերաբերյալ կասկած չկա: Մեր իսրայելացի նախնիները ցրվեցին, քանի որ նրանք մերժեցին ավետարանը, պղծեցին քահանայությունը, լքեցին եկեղեցին և հեռացան թագավորությունից: …
Ապա ի՞նչ է ներգրավվում Իսրայելի հավաքումը: Իսրայելի հավաքումը բաղկացած է հավատալուց և ընդունելուց և ներդաշնակության մեջ ապրելուց այն ամենի հետ, որ Տերը մի անգամ առաջարկել է իր ընտրյալ ժողովրդին վաղ ժամանակներում: … Այն բաղկացած է ավետարանին հավատալուց, Եկեղեցուն միանալուց և դեպի թագավորություն գալուց: … Այն կարող է բաղկացած լինել նաև հավաքվելուց մի նշանակված վայրում կամ երկրպագության երկրում» (A New Witness for the Articles of Faith [1985], 515):
Ըստ Երեց Մակքոնկիի՝ անձը ի՞նչ պետք է անի, որպեսզի հավաքվի Իսրայելի տանը:
Հրավիրեք ուսանողներին մտածել, թե անձամբ իրենք ինչպես են հավաքվել Իսրայելի տանը, երբ հավատացել են Փրկիչին, ապաշխարել են և եկել են Նրա մոտ:
Վերջին օրերին Եկեղեցու անդամները կտարածեն ավետարանը երկրի բոլոր ընտանիքներին
Հիշեցրեք ուսանողներին, որ Լեքին որպես փոխաբերություն օգտագործել է ձիթենին՝ որպեսզի սովորեցնի իր ընտանիքին Իսրայելի ցրման և հավաքման մասին (տես 1 Նեփի 10.12–14): Լամանն ու Լեմուելը ասացին Նեփիին, որ նրանք չեն կարողանում հասկանալ իրենց հայրերի ուսմունքների նշանակությունը (տես 1 Նեփի 15.7):
Խնդրեք մի քանի ուսանողների հերթով բարձրաձայն կարդալ 1 Նեփի 15.12–16 հատվածները: Հրավիրեք դասարանին տեսնել, թե մենք ինչ կարող ենք սովորել Նեփիի բացատրությունից Իսրայելի տան վերաբերյալ:
Ինչպե՞ս է ձիթենու փոխաբերությունն օգնում մեզ հասկանալ Իսրայելի ցրումն ու հավաքումը:
Համաձայն 13 հատվածի, ո՞վ կտա ավետարանի լրիվությունը Լեքիի սերնդի մնացորդին: (Հեթանոսները, ովքեր ստացել էին ավետարանի լրիվությունը):
Բացատրեք ուսանողներին, որ Մորմոնի Գրքում հեթանոսներ բառը սովորաբար վերաբերում է նրանց, ովքեր Հուդայի ցեղից չեն կամ Հուդայի երկրից: Մորմոնի Գիրքը պարունակում է մարգարեություններ, որ վերջին օրերին որոշ հեթանոսները կստանան ավետարանի լրիվությունը (տես 1 Նեփի 15.13) և կդառնան Քրիստոսի Եկեղեցու անդամները: Մորմոնի Գրքի մարգարեներն ուսուցանում են, որ այդ հեթանոսները կունենան պատասխանատվություն՝ ավետարանը հայտնելու ողջ երկրին:
Որպեսզի օգնեք ուսանողներին հասկանալ հեթանոս բառի սահմանումը, ցուցադրեք և կարդացեք Երեց Բրյուս Ռ. Մակքոնկիի հետևյալ բացատրությունը.
Նկար
Երեց Բրուս Ռ. Մակքոնկի
«Մինչ այժմ մենք հրեա ենք համարել և [նրանց, ովքեր ապրել են] Հուդայի թագավորությունում, և նրանց անմիջական ժառանգներին: … Եվ մենք արդեն ասել ենք, որ տերմինների այս օգտագործմամբ մյուս բոլոր մարդիկ հեթանոսներ են, ներառյալ Իսրայելի թագավորության կորած և ցրված մնացորդները: … Այսպիսով Ջոզեֆ Սմիթը՝ Եփրեմի ցեղից, … հեթանոս էր, ում ձեռքով Մորմոնի Գիրքը առաջ եկավ, և Հիսուս Քրիստոսի Վերջին Օրերի Սրբերի Եկեղեցու անդամները … հեթանոսներ են, ովքեր փրկություն են բերում լամանացիներին և հրեաներին» (The Millennial Messiah [1982], 233)։
Խնդրեք մի քանի ուսանողների հերթով կարդալ 1 Նեփի 22.8-12 հատվածները, մինչ դասարանը կգտնի այն մարդկանց, ովքեր կօրհնվեն և կսնուցվեն հեթանոսների (Եկեղեցու անդամների) կողմից վերջին օրերում: Երբ ուսանողները կարդան, օգտակար կլինի բացատրել, որ «մերկացնել իր բազուկը բոլոր ազգերի աչքերի առջև» 10-11 հատվածներում վերաբերում է նրան, որ Տերը ցույց է տալու Իր զորությունը ամբողջ աշխարհին:
Ովքե՞ր են օրհնվելու և սնուցվելու հեթանոսների կողմից վերջին օրերում: (Լեքիի սերունդը, ամբողջ Իսրայելի տունը և «երկրի բոլոր ցեղերը»):
Համաձայն 9-11 հատվածների՝ ինչպե՞ս է Տերը օրհնելու երկրի «ցեղերը» (ընտանիքները) վերջին օրերում: (Օգնեք ուսանողներին բացահայտել հետևյալ ճշմարտությունը. Վերջին օրերում Տերը կաշխատի Իր Եկեղեցու անդամների միջոցով՝ օրհնելու երկրի ընտանիքներին Իր ավետարանով և ուխտերով:)
Ցուցադրեք Տասներկու Առաքյալների Քվորումից Երեց Ռասսել Մ․ Նելսոնի հետևյալ խոսքը և հրավիրեք որևէ ուսանողի բարձրաձայն կարդալ այն.
Նկար
Երեց Ռասսել Մ. Նելսոն
«Մերն է պարտականությունը՝ նպաստել Աբրահամյան ուխտի իրականացմանը: Մենք ենք այն սերունդը, որը նախասահմանված և պատրաստված է օրհնելու աշխարհի բոլոր մարդկանց: … Ակնկալիքների ու պատրաստության 4000 տարիներ անց՝ սա է նշանակված օրը, երբ ավետարանը պետք է տարվի երկրի ցեղերին: Սա է ժամանակը Իսրայելի խոստացված հավաքման: Եվ մենք պետք է մասնակցենք: Արդյոք դա հրաշալի չէ՞: Տերն ապավինում է մեզ և մեր որդիներին, և Նա խորապես երախտապարտ է մեր դուստրերի համար, ովքեր արժանիորեն ծառայում են որպես միսիոներներ Իսրայելի հավաքման այս մեծ ժամանակաշրջանում» («Ուխտեր», Ensign կամ Լիահոնա, նոյ. 2011, 88):
Ձեր կարծիքով, ի՞նչ են զգում նրանք, ովքեր հավաքված են (նորադարձները) նրանց հանդեպ, ովքեր հավաքում են իրենց՝ (նրանց, ովքեր կիսվել են ավետարանով իրենց հետ):
Ի՞նչ եղանակներով մենք կարող ենք մասնակից լինել Աստծո աշխատանքին՝ կիսվելով ավետարանով երկրի ընտանիքների հետ:
Հրավիրեք ուսանողներին մտքում կարդալ 3 Նեփի 21․1–7 հատվածները և ուշադրություն դարձնել այն նշանին, որն ազդարարում է վերջին օրերում Իսրայելի հավաքումը:
Փրկիչն ասել է «այս բաները, որոնք ես հայտարարում եմ ձեզ» (2 հատվածում): Որտե՞ղ էին արձանագրվել նեփիացիներին ուղղված Նրա խոսքերը: (Մորմոնի Գրքում։)
Ո՞րն է նշանը, որն ազդարարում է վերջին օրերում Իսրայելի հավաքման սկիզբը: (Ուսանողները պետք է բացահայտեն հետևյալ ճշմարտությունը. Մորմոնի Գրքի ի հայտ գալը նշան է, որ Աստված իրականացնում է Իր ուխտը՝ Իսրայելի հավաքումը վերջին օրերում:)
Ուսանողներից մեկին խնդրեք բարձրաձայն կարդալ 3 Նեփի 16.4–5 հատվածները և խնդրեք դասարանին փնտրել Մորմոնի Գրքի և ավետարանի ուղերձի ազդեցությունները վերջին օրերում:
Ինչպե՞ս է Մորմոնի Գիրքը օգնում իրականացնել Աստծո ժողովրդի հավաքումը վերջին օրերում: (Ուսանողների կողմից նշվող ճշմարտություններից մեկը կարող է լինել հետևյալը. Մորմոնի Գիրքը օգնում է մարդկանց ճանաչել Քավիչին, այնպես որ նրանք կարողանան հավաքվել Նրա հետ:)
Հանձնարարեք ուսանողներից մեկին բարձրաձայն կարդալ Նախագահ Ռասսել Մ. Նելսոնի հետևյալ խոսքը: Խնդրեք ուսանողներին լսել, թե որն է Մորմոնի Գրքի դերը Իսրայելի հավաքման գործում։
Նկար
Երեց Ռասսել Մ. Նելսոն
«Մորմոնի Գրքի ի հայտ գալը մի նշան է ամբողջ աշխարհին, որ Տերը սկսել է հավաքել Իսրայելը և կատարել ուխտերը, որոնք Նա արել է Աբրահամին, Իսահակին և Հակոբին: Մենք ոչ միայն ուսուցանում ենք այս վարդապետությունը, այլ նաև մասնակցում դրան: Մենք անում ենք դա, երբ օգնում ենք հավաքել Տիրոջ ընտրյալներին վարագույրի երկու կողմերում:
Մորմոնի Գիրքը կենտրոնական դեր ունի այս գործում: Այն հայտարարում է հավաքման վարդապետությունը: Այն նպաստում է, որ մարդիկ սովորեն Հիսուս Քրիստոսի մասին, հավատան Նրա ավետարանին և միանան Նրա Եկեղեցուն: Ի դեպ, եթե չլիներ Մորմոնի Գիրքը, Իսրայելի խոստացված հավաքումը տեղի չէր ունենա» (“The Gathering of Scattered Israel,” Ensign կամ Լիահոնա, նոյ. 2006, 80):
Խնդրեք ուսանողներին կիսվել որևէ փորձառությամբ, երբ տեսել են, թե ինչպես է Մորմոնի Գիրքը օգնում մյուս մարդկանց սովորել Հիսուս Քրիստոսի մասին և հավաքվել Իր Եկեղեցում:
Հորդորեք ուսանողներին օգնել Իսրայելի հավաքման գործում՝ կիսվելով Մորմոնի Գրքով մեկի հետ, ով մեր հավատքից չէ: