Դաս 21
Հիսուս Քրիստոսը կազմակերպեց Իր Եկեղեցին
Նախաբան
Իր մահկանացու ծառայության երեք տարիների ընթացքում Հիսուս Քրիստոսը քահանայության բանալիներ շնորհեց Իր Տասներկու Առաքյալներին: Այդ բանալիներով Հիսուս Քրիստոսի Եկեղեցին «կառուցվեց առաքյալների և մարգարեների հիմքի վրա» (Եփեսացիս 2.20:) Այս դասը քննարկում է ինչպես, Իր Հարությունից հետո Փրկիչը շարունակեց առաջնորդել և ղեկավարել Իր Առաքյալներին և Իր Եկեղեցին Սուրբ Հոգու ծառայությամբ, որպեսզի նրանք օգնեին իրագործել ցրված Իսրայելը հավաքելու Աբրահամյան ուխտը:
Ընթերցանության օժանդակ նյութեր
-
Jeffrey R. Holland, “Prophets, Seers, and Revelators,” Ensign or Liahona, Nov. 2004, 6–9.
Ուսուցանման առաջարկներ
Մատթեոս 10.1–4; 16.19; 17.3–7; 18.18; Եփեսացիս 2.19–20; 4.11–14
Հիսուս Քրիստոսը կազմակերպեց Իր Եկեղեցին առաքյալների և մարգարեների հիմքի վրա
Ուսանողներին ցույց տվեք բանալի կամ բանալիների խումբ, և հարցրեք, ինչ ի նկատի ունենք, երբ ավետարանի ենթատեքստում օգտագործում ենք բանալիներ բառը: Հանձնարարեք մի քանի ուսանողների հերթով բարձրաձայն կարդալ հետևյալ սուրբ գրությունների շղթայի հատվածները: Դասարանին հորդորեք հետևել նրան և բացահայտել այն հիմնական իրադարձությունը, որ յուրաքանչյուր հատված նկարագրում կամ վկայակոչում է:
-
Մատթեոս 10․1-4 (Առաքյալներ կանչվեցին և ձեռնադրվեցին)
-
Մատթեոս 16.19 (Քահանայության բանալիները խոստացվեցին Պետրոսին [տես Սուրբ գրքերի ուղեցույց, «Քահանայության բանալիները»; scriptures.lds.org]:)
-
Մատթեոս 17.3–7 («Փրկիչը, Մովսեսը և Եղիան լեռան վրա բանալիները շնորհեցին Պետրոսին, Հակոբոսին և Հովհաննեսին, երբ նրանք փոխակերպվեցին նրա առաջ» [Եկեղեցու Նախագահների ուսմունքները. Ջոզեֆ Սմիթ [2007], 105]:)
-
Մատթեոս 18.18 (Երկրի վրա և երկնքում կապելու և արձակելու մասին վկայակոչումն ակնարկում է, որ քահանայության բանալիները խոստացվել են այլԱռաքյալների:)
(տես Boyd K. Packer, The Holy Temple [1980], 81–87):
Հարցրեք ուսանողներին.
-
Ի՞նչ է նշանակում քահանայության բանալիներ:
-
Ինչո՞ւ է կարևոր, որ Առաքյալները քահանայության բանալիներ կրեն:
Խնդրեք ուսանողներից մեկին կարդալ Տասներկու Առաքյալների Քվորումից Երեց Դալլին Հ. Օուքսի հետևյալ խոսքերը.
«Քահանայության բանալիները Աստծո կողմից քահանայություն [կրողներին] տրված իշխանություն է՝ առաջնորդելու, վերահսկելու և ղեկավարելու Երկրի վրա Իր քահանայության կիրառումը» [Handbook 2: Administering the Church [2010], 2.1.1]։ Եկեղեցում կատարվող ամեն գործողություն կամ արարողություն կատարվում է ուղղակի կամ անուղղակի լիազորության ներքո նրա, ով կրում է տվյալ ֆունկցիայի բանալիները: Ինչպես Երեց Մ. Ռասսել Բալլարդն է բացատրել. «Ովքեր ունեն քահանայության բանալիները … բառացիորեն դա հնարավոր են դարձնում բոլոր նրանց համար, ովքեր հավատարմորեն ծառայում են իրենց ղեկավարության ներքո գործադրելով քահանայության իշխանությունը և հասու լինելով քահանայության զորությանը» “Men and Women in the Work of the Lord,” New Era, Apr. 2014, 4; Liahona, Apr. 2014, 48]” (“The Keys and Authority of the Priesthood,” Ensign or Liahona, May 2014, 49):
-
Ինչպե՞ս են քահանայության բանալիներն օրհնում Եկեղեցու անհատ անդամներին:
Հանձնարարեք մեկ ուսանողի բարձրաձայն կարդալ Եփեսացիս 2․19-20 հատվածը: Այնուհետև հարցրեք դասարանին.
-
Ի՞նչ ենք սովորում այդ հատվածից Փրկչի Եկեղեցու հիմքի մասին: (Ուսանողները պետք է բացահայտեն հետևյալ ճշմարտությունը. Հիսուս Քրիստոսը, ով հիմնական անկյունաքարն է, կազմակերպեց Իր Եկեղեցին առաքյալների և մարգարեների հիմքի վրա:)
-
Ի՞նչ դեր են կատարում հիմքը և անկյունաքարը շինության համար: (Հիմքը ամրություն և դիմացկունություն է ապահովում շինության համար: Հիմքում դրվող առաջին քարը՝ անկյունաքարը կողմնորոշիչ կետն է հանդիսանում հիմքի մյուս բոլոր քարերի տեղադրման համար և որոշում է ողջ կառույցի դիրքը: Այն նաև օգնում է պատերը ճիշտ տեղում կանգնեցնել:)
Հրավիրեք ուսանողներին իրենց կողքին նստած հարևանի հետ քննարկել հետևյալ հարցերը.
-
Ինչպե՞ս է Հիսուսը Քրիստոսը հանդիսանում Եկեղեցու «հիմնական անկյունաքարը»:
-
Ի՞նչ է այս սուրբ գրությունն ուսուցանում մեզ Փրկչի (անկյունաքարի) և առաքյալների ու մարգարեների (հիմքի) միջև հարաբերության մասին:
Հանձնարարեք ուսանողներից մեկին բարձրաձայն կարդալ Եփեսացիս 4․11-14 հատվածը: Դասարանին խնդրեք հետևել նրան և ուշադրություն դարձնել այն պատճառներին, որ նշում է Պողոսը, թե ինչու մենք Սրբերին առաջնորդող առաքյալների, մարգարեների և Եկեղեցու այլ ղեկավարների կարիքն ունենք:
Ցուցադրեք Տասներկու Առաքյալների Քվորումից Ջեֆրի Ռ. Հոլլանդի հետևյալ խոսքերը և հանձնարարեք որևէ ուսանողի բարձրաձայն կարդալ այն.
«Որպեսզի հիմնվեր այնպիսի մի եկեղեցի, որը կարող էր շարունակել գործել Իր ղեկավարությամբ, անգամ երբ Նա հեռանար երկրից, Հիսուսը «ելավ սարը աղոթք անելու, և բոլոր գիշերն անցրեց աղոթք անելով դեպի Աստուած:
Եվ երբոր առավոտ եղավ, կանչեց իր աշակերտները, և ընտրեց նորանցից տասներկուսին, որոնց առաքյալ էլ անուանեց» [Ղուկաս 6.12–13]:
Ավելի ուշ Պողոսը սովորեցնում է, որ Փրկիչը, իմանալով իր մահվան անխուսափելիության մասին, արեց սա տալով Եկեղեցուն «առաքյալների և մարգարեների հիմք»: [տես Եփեսացիս 2.19-20]: Եկեղեցու այդ եղբայրները և այլ պաշտոնյաներ ծառայում են հարություն առած Քրիստոսի ղեկավարությամբ:
Ինչո՞ւ: Այլ պատճառների թվում, «որ այլևս երեխայ չլինենք երերուած և տատանուած վարդապետության ամեն քամուցը մարդկանց խաբեբայությունովը որ մոլորեցնեն խաբեբայության խորամանկությունովը» [Եփեսացիս 4.14]» (“Prophets, Seers, and Revelators,” Ensign or Liahona, Nov. 2004, 6–7):
-
Ինչպե՞ս են մեր օրերի առաքյալները և մարգարեները հիմնարար ուժ ու կայունություն ապահովեում Եկեղեցու համար:
Գործք 2.1–6, 14–26; 4.1–13, 18–21; Գործք 10.9–20, 25–28, 34–35, 44–48; Գործք 15.1–20
Հիսուս Քրիստոսը ղեկավարեց Առաքյալներին Սուրբ Հոգու միջոցով
Խնդրեք ուսանողներից մեկին բարձրաձայն կարդալ Գործք 1.1-2 հատվածները: Այնուհետև հարցրեք դասարանին.
-
Ըստ Ղուկասի խոսքերի, ինչպե՞ս է հարություն առած Հիսուս Քրիստոսը երկինք համբարձվելուց հետո շարունակել ղեկավարել Իր Առաքյալներին: (Նա պատվիրաններ և հրահանգներ էր տալիս Սուրբ Հոգու միջոցով:)
Վկայեք, որ Իր Հարությունից և երկինք համբարձվելուց հետո Հիսուս Քրիստոսն առաջնորդում էր Առաքյալներին Սուրբ Հոգու ծառայության միջոցով: Որպեսզի օգնեք ուսանողներին տեսնել այդ առաջնորդության օրինակները, բաժանեք դասարանը չորս խմբի և տվեք նրանց հետևյալ առաջադրանքները.
-
Ուսումնասիրեք Գործք 2.1–6, 14–26, և գտնեք ինչպես էր Սուրբ Հոգին օգնում Պետրոսին և Առաքյալներին Պենտեկոստեի օրերին:
-
Ուսումնասիրեք Գործք 4.1-13, 18-21, և գտնեք ինչպես էր Սուրբ Հոգին օգնում Պետրոսին պատասխանել Հրեա կառավարիչներին:
-
Ուսումնասիրեք Գործք 10.9-20, 25-28, 34-35, 44-48, և գտեք ինչպես Եկեղեցում կարևոր փոփոխությունը հայտնվեց Պետրոսին:
-
Ուսումնասիրեք Գործք 15.1-20, և գտեք ինչպես Սուրբ Հոգու միջոցով Հիսուս Քրիստոսի կողմից տրված հին հայտնությունն ազդեց Պետրոսի որոշման և այն աջակցության վրա, որ Եկեղեցու մյուս ղեկավարները ցուցաբերեցին Երուսաղեմի համաժողովին:
Բավականաչափ ժամանակ տրամադրելուց հետո, յուրաքանչյուր խմբի անդամներին խնդրեք ամփոփել իրենց կարդացածը և բացատրել ինչպես Հիսուս Քրիստոսն առաջնորդեց Եկեղեցու ղեկավարներին Սուրբ Հոգու ծառայության միջոցով: Բացատրեք, որ Սուրբ Հոգին կատարում է Իր պարտականությունները Փրկչի ղեկավարությամբ (տես Հովհաննես 16.13-14):
Կարող եք օգտագործել 3 Նեփի 19.7-9, 19-20, որպեսզի ցույց տաք, որ Եկեղեցու ղեկավարները, որոնց մասին կարդում ենք Մորմոնի Գրքում, ևս ստացել են Սուրբ Հոգու օգնությունը իրենց ծառայության մեջ:
Ուսանողների հետ քննարկեք հետևյալ հարցը.
-
Ինչպե՞ս կբացատրեիք ինչ-որ մեկին, ինչո՞ւ է կարևոր իմանալ, որ Իր մահից հետո Հիսուս Քրիստոսը շարունակեց առաջնորդել Իր Առաքյալներին:
Հիսուս Քրիստոսն այսօր ղեկավարում է Եկեղեցու ղեկավարներին Սուրբ Հոգու միջոցով
Ցուցադրեք Առաջին Նախագահությունից Նախագահ Թոմաս Ս. Մոնսոնի և Նախագահ Հենրի Բ. Այրինգի հետևյալ խոսքերը (կամ բաժանեք դրանք դասարանին), և որևէ ուսանողի խնդրեք բարձրաձայն կարդալ դրանք.
«Ես վկայում եմ … որ մեր Փրկիչ Հիսուս Քրիստոսն այս եկեղեցու գլուխն է, որը կրում է Նրա անունը: Ես գիտեմ, որ այս կյանքի ամենաքաղցր զգացողությունը Նրա հուշումները զգալն է, երբ Նա ուղղորդում է մեզ Իր գործն առաջ տանելիս» (Thomas S. Monson, “Looking Back and Moving Forward,” Ensign or Liahona, May 2008, 88):
«Հայտնությունը և ոգեշնչումը տրվեցին [Նախագահ Թոմաս Ս. Մոնսոնին] իմ ներկայությամբ, ինչն ապացուցում է ինձ, որ Աստված պատվում է [քահանայության բանալիները, որ մարգարեն է կրում]: Ես ականատես եմ» (Henry B. Eyring, «Ճշմարիտ և կենդանի Եկեղեցի» Ensign կամ Լիահոնա, մայիս 2008, 24)։
-
Ձեր կարծիքով, ինչպե՞ս են այդ խոսքերը պարզաբանում Նոր Կտակարանի Եկեղեցու և Հիսուս Քրիստոսի Վերջին Օրերի Սրբերի Եկեղեցու միջև կապը: (Օգնեք ուսանողներին հասկանալ հետևյալ ճշմարտությունը. Ճիշտ ինչպես Հիսուս Քրիստոսն էր ղեկավարում Իր Առաքյալներին Նոր Կտակարանի ժամանակներում, Նա ղեկավարում է Եկեղեցու ղեկավարներին այսօր տարբեր միջոցներով, ներառյալ Սուրբ Հոգու սպասավորումը:)
Հանձնարարեք որևէ ուսանողի բարձրաձայն կարդալ Տասներկու Առաքյալների Քվորումից Երեց Ջեֆրի Ռ. Հոլլանդի հետևյալ խոսքերը: Դասարանին խնդրեք լսել և մտածել, թե ինչու պետք է Եկեղեցու ղեկավարները ղեկավարվեն Փրկչի կողմից:
«Եկեղեցու առաքելական և մարգարեական հիմքը պետք է օրհնի բոլոր ժամանակներում, սակայն հատկապես դժվարության կամ վտանգի պահերին, երբ մենք մեզ երեխաների պես ենք զգում, շփոթված և մոլորված, միգուցե մի փոքր վախեցած, երբ մարդկանց մեղսավոր ձեռքերը կամ դևի խորամանկությունները փորձում են շեղել, անհանգստացնել կամ խաբել: Այդպիսի ժամանակների համար է, ինչպիսին են նաև մեր օրերը, Առաջին Նախագահությունը և Տասներկուսի Քվորումը կանչված Աստծո կողմից և հաստատված ձեր կողմից որպես մարգարեներ, տեսանողներ և հայտնողներ, Եկեղեցու Նախագահի հետ, որը հաստատվում է որպես մարգարե, տեսանող և հայտնող, ավագ Առաքյալ, և միակ մարդը, որը լիազորված է օգտագործել Եկեղեցու հայտնության և վարչական բոլոր բանալիները: Նոր Կտակարանի ժամանակներում, Մորմոնի Գրքի ժամանակներում և մեր օրերում այդ պաշտոնյաները կազմում են ճշմարիտ եկեղեցու հիմնաքարերը, որոնք տեղադրված են գլխավոր անկյունաքարի շուրջը և իրենց ուժը ստանում են նրանից, որն է՝ «մեր Քավիչ Հիսուս Քրիստոսի` Աստծո Որդու վեմը» [Հելաման 5.12]» («Մարգարեներ, տեսանողներ և հայտնողներ», Ensign կամ Լիահոնա, նոյ. 2004, 7):
Շարունակեք՝ ուսանողներին ուղղելով հետևյալ հարցերը կամ դրանցից մի քանիսը.
-
Ձեր կարծիքով, ի՞նչ է նշանակում, որ Եկեղեցու նախագահող պաշտոնյաները «տեղադրված են շուրջը» և ուժ են ստանում գլխավոր անկյունաքարից՝ Հիսուս Քրիստոսից:
-
Ի՞նչ փաստեր եք տեսել կամ երբ եք զգացել, որ Փրկիչն ուղղորդում է նրանց, ովքեր նախագահում են Եկեղեցում այսօր:
-
Ինչպե՞ս է գերագույն համաժողովին մասնակցելն օգնել ձեզ մոտենալ Քրիստոսին և կառուցել առաքյալների և մարգարեների հիմքի վրա:
Ցուցադրեք կամ գրատախտակին գրեք հետևյալ հարցերը: Հանձնարարեք ուսանողներին մտածել հետևյալ հարցերի շուրջ և ապա իրենց անձնական կամ սուրբ գրությունների ուսումնասիրման օրագրերում այդ ոլորտները բարելավելու ծրագիր կազմել:
Ուսանողի ընթերցարան
-
Մատթեոս 10.1–4; 16.19; 17.3–7; 18.18; Գործք 2.1–6, 14–26; 4.1–13, 18–21; Գործք 10.9–20, 25–28, 34–35, 44–48; Գործք 15.1–11, 13–19; Եփեսացիս 2.19–20; 4.11–14:
-
Jeffrey R. Holland, “Prophets, Seers, and Revelators,” Ensign or Liahona, Nov. 2004, 6–9.