Punaoa

Lagolago a Tagata Faigaluega o le Ekalesia ma Volenitia

E faafaigaluega e le Ekalesia ia tagata i eria taitasi e fesoasoani ai i le taumafaiga o le ola tutoatasi. O aofia i nei mea se pule o le Tautua mo le Ola Tutoatasi ma isi tagata faigaluega. O nei tagata faigaluega, faatasi ai ma faifeautalai talai matutua, e mafai ona fesoasoani e aoao ia komiti mo le ola tutoatasi a siteki e faatulaga ni faigalotu ma vaega mo le ola tutoatasi. E mafai ona latou fesoasoani i le komiti ia faailoa ma fefaasoaai ma nuu i le lotoifale ma punaoa a le Ekalesia.

“A aunoa ma le faalagolago o le tagata ia te ia lava, e le mafai e se tasi ona faatino nei faanaunauga loloto o le auauna atu. E faapefea ona tatou foai atu pe afai e leai se mea e foai atu? E le mafai ona maua ni meaai mo e o fiaaai pe afai e leai ni meaai o i fata. E le mafai ona maua mai ni tupe e fesoasoani ai i e le tagolima, mai ni ato tupe e le o i ai ni tupe. E le mafai ona maua mai se fesoasoani ma se malamalamaaga mai se tasi ua mativa i lagona. E le mafai ona maua mai se aoaoga mai se ua le aoaoina. A o le mea e sili ona taua o na mea uma, e le mafai ona maua mai se taitaiga faaleagaga mai i se ua vaivai faaleagaga.”

Marion G. Romney, “O Le Natura Faaselesitila o le Faalagolago o le Tagata Ia Te Ia Lava,” Ensign, Nov. 1982, 93

Tusi lesona

O loo maua tusi lesona o le ola tutoatasi i luga o le Potutusi o le Talalelei ma i le srs.lds.org. E mafai ona oka tusi lesona ua lolomiina i le store.lds.org po o faletusi a le Ekalesia.

Tusi lesona	Faaaogaina	Numera o le Aitema (mo le okaina)
O Lo’u Auala mo le Ola Tutoatasi	Faigalotu mo le Ola Tutoatasi	14068000
O Lo’u Faavae mo le Ola Tutoatasi	O Tomai ma Mataupu Faavae Faaleagaga	14067000 (Manatua: O loo aofia ai foi i tusi galuega taitasi a vaega)
Amataina ma le Faaolaina o La’u Pisinisi	Tusi Galuega a Vaega	14678000
Saili se Galuega Lelei Atu	Tusi Galuega a Vaega	14072000
A’oga mo se Galuega Lelei Atu	Tusi Galuega a Vaega	14066000
Tupe Patino	Tusi Galuega a Vaega	14863000
Faafoeina o Vaega	Aoaoga mo le Tagata e Faagaoioia	Na o luga o le initoneti

Faigalotu mo le Ola Tutoatasi

E masani lava (e ui e le manaomia) ona amata tagata o le ekalesia i le ala o le ola tutoatasi i le auai i se faigalotu. O le tamaitusi o le O Lo’u Auala mo le Ola Tutoatasi e mafai ona fesoasoani e taitaia le talanoaga.

Vitio mo Aoaoga ma Tala Faamanuiaina

O loo maua anomea mo aoaoga ma vitio o tala faamanuiaina i luga o le initoneti i le srs.lds.org/videos.

Nofoaga Autu o Punaoa mo le Ola Tutoatasi

E mafai ona filifili se siteki e faatu se nofoaga autu o punaoa mo le ola tutoatasi e taulimaina manaoga i tua atu o vaega o le ola tutoatasi. Mo se faataitaiga, o se “nofoaga autu” e mafai ona avea o se avanoa faaletino e faasoaina ma le nofoaga autu o talafaasolopito o aiga ma e mafai ona saunia komepiuta e fesoasoani ai i tagata. O se “nofoaga autu” e mafai foi ona avea o se taumafaiga taua e fesootai ai tagata ma avanoa i le lotoifale ma punaoa i luga o le initoneti. Afai o le nofoaga autu o se nofoaga faaletino, e filifili la e siteki taitasi pe faafia ona tatala ma le faafaigaluegaina o tagata.

Fesili mo Komiti e Mafaufau i Ai

O a manaoga o le ola tutoatasi o i ai i tagata ma aiga i la outou eria?
E mafai faapefea ona tatou tuu atu le lagolago i epikopo, korama, ma le Aualofa i o latou matafaioi e tausia e matitiva ma i latou e le tagolima?
E mafai faapefea ona tatou fesoasoani lelei atili i epikopo ma aufono a le uarota ia iloa ma valaaulia tagata ia auai i a tatou taumafaiga mo le ola tutoatasi?
O le a se mea e mafai ona tatou faia i le taimi ma le maea ai o vaega a le ola tutoatasi e tuu atu ai le lagolago sili i tagata auai?
E mafai faapefea ona tatou fesoasoani lelei atili atu i tagata o e le mafai ona auai pe faamaeaina se vaega o le ola tutoatasi?
E mafai faapefea ona lelei atili lo tatou faaaogaina o taleni, tomai, ma le atamai o tagata o le ekalesia i lo tatou eria?
O le a le ituaiga Ekalesia po o punaoa a le nuu e manaomia e o tatou tagata, ma e faapefea ona tatou atiaeina ma faasoa atu nei punaoa?
E mafai faapefea ona tatou faaaogaina a tatou taumafaiga mo le ola tutoatasi e lagolago ai mea e faamuamua a le siteki ma le uarota? (Mo se faataitaiga, galuega faafaifeautalai, toe faamalosi mai o se tagata o le ekalesia, talavou nofofua matutua, po o le autalavou.)
Afai e talafeagai ai, e mafai faapefea ona tatou fesoasoani i tagata o faaaogaina le Tupe Faaagaaga mo Aoga ia faauu ma toe totogi a latou nonogatupe?