Սերունդներ ի վեր մարգարեները մարգարեացել են, որ Հիսուս Քրիստոսը կրկին կվերադառնա Երկիր: Եսայիան գրել է. «Եվ պիտի հայտնուի Տիրոջ փառքը, և ամեն մարմին միասին պիտի տեսնեն» (Եսայիա 40.5): Այս մարգարեություններն օգնում են Հիսուս Քրիստոսի աշակերտներին պատրաստվել և պատրաստել մյուսներին այս եզակի իրադարձությանը և հույս ունենալ, իմանալով, որ Երկնային Հայրը կանխատեսում է ապագան և պատրաստում է աշխարհն Իր Որդու փառահեղ վերադարձին:
Ընթերցանության օժանդակ նյութեր
Dallin H. Oaks, “Preparation for the Second Coming,” Ensign or Liahona, May 2004, 7–10.
Ուսուցանման առաջարկներ
Փրկիչը կգա զորությամբ և փառքով
Ուսանողներին ուղղեք հետևյալ հարցերը և գրատախտակին ամփոփեք նրանց պատասխանները.
Ձեր կարծիքով, նշվա՞ծ է արդյոք՝ երբ է լինելու Երկրորդ Գալուստը:
Ձեր կարծիքով, ինչպիսի՞ն կլինի Երկրորդ Գալուստը:
Ուսանողներից որևէ մեկին հանձնարարեք բարձրաձայն կարդալ Վարդապետություն և Ուխտեր 29․11 հատվածը: Այնուհետև հարցրեք դասարանին.
Ի՞նչ եք սովորում այս հատվածից Երկրորդ Գալստի մասին։ (Երբ ուսանողները պատասխանում են, շեշտեք հետևյալ ճշմարտությունը․ Երբ Փրկիչը կրկին գա, Նա կգա զորությամբ և փառքով՝ երկնքի բոլոր զորքերի հետ:) Գրեք այդ ճշմարտությունը գրատախտակին:)
Ուսանողներին բացատրեք, որ կան Հիսուս Քրիստոսի Երկրորդ Գալստի վերաբերյալ տարբեր ասպեկտներ, որոնք կարելի է ուսումնասիրել սուրբ գրություններում, օրինակ՝ նշանները, որոնք կնախորդեն Նրա գալստին, և ամբարիշտների կործանումը՝ Նրա գալստյան ժամանակ: Այս դասը կկենտրոնանա Փրկչի, Նրա զորությամբ ու փառքով գալու վրա, և թե ինչպես կարող ենք մենք պատրաստվել այդ մեծ իրադարձությանը: Յուրաքանչյուր ուսանողի տվեք «Մարգարեություններ Երկրորդ Գալստի մասին» աղյուսակի մեկական օրինակ։ Ուսանողներին խնդրեք աշխատել զույգերով և յուրաքանչյուր զույգին հանձնարարեք ուսումնասիրել սուրբ գրությունների երկու կամ երեք տող (հավաստիացեք, որ յուրաքանչյուր տողը հանձնարարված է): Յուրաքանչյուր զույգին խնդրեք աղյուսակում գրել, ինչ են իրենց հանձնարարված հատվածներն ուսուցանում Հիսուս Քրիստոսի Երկրորդ Գալստի մասին: Բավականաչափ ժամանակ հատկացնելուց հետո, ուսանողներին խնդրեք ներկայացնել՝ ինչ են իրենք հայտնաբերել։
Ըստ ձեր ուսումնասիրության, ինչպե՞ս Հիսուս Քրիստոսի զորությունն ու փառքը կհայտնվի Նրա գալստյան ժամանակ:
Երկրորդ Գալստյան մասին ո՞ր մարգարեություններն առանձնացան ձեզ համար։ Ինչո՞ւ:
(Նշում. Նախքան առաջ շարժվելը կարող եք կրկին անդրադառնալ աղյուսակին և հարցնել ուսանողներին, թե ինչ նշանակություն ունի սուրբ գրություններն այս եղանակով ուսումնասիրելը՝ փնտրելով կապեր, օրինակներ և թեմաներ:)
Մարգարեները մեզ նախապատրաստում են Հիսուս Քրիստոսի Երկրորդ Գալստին
Ցուցադրեք Յոթանասունից Երեց Սթերլինգ Վ. Սթիլի (1903–1994) հետևյալ խոսքերը և խնդրեք որևէ ուսանողի բարձրաձայն կարդալ այն.
Նկար
Երեց Սթերլինգ Վ. Սիլ
«Քրիստոսի երկրորդ գալուստը Հին Կտակարանում հիշատակվում է ավելի քան 1500 անգամ, իսկ Նոր Կտակարանում՝ 300 անգամ: Եթե Աստված այս թեման այդքան կարևոր է համարել, նա ամենայն հավանականությամբ ցանկացել է, որ մենք ինչ-որ բան անենք այդ ուղղությամբ» (in Conference Report, Apr. 1966, 19:)
Ձեր կարծիքով, ինչո՞ւ է կարևոր, որ սուրբ գրություններն այդքան շատ մարգարեություններ ունենան Երկրորդ Գալստի վերաբերյալ:
Ցուցադրեք կամ գրատախտակին գրեք սուրբ գրությունների հետևյալ հատվածները: Խնդրեք ուսանողներին մտքում համեմատել և հակադրել հետևյալ հատվածները՝ փնտրելով ինչպիսի երկու տարբեր եղանակներով պետք է պատրաստվենք Երկրորդ Գալստին:
Բավականաչափ ժամանակ հատկացնելուց հետո, քննարկեք հետևյալ հարցերից մի քանիսը կամ բոլորը.
Ինչպե՞ս մեկ նախադասությամբ կամփոփեիք այդ հատվածներում ուսուցանված ճշմարտությունները: (Հավաստիացեք, որ ուսանողները ամփոփում են հետևյալ կերպ. Հիսուս Քրիստոսի Երկրորդ Գալստի վերաբերյալ մարգարեությունները տրվել և գրի են առնվել սուրբ գրություններում, որպեսզի մենք կարողանանք պատրաստվել և պատրաստել մյուսներին այդ օրվան:)
Ինչո՞ւ պետք է մենք պատրաստվելու հետ միասին պատրաստենք նաև մյուսներին Հիսուս Քրիստոսի Երկրորդ Գալստին:
Ինչպե՞ս կարող ենք օգնել մյուսներին պատրաստվել Տիրոջ վերադարձին:
Ձեր կարծիքով, Երկրորդ Գալստին մյուսներին պատրաստվելիս օգնելը նպաստում ձեր նախապատրաստությանը:
Խնդրեք որևէ ուսանողի կարդալ Տասներկու Առաքյալների Քվորումից Երեց Դալլին Հ. Օուքսի հետևյալ խոսքերը.
Նկար
Երեց Դալլին Հ. Օուքս
«Թեպետ մենք անզոր ենք փոխելու Երկրորդ Գալստի փաստը և չենք կարող իմանալ ճշգրիտ օրը, մենք կարող ենք արագացնել մեր անձնական նախապատրաստությունը և փորձել ազդել մեր շրջապատում գտնվողների նախապատրաստության վրա: …
Ի՞նչ կլիներ, եթե Նրա գալու օրը վաղը լիներ: Եթե իմանայինք, որ վաղը հանդիպելու ենք Տիրոջը, վաղաժամ մահվան կամ Նրա անսպասելի գալստի արդյունքում, ի՞նչ կանեինք այսօր: Ինչպիսի՞ խոստովանություններ կանեինք: Ի՞նչ սովորություններ կդադարեցնեինք: Ի՞նչ անհամաձայնություններ կլուծեինք: Ինչպիսի՞ ներում կպարգևեինք: Ի՞նչ վկայություններ կբերեինք:
Եթե այս բաները կանեինք այդ դեպքում, ինչո՞ւ չանենք հիմա: Ինչո՞ւ խաղաղություն չկնքենք, քանի դեռ դա հնարավոր է: Եթե մեր նախապատրաստության լամպերը հանգչել են, եկեք սկսենք անմիջապես կրկին լցնել դրանք» (“Preparation for the Second Coming,” Ensign or Liahona, May 2004, 8, 9):
Ի՞նչ կարող է մարդն անել, որպեսզի արագացնի Երկրորդ Գալստի համար իր նախապատրաստությունը:
Ի՞նչ վտանգ կա մեր նախապատրաստությունը հետաձգելու մեջ:
Բացատրեք ուսանողներին, որ Հիսուս Քրիստոսի մահից մի քանի օր առաջ Նրա աշակերտները հետաքրքրվեցին Նրա Երկրորդ Գալստին նախորդող նշանների վերաբերյալ (տես Մատթեոս 24.3; Ջոզեֆ Սմիթ—Մատթեոս 1.4): Փրկչի պատասխանը տրված է Մատթեոս 24-25-ում: Հանձնարարեք մի քանի ուսանողների հերթով բարձրաձայն կարդալ Մատթեոս 25.1–13, իսկ դասարանին խնդրեք հետևել նրանց: Այնուհետև ուսանողներին ուղղորդեք քննարկելու տաս կույսերի առակը՝ օգտագործելով տրված մի քանի կամ բոլոր հարցերը և մեջբերումները.
Ի՞նչն եք համարում հիմարություն այդ հինգ կույսերի գործողությունների մեջ: (Հիմար կույսերը չէին անում այն, ինչ անհրաժեշտ էր Փրկչի գալստին պատրաստվելու համար: Երբ ձգտում ենք պատրաստվել Փրկչի գալստին և անում ենք այն, ինչ ճիշտ է, մեծ օրհնություններ են գալիս, ներառյալ՝ պատրաստ լինել միանալու Փրկչին, երբ Նա գա:)
Ի՞նչ նշանակություն կա «դուրս եկեք նրան դիմավորելու» արտահայտության մեջ: (հատված 6): Ինչո՞ւ համբերատար չսպասել, որ Նա գա ձեզ մոտ: (Տես նաև ՎևՈւ 133.5, 10, 14, 19:)
Ինչո՞ւ իմաստուն կույսերը չէին կարող իրենց ձեթից բաժին հանել հիմար կույսերի համար:
Ի՞նչ է այս առակն ուսուցանում ձեզ Փրկչին հանդիպելուն պատրաստվելու մասին: (Թեպետ ուսանողները կարող են օգտագործել տարբեր բառեր, նրանք պետք է ներկայացնեն հետևյալ սկզբունքը․ Աստծո պատվիրաններին հնազանդվելով մենք կարող ենք պատրաստվել Հիսուս Քրիստոսի Երկրորդ Գալստին: Տես նաև ՎևՈՒ 45.56-57:)
Քննարկումը համալրեք Տասներկու Առաքյալների Քվորումից Երեց Դալլին Հ Օուքսի և Երեց Դեյվիդ Ա. Բեդնարի հետևյալ մտքերով.
Նկար
Երեց Դալլին Հ. Օուքս
«[Տաս կույսերի առակի] մասին խոսելով Տերը ասել է. «Եվ այն օրը, երբ ես կգամ իմ փառքով, կկատարվի առակը, որը ես խոսեցի տասը կույսերի վերաբերյալ» (ՎևՈւ 45.56):
Մատթէոսի 25-րդ գլխում տրված այս առակը հակադրում է հինգ հիմար և հինգ իմաստուն կույսերին: Բոլոր տաս կույսերը հրավիրված էին հարսանիքի, բայց միայն նրանց կեսն էր պատրաստ և իրենց լապտերներում ձեթ ունեին, երբ փեսացուն եկավ: Հինգը, ովքեր պատրաստվել էին, մտան հարսանիքի խնջույքին և դռները փակվեցին: Հինգը, ովքեր ուշացրել էին իրենց նախապատրաստությունը, եկան ուշացած: Դուռը փակվել էր, և Տերը նրանց թույլ չտվեց ներս մտնել, ասելով. «Ես չեմ ճանաչում ձեզ» [Մատթեոս 25.12]: «Արդ արթուն կացեք,- եզրափակում է Փրկիչը,- որովհետև չգիտեք ոչ օրը և ոչ ժամը, որ նորանում մարդի Որդին կգա» [Մատթեոս 25.13]:
Այս առակի թվաբանությունը վախեցնող է: Ակնհայտ է, որ տաս կույսերը ներկայացնում են Եկեղեցու անդամներին, քանի որ բոլորը հրավիրված էին հարսանիքի խնջույքին, և բոլորը գիտեին, թե ինչ էր պահանջվում ներս մտնելու համար, երբ որ փեսացուն գար: Բայց միայն նրանց կեսն էր պատրաստ, երբ նա եկավ» (Dallin H. Oaks, “Preparation for the Second Coming,” Ensign or Liahona, May 2004, 8):
Նկար
Երեց Դեյվիդ Ա. Բեդնար
«Արդյո՞ք հինգ իմաստուն կույսերը եսասեր էին և չկամեցան յուղով կիսվել, թե՞ նրանք ճիշտ ձևով ցույց են տալիս, որ դարձի յուղը հնարավոր չէ պարտք տալ: Կարո՞ղ է արդյոք մեկ ուրիշին տրվել այն հոգևոր ուժը, որ առաջ է գալիս պատվիրանները մշտապես պահելու արդյունքում: Կարո՞ղ է արդյոք ջանասեր ուսումնասիրելու և սուրբ գրությունների շուրջ խորհրդածելու արդյունքում ձեռք բերված գիտելիքը փոխանցվել կարիքի մեջ գտնվողին: Կարո՞ղ է արդյոք ավետարանի միջոցով հավատարիմ Վերջին Օրերի Սրբին հասու խաղաղությունը փոխանցվել դժբախտություն կամ մեծ դժվարություններ կրող անհատին: Այս հարցերից յուրաքանչյուրի հստակ պատասխանն է՝ ոչ:
Ինչպես իմաստուն կույսերը հստակ նշեցին, մեզանից յուրաքանչյուրը պետք է «գնի իր համար»: Այդ ոգեշնչված կանայք բիզնես գործարք չէին նկարագրում, այլ նրանք շեշտում էին մեր անհատական պատասխանատվությունը՝ վառ պահել մեր վկայության լամպերը և ձեռք բերել դարձի յուղի բավականաչափ պաշար: Այդ թանկարժեք յուղը ձեռք է բերվում կաթիլ առ կաթիլ՝ «տող առ տող [և] ցուցում առ ցուցում» (2 Նեփի 28.30), համբերությամբ և հաստատակամությամբ: Մենք չենք կարող ընտրել կարճ ճանապարհ և վերջին րոպեին հապճեպ պատրաստություն տեսնել» (Դեյվիդ Ա. Բեդնար, «Դարձ դեպի Տերը», Ensign կամ Լիահոնա, նոյ. 2012, 109):
Ինչո՞ւ մենք չպետք է հետաձգենք Հիսուս Քրիստոսի Երկրորդ Գալստին մեր նախապատրաստվելը:
Գրատախտակին գրեք հետևյալ անավարտ նախադասությունը և խնդրեք ուսանողներին մտածել և ապա գրել ինչպես կավարտեին այն.
Քրիստոսի Երկրորդ Գալստին իմ նախապատրաստությունն արագացնելու համար ես :
Խրախուսեք ուսանողներին մտածել, թե ինչ հատուկ եղանակներով կարող են օգնել ընտանիքին, ընկերներին կամ մյուսներին հասկանալ Հիսուս Քրիստոսի վերադարձին պատրաստվելու կարևորությունը: Խրախուսեք ուսանողներին խոստանալ Տիրոջը, որ կհետևեն բոլոր հուշումներին, որ իրենք կստանան: