Մատթեոս 15․1-9

«Արդյո՞ք ինչու էք Աստուծոյ պատուիրանքը զանց անում ձեր աւանդութեան համար»:

Երբ դպիրները և փարիսեցիները հարցրին Հիսուսի աշակերտներին, թե նրանք ինչու չէին հետևում իրենց ավանդույթներին, Փրկիչը պատասխանեց՝ կշտամբելով նրանց, ովքեր օգտագործում են ավանդույթը որպես Աստծո պատվիրանները խախտելու պատրվակ: Այս դասը կարող է օգնել ձեզ որոշել, թե ձեր ավանդույթներից որոնք են օգնում ձեզ ավելի շատ նմանվել Հիսուս Քրիստոսին, իսկ որ ավանդույթներն են բաժանում ձեզ Նրանից:

Հասկացեք սուրբ գրությունների համատեքստը Համատեքստն իր մեջ ներառում է այն իրավիճակները, որոնք շրջապատում են կամ տալիս են սուրբ գրությունների որոշակի հատվածի կամ պատմության նախապատմությունը։ Համատեքստը կարող է օգնել ուսանողներին ավելի լավ հասկանալ սուրբ գրությունների պատմությունները, ուսմունքները, վարդապետությունը և սկզբունքները։

Ուսանողի պատրաստում. Ուսանողներին խնդրեք մտածել իրենց ավանդույթների մասին կամ իրենց «համոզմունքների և գործելակերպերի մասին, որոնք փոխանցվում են սերունեսերունդ» (Սուրբ գրքերի ուղեցույց, « Ավանդույթներ », ChurchofJesusChrist.org կայքում), և թե ինչու են նրանք հետևում դրանց: Ուսանողների համար կարող է օգտակար լինել իրենց ընտանիքներին ընդգրկել պատրաստման այս վարժության մեջ:

Հնարավոր ուսումնական վարժություններ

Ավանդույթներ

Նկատի ունեցեք, որ ավանդույթները կարող են նուրբ թեմա լինել: Որոշ ուսանողներ կարող են ուժեղ զգացմունքներ ունենալ ավանդույթները պահելու անհրաժեշտության վերաբերյալ: Աղոթեք, որպեսզի օգնություն ստանաք այս գաղափարն ուսուցանելիս: Իր Սուրբ Հոգու միջոցով Երկնային Հայրը կարող է առաջնորդել ուսանողներին, որպեսզի նրանք ավելի ապահով զգան իրենց՝ ավետարանի չափանիշների համատեքստում իրենց ավանդույթները գնահատելիս:

Ընթերցեք հետևյալ սցենարները:

Անհրաժեշտության դեպքում կարող եք հարմարեցնել հետևյալ ավանդույթները, որպեսզի դրանք ավելի համապատասխան լինեն ուսանողների համար: Որպես այլընտրանք, ուսանողները կարող են կիսվել իրենց ընտանեկան ավանդույթներով կամ ընդհանուր ավանդույթներով, որոնք ընդունված են իրենց տարածաշրջանում:

• Երիտասարդ կնոջ ընտանիքը կրթությանը շատ լուրջ վերաբերվելու ավանդույթ ունի: Նրանից գերազանց արդյունքներ են սպասում վարժությունների և ստուգարքների ժամանակ:

• Սերնդից սերունդ երիտասարդ տղամարդու ընտանիքը փոխանցել է ամեն առավոտ և իրիկուն աղոթելու առաջնահերթությունը:

• Շուտով կկայանա մի երեկույթ, որտեղ բազմաթիվ աղջիկներ պատրաստվում են անհամեստ զգեստներ կրել: Երիտասարդ կինը պետք է որոշի, թե ինչպես է հագնվի այդ առիթի համար:

• Երկար տարիներ ծխի երիտասարդներից շատերը անկեղծ չէին Կիրակնօրյա դպրոցի դասերին հաճախելիս: Նրանք դասից ուշանում էին, ուշադիր չէին և հեռախոսով հաղորդագրություններ էին ուղարկում կամ խաղեր խաղում դասի ժամանակ:

• Մի դպրոցում ավելի բարձր կուրսերի ուսանողների համար ավանդույթ է դարձել ծաղրել նորեկներին:

Պատասխանեք նախորդ սցենարներին վերաբերող հետևյալ հարցերին:

• Ձեր կարծիքով, ինչո՞ւ են մեր ավանդույթները կարևոր:

• Ինչպե՞ս կարող են ավանդույթներն ազդել Հիսուս Քրիստոսին ավելի շատ նմանվելու մեր ունակության վրա:

• Ինչո՞ւ ինչ-որ մեկի համար կարող է դժվար լինել գնահատել իր ավանդույթները կամ փոխել անպատշաճ ավանդույթները:

Այս դասն ուսումնասիրելիս դուք կսովորեք Հիսուս Քրիստոսի՝ ավանդույթների մասին ուսմունքներից մի քանիսը: Ավանդույթները «համոզմունքներ և գործելակերպեր են, որոնք փոխանցվում են սերնդեսերունդ» (Guide to the Scriptures, “ Traditions ,” ChurchofJesusChrist.org): Ձեր օրագրում թվարկեք ձեր կյանքից մի քանի ավանդույթներ:

Փրկիչի ուսմունքները ավանդույթների մասին

Որպեսզի ցուցադրեք սուրբ գրությունների համատեքստի կարևորությունը, ժամանակի առկայության դեպքում կարող եք ուսանողներին առաջարկել սկզբում կարդալ Մատթեոս 15.1-9-ը՝ առանց հետևյալ համատեքստային հուշումների: Այնուհետև ուսանողներին տվեք հետևյալ համատեքստային բացատրությունը և առաջարկեք նրանց նորից կարդալ նույն մասը՝ նկատելով, թե համատեքստն ինչպես է փոխում ընկալումը:

Որպեսզի ուսանողները հասկանան, թե Փրկիչն ինչ էր ուսուցանում, օգտակար կլինի իմանալ Մատթեոս 15 գլխի համատեքստը կամ նախապատմությունը:

Կարող եք բացատրել կամ ցուցադրել հետևյալ համատեքստային հուշումները:

Համատեքստային հուշում Մատթեոս 15 գլխի համար. Փրկիչի ժամանակներում հրեա առաջնորդներն ուսուցանում էին Մովսեսի գրված օրենքը, ինչպես նաև բանավոր օրենքը, որը Աստծու կողմից տրված չէր, բայց մարդկանց շրջանում ավանդույթ էր դարձել: Դա ներառում էր այնպիսի ավանդույթներ, ինչպիսիք են՝ հաշվել քայլերը հանգստության օրը և մանրամասն լվանալ ձեռքերը ուտելուց առաջ, ինչը խորհրդանշում էր մարդու հոգևոր մաքրությունը: Ավանդական օրենքի որոշ մասեր օգտագործվում էին անձնական նպատակների համար: Օրինակ՝ հորն ու մորը պատվելը Մովսեսի օրենքից պատվիրան է (տես Ելից 20.12), սակայն որոշ անձիք օգտագործում էին բանավոր օրենքը՝ այդ պատվիրանը խախտելու համար՝ պնդելով, որ Աստծուն են նվիրաբերել իրենց ունեցվածքը՝ որպես «պարգև» ( Մատթեոս 15.5) և այդ պատճառով հնարավորություն չունեն հոգալ իրենց տարեց ծնողների մասին: Այդ փոփոխությունները նախատեսված չէին օրենքի կամ պատվիրանների կողմից և հաճելի չէին Աստծուն:

Կարդացեք Մատթեոս 15.1-9-ը՝ պարզելով, թե ինչ է ուսուցանել Փրկիչը ավանդույթների վերաբերյալ:

• Ձեր կարծիքով, Փրկիչն ի՞նչ է ուսուցանում այս հատվածներում: Բացահայտեք գտած ճշմարտություններից մեկը կամ երկուսը:

Որոշ ճշմարտություններ կարող են բացահայտել, որ անպատշաճ ավանդույթները կարող են մարդկանց ստիպել մերժել կամ անտեսել Աստծո խոսքը, և եթե մենք ցանկանում ենք մոտենալ Աստծուն, պետք է Նրա պատվիրանները յուրաքանչյուր ավանդույթից բարձր դասենք:

• Համատեքստի ընկալումն ինչպե՞ս օգնեց ձեզ ավելի լավ հասկանալ Փրկիչի ուսմունքները:

• Ձեր կարծիքով, Փրկիչն ինչո՞ւ այդպիսի մեծ ցանկություն ցուցաբերեց՝ այդ ավանդույթներն ուղղելու կամ դրանցից ձերբազատվելու համար:

Յոթանասունի անդամ Երեց Վիլիամ Կ․ Ջեքսոնը պատմել է, թե ինչպես մի մարդ օրհնվեց՝ վերլուծելով իր ավանդույթները և դրանք Փրկիչի ուսմունքներին համապատասխանեցնելով: Կարող եք ուսանողներին առաջարկել կարդալ Երեց Ջեքսոնի «Քրիստոսի մշակույթը» ուղերձի մասերը (Ensign կամ Լիահոնա, նոյեմբեր 2020, 48-50) ChurchofJesusChrist.org կայքում կամ դիտել «Քրիստոսի մշակույթը» տեսաֆիլմըChurchofJesusChrist.org կայքում, 0:30-2:16 և 8:39-9:55:

Աշխարհիկ ավանդույթների և Աստծո չափանիշների միջև ընտրության դժվարությունը միշտ գոյություն է ունեցել Նրա ժողովրդի համար ( Ղևտացոց 18.30 , Գործք առաքելոց 16.19-24 , Մոսիա 1.5 , Վարդապետություն և Ուխտեր 93․39): Խորհեք որևէ ավանդույթի մասին, որը դուք քննարկել եք դասի սկզբում կամ որևէ այլ ավանդույթի մասին: Հետևյալ հարցին պատասխանելիս մտածեք, թե այս ավանդույթն ինչպես է ազդում Փրկիչին ավելի մոտենալու ձեր ունակության վրա:

• Ինչպե՞ս կարող ենք իմանալ՝ արդյոք տվյալ ավանդույթը հեռացնում թե մոտեցնում է մեր սրտերը Աստծուն (տես Մատթեոս 15.8)

Հիշեք ձեր օրագրում գրանցված ավանդույթները: Կարող եք ավելացնել ավանդույթները, որոնց մասին դուք մտածեցիք այսօրվա դասի ընթացքում: Կարող եք նաև ներառել ձեր տարածաշրջանում ընդունված ավանդույթները: Պատրաստվեք գնահատել այդ ավանդույթները՝ կարդալով Երեխաների միության նախկին գերագույն նախագահ Շերիլ Ս. Լանթի հետևյալ հայտարարությունը: Նրա ուղերձը կարող եք նաև դիտել ChurchofJesusChrist.org կայքում: Ապա խորհեք հետևյալ հարցերի շուրջ:

Ինչպիսի՞ ավանդույթներ ունենք: Դրանցից մի քանիսը գալիս են մեր հայրերից, և հիմա մենք դրանք փոխանցում ենք մեր զավակներին: Արդյո՞ք դրանք այնպիսին են, ինչպիսին մենք ցանկանում ենք, որ լինեն: Արդյո՞ք դրանք հիմնված են արդարակեցության և հավատքի վրա: Դրանք էությամբ նյութակա՞ն են, թե՞ հավերժական: Արդյո՞ք մենք գիտակցաբար ենք ստեղծում արդար ավանդույթներ, թե՞ կյանքն է ուղղակի ստեղծում դրանք մեզ համար: Արդյո՞ք մեր ավանդույթները ստեղծվել են ի պատասխան աշխարհի բարձր ձայնին, թե՞ Սուրբ Հոգու ցածր ձայնի ազդեցության տակ: Արդյո՞ք մեր ընտանեկան ավանդույթները կօգնեն մեր երեխաներին հետևել կենդանի մարգարեներին, թե՞ կխոչընդոտեն դրան:

(Շերիլ Ս. Լանթ, «Արդար ավանդույթներ», Ensign կամ Լիահոնա, մայիս 2008, 13)

• Ո՞ր ավանդույթներն են ձեզ օգնում ավելի շատ նմանվել Երկնային Հորը և Հիսուս Քրիստոսին և կենտրոնանալ ամենակարևորի վրա:

• Որ ավանդույթներն են ձեզ հեռացնում Հիսուս Քրիստոսից և թույլ չեն տալիս անել այն, ինչն ամենակարևորն է: Ի՞նչ քայլեր պետք է ձեռնարկեք՝ այդ ավանդույթները ձեր կյանքից հեռացնելու համար:

• Փրկիչի օրինակն ինչպե՞ս կարող է օգնել ձեզ ճանաչել և կենտրոնանալ ամենակարևոր ավանդույթների վրա:

Բացատրական և պատմական տեղեկություն

Աշխարհիկ ավանդույթներից որո՞նք պետք է հեռացնեմ իմ կյանքից

Իր «Ապաշխարանք և փոփոխություն» ուղերձում (Ensign կամ Լիահոնա, նոյեմբեր 2003, 39) Առաջին Նախագահության նախագահ Դալլին Հ. Օուքսը բազում օրինակներ է բերել, թե ինչպես «վարքի որոշ տարրեր կարող են հակասել ավետարանական պատվիրաններին, ուխտերին և մշակույթին»: Մեր վարքը կարող է տարբերվել աշխարհի ավանդույթներից, երբ դա վերաբերում է մաքրաբարոյությանը և պոռնոգրաֆիային, եկեղեցու հաճախելիությանը, ազնվությանը և սոցիալական կարգավիճակին: Նախագահ Օուքսի ամբողջ ուղերձը կամ որոշ մասեր կարող եք դիտել կամ կարդալ ChurchofJesusChrist.org կայքում:

Իր «Քրիստոսի մշակույթը» ուղերձում (Ensign կամ Լիահոնա, նոյեմբեր 2020, 48-50) Յոթանասունի անդամ՝ Երեց Վիլիամ Կ. Ջեքսոնը համեմատել է աշխարհիկ մշակույթները Քրիստոսի մշակույթի հետ: Կարող եք դիտել կամ կարդալ ամբողջ ուղերձը կամ որոշ մասեր ChurchofJesusChrist.org կայքում:

Արդյո՞ք հնարավոր է պահպանել մշակութային ավանդույթները և միաժամանակ հետևել Փկիչին

Հետևյալ տեսանյութը մի օրինակ է բերում, թե ինչպես կարելի է պահպանել մշակութային ավանդույթները և միևնույն ժամանակ հետևել Փրկիչին:

Օժանդակ ուսումնական վարժություններ

Դասը սկսելու այլընտրանքային եղանակ

Օգնեք ուսանողներին հասկանալ, որ ավանդույթները «համոզմունքներ և գործելակերպեր են, որոնք փոխանցվում են սերնդեսերունդ» (Guide to the Scriptures, “ Traditions ,” ChurchofJesusChrist.org): Ուսանողներին առաջարկեք կարդալ նախագահ Լանթի մեջբերումը, որը կարող եք գտնել դասի վերջում: Առաջարկեք նրանց քննարկել, թե ինչու են ավանդույթները կարևոր և թվարկել իրենց ավանդույթները:

Լրացուցիչ սցենարներ՝ դասը սկսելու համար

• Երիտասարդ տղան և աղջիկը 16 տարեկան են և հանդիպում են՝ ինչպես շատերը իրենց դպրոցում:

• Նրանք պատրաստվում են ամուսնանալ և ապրում են մի վայրում, որտեղ ընդունված է ամուսնությունից առաջ սեռական մտերմություն ունենալ: