Iloiloga 16 o le Atamai i Aoaoga Faavae
Tauloto Mau Faasino ma Fasifuaitau Autu o Mau
O le manatuaina o fuaitau o mau atoa ma mea o loo aoaoina mai ai e mafai ona fesoasoani ia te oe i le tele o auala. O lenei lesona ua faamoemoe e fesoasoani ia te oe e tauloto ai nisi o mau faasino o mau mo le atamai i aoaoga faavae ma fasifuaitau autu o mau o le Feagaiga Fou.
-
Aisea e ono e taulotoina ai nisi o mea nei: upu o pese, se faasologa o ni mea e fai, po o faamatalaga e uiga i tagata taaalo po o tagata faafiafia?
-
O a nisi faataitaiga o mea e te taulotoina? Aisea e te taulotoina ai nei mea?
-
O a nisi o mafuaaga e tauloto ai mau o tusitusiga paia?
Faitau le faamatalaga lenei mai ia Elder Richard G. Scott (1928–2015) o le Korama a Aposetolo e Toasefululua, pe matamata le vitio “He Lives,” o loo maua i le ChurchofJesusChrist.org, mai le faailo taimi 5:27 i le 6:05. Vaavaai mo ni faamanuiaga se tolu pe sili atu e mafai ona ofoina mai e mau ua taulotoina.
He Lives
He [Jesus Christ] has given His life that even in our weakness, we may overcome our mistakes through repentance and obedience to His gospel.
Ou te fautuaina e te taulotoina mau e pai atu i lou loto, ma faatumulia ai lou agaga i le malamalama. A faaaoga tusitusiga paia i le ala na finagalo le Alii e faamaumauina ai, o loo i ai ia i latou le mana moni lea e le mafai ona fesootai mai pe a toe faaupuina. O nisi taimi a i ai se manaoga taua i lo’u olaga, ou te toe faamanatuina i lo’u mafaufau ia mau ia na tuuina maia ia te au le malosi. E i ai se mafanafana, taitaiga, ma le mana tele lea e tafe mai i tusitusiga paia, ae maise lava i fetalaiga a le Alii.
(Richard G. Scott, “He Lives,” Ensign, Nov. 1999, 87–88)
-
O a nisi o faamanuiaga ua e maua mai le taulotoina o mau po o fasifuaitau autu mai tusitusiga paia?
-
Na faapefea e le taulotoina o afioga a le Alii o loo tusia i tusitusiga paia ona fesoasoani e te lagona ai le latalata atili atu i le Tama Faalelagi ma Iesu Keriso?
Kata faamanatu
O se tasi o auala e tauloto ai mau faasino o mau ma fasifuaitau autu o le faaaoga lea o kata faamanatu. Ina ia fatuina ni kata faamanatu, gaugau faaafa ma toe faaafa se fasi pepa ina ia maua ai ni vaega se fa. Tatala le pepa, ma oti i luga o laina na gagau ai ina ia maua ai ni kata faamanatu se fa.
Tusi mau faasino nei i le itu e tasi o kata taitasi. I le isi itu, tusi ai le fasifuaitau autu o mau.
|
Mau Faasino |
Fasifuaitau Autu o Mau |
|---|---|
Mau Faasino | Fasifuaitau Autu o Mau “Ina ia na faaopoopoina ia Keriso i le sauniga i le faaatoaga o tausaga, o i latou uma lava o i le lagi, atoa ma i latou o i le lalolagi.” |
Mau Faasino | Fasifuaitau Autu o Mau O le Ekalesia ua “atiina ae i luga o le faavae o le au aposetolo, atoa ma le au perofeta, o le maa tulimanu o Iesu Keriso lava lea.” |
Mau Faasino | Fasifuaitau Autu o Mau “O le aso o Keriso … e le oo mai lena aso, seia muai ona taunuu o le tete’a ese.” |
Mau Faasino | Fasifuaitau Autu o Mau “O tusi paia … e mafaia ona faapoto ai ia te oe e iu ai i le ola.” |
Ia fatufatuai ni auala e fesoasoani ia te oe e tauloto ai. Filifili se tasi o manatu nei pe fatu sou lava manatu.
-
Suesue oe lava ia: Uu kata faamanatu ina ia mafai ona e vaai atu i le na o le mau faasino po o le fasifuaitau autu o mau. Taumafai e ta’u le fasifuaitau autu o le mau po o le mau faasino talafeagai. Toe fai pea mo ni nai taimi i mau faasino taitasi ma fasifuaitau talafeagai.
-
Iloiloga i feau tusitusi: Lafo i se feau tusitusi se mau faasino i au uo i lau vasega seminare ma vaai po o ai e toe tali atu i le fasifuaitau autu talafeagai sao.
-
Gaoioiga faafetaui: Fai paga ma se isi tagata o le vasega po o se tagata o le aiga. Fai i se tasi tagata ia faaū i luga a latou kata faamanatu o i ai le mau faasino ae o le isi tagata ia faaū i luga le fasifuaitau autu o le mau. Faafetaui le fasifuaitau autu o mau i le mau faasino fesootai e ala i le tuu o le kata faamanatu o i ai le fasifuaitau autu o mau i luga o le kata faamanatu o i ai le mau faasino.
-
Faaaoga le polokalama: Faaaoga le polokalama o le Atamai i Aoaoga Faavae e fesoasoani i lou taulotoina.
1. Aumai au kata faamanatu i lau vasega faafesagai faalevaiaso e faasoa atu i lou faiaoga. Tali fesili nei i totonu o lau api faamaumau mo suesuega:
Filifili se tasi o fuaitau o le atamai i aoaoga faavae.
-
Aisea o le a e manao ai e tauloto lenei fuaitau po o le fasifuaitau autu o le mau?
-
E mafai faapefea ona fesoasoani e faaloloto ai lou malamalama ia Iesu Keriso ma Lana talalelei?