“Savali mai le Au Peresitene Sili,” Tamaiti ma le Autalavou o Le Ekalesia a Iesu Keriso o le Au Paia o Aso e Gata Ai: O Se Taiala Tomua mo Matua ma Taitai (2019)
“Savali mai le Au Peresitene Sili”
Savali mai le Au Peresitene Sili
O matou uso e ma tuafafine pele,
O tamaiti ma le autalavou o Le Ekalesia a Iesu Keriso o le Au Paia o Aso e Gata Ai o atalii ma afafine pele o le Atua. Ua ia i latou le gafatia e faia ai se aafiaga tele i le lalolagi.
O mataupu faavae o loo aoaoina i lenei taumafaiga mo tamaiti ma le autalavou ua fai ma auala maualuga atu ma paia atu e uunaia ai le tupulaga faiae e mulimuli ia Iesu Keriso ma faaaoga Lana talalelei i vaega uma o o latou olaga. O lenei taumafaiga tele o le a aofia ai le aoaoina o le talalelei, avanoa mo auaunaga, atinaega faaletagata lava ia, ma gaoioiga faagaeetia. O lenei taumafaiga e amata i le aiga. Ua i ai i matua se tiutetauave paia e aoao a latou fanau i le malamalama ma le upumoni. E ofo atu e taitai o le Ekalesia le lagolagosua ma le taitaiga taua i tamaiti, autalavou, ma o latou aiga.
Matou te alolofa ia te outou. E i ai lo matou talitonuga ia te outou. Matou te folafola atu o le a faaauau pea ona faamanuiaina ma lagolagoina outou e lo tatou Tama o i le Lagi a o outou taitaia ma taialaina Ana fanau i le faatuatua.
O Le Au Peresitene Sili ma le Korama a Aposetolo e Toasefululua