Mga Kapanguhaan alang sa Pagpangalagad uban sa Gipalig-on nga mga Korum sa Melchizedek nga Pagkapari ug mga Relief Society

Kini nga mga kapanguhaan moabag sa mga lider samtang mangandam sila sa paghatag og instruksyon ug samtang mangulo sila sa mga diskusyon diha sa mga konseho sa area, mga coordinating council, mga komperensya sa stake, mga konseho sa stake, mga konseho sa ward, ug mga leksyon sa Dominggo.

Mga Sugyot alang sa Paggamit Niini nga mga Kapanguhaan

Sa usa ka miting sa konseho, ang mga lider mahimong magsugod sa diskusyon sa mga kausaban nga gipahibalo atol sa Abril 2018 nga kinatibuk-ang komperensya pinaagi sa pagbasa sa pasiuna nga seksyon sa gipasukip nga gilakip uban sa sulat sa Unang Kapangulohan niadtong Abril 2, 2018, “Ministering with Strengthened Melchizedek Priesthood Quorums and Relief Societies [Pagpangalagad uban sa Gipalig-on nga mga Korum sa Melchizedek nga Pagkapari ug mga Relief Society]” (tan-awa sa ministering.ChurchofJesusChrist.org).

Ang mga sakop sa konseho pwede usab nga motan-aw ug maghisgot sa video nga A Vision of Ministering [Usa ka Panan-awon sa Pagpangalagad] (tan-awa sa “Mga Video” diha sa ubos). Dugang nga mga video ug ubang mga kapanguhaan ang gihatag aron mapalawman pa kini nga diskusyon ug mahimong magamit alang sa umaabut nga mga miting sa konseho o sa ubang mga panagpundok. Ang matag segment diha sa Effective Ministering [Epektibong Pagpangalagad] nga video gisundan og usa ka pangutana nga pweding mahisgutan sa grupo.

Mga Video

Ang mosunod nga mga video naglakip og mga kinutlo gikan sa Abril 2018 nga kinatibuk-ang komperensya ug gikan sa mga miting sa pagpangulo sa kinatibuk-ang komperensya uban sa mga General Authority, mga Area Seventy, ug mga Kinatibuk-ang Opisyales.

A Vision of Ministering [Usa ka Panan-awon sa Pagpangalagad] (4:41)

Effective Ministering [Epektibong Pagpangalagad] (15:01) naglangkob sa mosunod nga mga segment:

1. “Why We Minister [Nganong Mangalagad man Kita]” (2:43). Pangutana: Nganong mangalagad man kita?

2. “Simple, Individualized, and Led by the Spirit [Yano, Tinagsa-tagsa, ug Giniyahan sa Espiritu]” (2:20). Pangutana:Unsaon man nato sa pagpayano sa atong mga paningkamot ug magiyahan sa Espiritu?

3. “Overview of Ministering Interviews [Kinatibuk-ang Pagpasabut sa mga Interbyu sa Pagpangalagad]” (3:53). Pangutana: Sa unsang paagi ang epektibong mga interbyu sa pagpangalagad makapanalangin sa mga indibidwal ug mga pamilya?

4. “One Coordinated Effort [Gihiusa nga Paningkamot]” (2:49). Pangutana: Sa unsang paagi ang gihiusa nga paningkamot makatabang kanato sa pag-atiman sa tanang anak sa Dios?

5. “Invitation to Act [Imbitasyon sa Paglihok]” (3:24). Pangutana: Sa unsang paagi nga mas momaayo pa ang atong pag-implementar sa panan-awon sa pagpangalagad nga gihatag sa Unang Kapangulohan ug sa Korum sa Napulog Duha ka mga Apostoles?

Ministering Interviews [Mga Interbyu sa Pagpangalagad] (19:18)

Mga Pakisayran sa Kasulatan

Mateo 10:39; 22:37–39; Lucas 22:32; Juan 10:11; 13:34; 21:15–16; Mga Taga-Galacia 5:13; Mosiah 23:18; Doktrina ug mga Pakigsaad 20:51–53

Dugang nga mga Kapanguhaan

• Ang mga isyu sa Mayo 2018 nga Liahona ug Ensign nga mga magasin ug ang comefollowme.ChurchofJesusChrist.org naghatag og mga kapanguhaan nga magamit sa ikaupat nga Dominggo nga mga diskusyon mahitungod sa pagpangalagad diha sa mga miting sa korum sa mga elder ug sa Relief Society.

• Dugang nga impormasyon, nga giulohan og “Mga Baruganan sa Pagpangalagad,” ilakip na unya sa umaabut nga mga isyu sa Liahona ug Ensign.