Akong Calling isip usa ka Kaabag sa Priests Quorum

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Aaronic nga Pagkapari

Ang mga korum sa Aaronic nga Pagkapari motabang sa mga batan-ong lalaki nga mohimo ug motuman sa sagrado nga mga pakigsaad ug mopalig-on sa ilang pagkakabig ngadto ni Jesukristo ug sa Iyang ebanghelyo. Ang katuyoan sa usa ka korum mao ang pagtabang sa mga naghupot sa pagkapari nga magtambayayong sa pag-apil sa buhat sa Dios sa kaluwasan ug kahimayaan. (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 10.1, Librarya sa Ebanghelyo.)

Priests Quorum

Ang mga batan-ong lalaki moapil sa priest quorum sugod sa Enero sa tuig nga sila mag-edad og 16. Niining higayona sila usab mahimo nang i-orden nga mga priest kon sila andam na ug takos. Ang mga priest adunay samang mga katungdanan sa mga deacon ug mga teacher. Sila usab moandam sa sakramento ug moserbisyo isip tigpangalagad nga mga igsoong lalaki. Dugang nga mga katungdanan gihulagway sa Doktrina ug mga Pakigsaad 20:53–59; 84:111. (Tan-awa sa 10.1.3.2.)

Kaabag

Ang mga kaabag sa priest quorum mosuporta sa presidente sa korum, ang bishop, uban sa iyang mga responsibilidad. Kini naglakip sa pagpangulo sa mga paningkamot sa korum sa pag-apil sa buhat sa Dios sa kaluwasan ug kahimayaan; magkailhanay ug moserbisyo sa matag sakop sa korum, lakip niadtong kinsa wala motambong sa mga miting sa korum; mopalig-on sa bag-o ug mibalik nga mga miyembro; magtudlo sa mga sakop sa korum sa ilang mga katungdanan sa pagkapari; ug magplano ug mopahigayon og mga miting sa korum (tan-awa sa 10.4.2.) Ang kapangulohan sa korum kinahanglan nga kanunay nga magmiting (tan-awa sa 10.4.3).

Serbisyo ug mga Kalihokan

Ang bishopric ug ang mga lider sa korum sa kabatan-onan, nga gisuportahan sa mga tigtambag, magplano og serbisyo ug mga kalihokan. Kini makatabang sa pagtuman sa buhat sa kaluwasan ug kahimayaan. Kinahanglan kini nga mabalanse sa upat ka bahin sa personal nga kauswagan: espirituwal, sosyal, pisikal, ug intelektuwal. (Tan-awa sa 10.2.1.3.)

Mga Lagda ug mga Palisiya

Dugang nga mga lagda ug mga palisiya, lakip ang pagsuporta sa mga batan-ong lalaki nga adunay kakulangan, pagdawat sa mga simbolo sa Kabataan ug Kabatan-onan, ug sa pagpundok sa mga halad sa puasa, makit-an diha sa seksiyon 10.8 sa Kinatibuk-ang Tamdanan nga Basahon.