Faatomuaga

Mo Taitai o Siteki ma Uarota

O le toatele o tagata o le Ekalesia e mafai ona faaleleia lo latou ola tutoatasi, o le “tomai, tautinoga, ma le taumafaiga e saunia mea faaleagaga ma faaletino e manaomia o le olaga mo le tagata lava ia ma le aiga” (Tusitaulima 2: Taitaiina o le Ekalesia [2010], 6.1.1). O le tausiga o e matitiva ma e le tagolima o se tasi lea o tiutetauave ua atofaina mai faalelagi a le Ekalesia (Tusitaulima 2, 2.2). O lenei taiala a le taitai o le a fesoasoani ia te oe i le faaaogaina o mataupu faavae faaleaoaoga faavae lea o le a fesoasoani i tagata o le ekalesia e fesoasoani ia i latou lava ma isi ina ia saga ola tutoatasi faaleagaga ma faaletino.

Faamolemole faaaoga ni nai minute e faitau ai le tusi mai le Au Peresitene Sili o loo maua i le itulau e sosoo ai e aoao ai mai nisi o faamanuiaga folafolaina o le ola tutoatasi lea e mafai ona maua e tagata o la outou siteki (po o itu) ma uarota (po o paranesi).