Seminare
Faatomuaga i le Tusi Lesona o le Feagaiga Fou a le Tagata Aoga Seminare


Faatomuaga i le Tusi Lesona o le Feagaiga Fou a le Tagata Aoga Seminare

O le Faamoemoega o Seminare ma Inisitituti o Mataupu Faalelotu o le “fesoasoani lea i le autalavou laiti ma talavou matutua ia malamalama ma faalagolago i aoaoga ma le Togiola a Iesu Keriso, ia agavaa mo faamanuiaga o le malumalu, ma ia saunia i latou lava, o o latou aiga, ma isi mo le ola e faavavau faatasi ma lo latou Tama o i le Lagi” (Aoao Atu ma le Aoaoina Mai o le Talalelei: O Se Tusitaulima mo Faiaoga ma Taitai i Seminare ma Inisitituti o Mataupu Faalelotu 2012], x, ChurchofJesusChrist.org

O lesona o i lenei tusi lesona ua mamanuina e fesoasoani ia te oe e ausia ai lenei faamoemoega a o e suesue i le Feagaiga Fou. O lenei tusi lesona o loo i ai lesona e 255. (O le a le manaomia ona e faamaeaina uma nei lesona.) O le tele o nei lesona e ogatusa ma le poloka mau o le Sau, Mulimuli Mai ia te A’u o le a suesueina e tagata taitoatasi ma aiga. O isi lesona e o faatasi ma le atamai i aoaoga faavae. O le a fesoasoani lou faiaoga ia te oe e iloa po o le fea lesona e faamaea i le fale ma po o fea o le a outou faia faatasi o se vasega.

O galuega mo lesona taitasi e aofia ai galuega o faitauga ma tusiga. O meaaoga tusitusia ua faailoa atu i le aikona lenei: Tusitusi i luga o se fasipepa i se peni po o se penitala.

Mafaufau ma le faaeteete i au tali a o lei tusiaina. O le a fesoasoani lenei mea ia te oe e maua ai ni aafiaga anoa a o e aoao ma faaaoga upumoni mai tusitusiga paia. Tatalo ae e te lei amataina au lesona, ma saili le taitaiga ma le taiala mai le Agaga Paia e fesoasoani ia te oe i au suesuega. Saili ni avanoa e faasoa atu ai mea o loo e aoaoina i isi, e aofia ai ma lou aiga.