Ol Intaviu Kwestin blong Ol Fiuja Misinari
Oli invaetem ol Bisop mo stek presiden blong “holem ol intaviu, we i lukluk dip mo i luklukgud long laef blong wan, mo i holem ol intaviu we oli leftemap tingting” blong wanwan misinari kandidet yusum ol kwestin ia” (luk long Jeneral Hanbuk, 24.4.2).
-
?Yu yu gat fet long, mo yu yu gat wan testemoni abaot God, Papa we I No Save Finis; abaot Pikinini blong Hem, Jisas Kraes; mo abaot Tabu Spirit?
-
?Yu yu gat wan testemoni abaot Atonmen blong Kraes mo wok blong Hem olsem Sevya mo Ridima?
Plis serem testemoni blong yu wetem mi. ?Olsem wanem nao Atonmen blong Jisas Kraes i wok insaed long laef blong yu?
-
?Yu yu gat wan testemoni long saed blong Kambak blong gospel blong Jisas Kraes mo trutok blong Buk blong Momon?
?Olsem wanem nao save blong yu abaot restoresen blong gospel blong Jisas Kraes mo stadi blong yu abaot Buk blong Momon i mekem rilesensip blong yu wetem Jisas Kraes i moa dip?
-
?Yu yu sastenem Presiden blong Jos Ia blong Jisas Kraes blong Ol Lata-dei Sent olsem profet, sia mo reveleta, mo olsem wan man ia nomo long wol ia we i gat atoriti mo i gat raet blong yusum evri prishud ki?
?Yu yu sastenem ol memba blong Fas Presidensi mo Kworom blong Olgeta Twelef Aposol olsem ol profet, sia, mo reveleta?
?Yu yu sastenem ol nara Jeneral Atoriti mo ol lokol lida blong Jos?
-
Lod i bin talem se, evri samting, oli mas “mekem long klin fasin” long fored blong Hem ((Doktrin mo Ol Kavenan 42:41).
?From wanem blong stap laef long klin fasin long fored blong God i minim tu blong no lukluk ponografi?
?Long save blong yuwan, i minim wanem blong laef folem loa blong jastiti?
?Yu yu traehad blong stap laef long klin fasin long ol tingting mo long ol aksen blong yu?
?Yu yu stap obei long loa blong jastiti?
-
?Yu yu stap folem ol tijing blong Jos Ia blong Jisas Kraes long ol praevet mo pablik aksen blong yu wetem ol memba blong famli blong yu, mo wetem ol nara man?
-
?Yu yu stap sapotem o promotem eni tijing, praktis, o doktrin we i agensem hemia blong Jos Ia blong Jisas Kraes blong Ol Lata-dei Sent?
-
?Yu yu stap traehad blong kipim Sabat dei i tabu, tugeta long hom mo long jos; yu stap go long ol miting blong yu; yu stap rere blong, mo yu stap klin inaf blong tekem mo kakae sakramen? ?Yu yu stap laef i stret wetem ol loa mo ol komanmen blong gospel?
-
?Yu yu stap traehad blong stap ones long evri samting we yu stap mekem?
-
?Yu yu stap pem ful taeting?
-
?Long save blong yuwan, i minim wanem blong laef folem Tok blong Waes?
?Yu yu stap obei long Tok blong Waes?
-
?Olsem wan fultaem misinari bambae yu yu gohed blong stap laef folem ol standet ia we yumi bin tokbaot?
-
(Kwestin ia, oli no askem taem oli stap mekem intaviu long wan memba we i no endao.) ?Yu yu stap kipim ol kavenan we yu bin mekem insaed long tempol?
-
(Kwestin ia, oli no askem taem oli stap mekem intaviu long wan memba we i no endao) ?Yu yu stap onarem tabu janis blong yu ia blong werem gamen olsem we oli bin givim instraksen long yu long taem we yu bin kasem odinens ia? (Ridim stetmen ia, “Stap Werem Tempol Gamen” we i stap tu daon ia, i go long wanwan memba).
-
?I minim wanem long yu blong sakem sin, we i minim tu se bae yu konfes abaot ol series sin long ol prishud lida?
?I gat eni series sin, o nogud fasin insaed long laef blong yu we yu nidim blong stretem wetem ol prishud atoriti olsem pat blong proses blong yu blong sakem sin?
-
?Yu yu luk se yuwan yu klin inaf blong ripresentem Jisas Kraes mo gospel blong Hem we i kambak olsem wan misinari?
Stap Werem Tempol Gamen
“Ol gamen blong tabu prishud oli rimaenem yumi long vel we i stap insaed long tempol, mo vel ia hem i simbol we i ripresentem Jisas Kraes. Taem yu stap putum gamen blong yu, yu stap putum gamen ia olsem wan tabu saen blong Jisas Kraes. Blong stap werem ol gamen, hem i wan saen blong soemaot komitmen blong insaed blong yuwan blong folem Sevya Jisas Kraes. Ol gamen oli rimaenem yu tu, long ol tempol kavenan blong yu. Yu mas werem gamen long dei mo long naet long ful laef blong yu long wol ia. Taem yu karemaot gamen blong ol aktiviti we bae hem i no stret blong werem gamen, yu mas putum bak kwik taem afta we ol aktiviti i finis. Taem yu kipim ol kavenan blong yu, we i tekem tu tabu janis ia blong werem gamen folem ol instraksen we oli givim longtaem we yu bin mekem odinens ia blong fastaem, bae yu kasem bigfala akses long bigfala sore,proteksen mo paoa we i kam long Sevya” (Jeneral Hanbuk, 26.3.3.2).