fāmili ʻoku nau lau folofola

Fakahinohino ki he Naunau Fakalēsoni ʻo e 2021

ʻOku ʻoatu ʻi he fakamatala ko ʻení ha lisi ʻo e naunau fakalēsoni ke ngāue ʻaki ʻi he 2021. ʻOku maʻu fakaʻilekitulōnika e ngaahi naunau ko ʻení ʻi he ngaahi lea fakafonua lahi ʻi he polokalama Gospel Library pea ʻi he ComeFollowMe.ChurchofJesusChrist.org. ʻOku fakaʻilongaʻi atu ʻa e ʻū tohi foʻou ki he 2021.

Fakafoʻituituí mo e Ngaahi Fāmilí

FOʻOU Haʻu ʻo Muimui ʻIate Au—Maʻá e Fakafoʻituituí mo e Ngaahi Fāmilí: Tokāteline mo e Ngaahi Fuakavá 2021 (16587)

Kapau ʻoku lea faka-Hilikeinoni, lea faka-Sinihala, faka-Toake, faka-Hiniti, Tamila, Teiluku, pe faka-ʻEitu, ʻa e kāingalotu ʻi hoʻo ʻiunití, fakaʻaongaʻi ʻa e Haʻu ʻo Muimui ʻIate Au—Maʻá e Fakafoʻituituí mo e Ngaahi Fāmilí: Fuakava Foʻou 2021 (16899).

Palaimelí

Kalasi Nesilií (Taʻu Motuʻa ʻo e Māhina 18–Taʻu 2)

Vakai ki Hoʻomou Fānau Īkí: Tohi Lēsoni Nesilií (37108)

Taimi Hivá mo e Ngaahi Kalasi Palaimelí Kotoa (Taʻu 3–11)

FOʻOU Haʻu ʻo Muimui ʻIate Au—Maʻá e Palaimelí: Tokāteline mo e Ngaahi Fuakavá 2021 (16588)

Kapau ʻoku lea Faka-ʻAmaleki, faka-Hilikeinoni, faka-Hiniti, Heimongi, ʻAisileni, lea faka-Laosi, Lingikala, faka-Sēpia, lea faka-Souna, Sinihala, Silovaki, lea faka-Silovēnia, Tamila, Teiluku, faka-Toake, faka-ʻEitu, Siosa, pe Sulu, e kāingalotu ʻi hoʻo ʻiunití, fakafeʻunga;i ʻa e ngaahi fakakaukau mei he Haʻu ʻo Muimui ʻIate Au—Maʻá e Fakafoʻituituí mo e Ngaahi Fāmilí ke fakaʻaongaʻi ʻi he Palaimelí, pe ngāue ʻaki ʻa e ʻū tohi lēsoni ʻa e Siasí maʻá e fānaú.

Lautohi Faka-Sāpaté

Lautohi Faka-Sāpate Maʻá e Kakai Lalahí mo e Toʻu Tupú

FOʻOU Haʻu ʻo Muimui ʻIate Au—Maʻá e Lautohi Faka-Sāpaté: Tokāteline mo e Ngaahi Fuakavá 2021 (16589)

Kapau ʻoku lea Faka-ʻAmaleki, faka-Hilikeinoni, faka-Hiniti, Heimongi, ʻAisileni, lea faka-Laosi, Lingikala, faka-Sēpia, lea faka-Souna, Sinihala, Silovaki, lea faka-Silovēnia, Tamila, Teiluku, faka-Toake, faka-ʻEitu, Siosa, pe Sulu, e kāingalotu ʻi hoʻo ʻiunití, fakafeʻungaʻi ʻa e ngaahi fakakaukau mei he Haʻu ʻo Muimui ʻIate Au—Maʻá e Fakafoʻituituí mo e Ngaahi Fāmilí ke fakaʻaongaʻi ʻi he Lautohi Faka-Sāpaté, pe ngāue ʻaki e ʻū tohi lēsoni kehe ʻa e Siasí.

Kōlomu ʻo e Kaumātuʻá mo e Kau Fineʻofá

“Ko e Ako mei he Ngaahi Pōpoaki ʻo e Konifelenisi Lahí” (paaki e pulusinga ʻoku maʻu ʻi he ngaahi tatau konifelenisi ʻo e Ensign pe Liahona)

Kapau ʻoku lea Faka-ʻAmaleki, faka-Hilikeinoni, faka-Hiniti, Heimongi, ʻAisileni, lea faka-Laosi, Lingikala, faka-Sēpia, lea faka-Souna, Sinihala, Silovaki, lea faka-Silovēnia, Tamila, Teiluku, faka-Toake, faka-ʻEitu, Siosa, pe Sulu, ʻa e kāingalotu ʻi hoʻo ʻiunití, akoʻi ʻa e ngaahi pōpoaki mei he konifelenisi lahi fakamuimuí ʻokú ne feau e ngaahi fiemaʻu ʻa e kōlomu ʻo hoʻo kaumātuʻá pe Fineʻofá, pe ngāue ʻaki e ʻū tohi lēsoni kehe ʻa e Siasí.

Lakanga Taulaʻeiki Faka-ʻĒloné mo e Kau Finemuí

FOʻOU Haʻu ʻo Muimui ʻIate Au—Maʻá e Ngaahi Kōlomu ʻo e Lakanga Taulaʻeiki Faka-ʻĒloné mo e Ngaahi Kalasi ʻa e Kau Finemuí: Ngaahi Tefito Fakatokāteliné 2021 (16639)

Kapau ʻoku lea Faka-ʻAmaleki, faka-Hilikeinoni, faka-Hiniti, Heimongi, ʻAisileni, lea faka-Laosi, Lingikala, faka-Sēpia, lea faka-Souna, Sinihala, Silovaki, lea faka-Silovēnia, Tamila, Teiluku, faka-Toake, Siosa, Sulu, pe faka-ʻEitu, e kāingalotu ʻi hoʻo ʻiunití, fakaʻaongaʻi e ngaahi lēsoni ʻi he vahe 3 ʻo e Malangaʻaki ʻEku Ongoongoleleí (16229). Te ke lava foki ʻo faiako mei he ngaahi pōpoaki konifelenisi te ne feau e ngaahi fiemaʻu ʻa hoʻomou toʻu tupú.

Ngaahi Houalotú Kotoa

Fakataha Alēlea ʻa e Kau Faiakó

Ko e Faiako ʻi he Founga ʻa e Fakamoʻuí

Ngaahi Kalasi Kehé (kapau ʻoku maʻu ʻa e ʻū tohi lēsoní)

Ko e ngaahi kalasi ki hono fakamālohia ʻo e nofo-malí mo e fāmilí, teuteu ki he temipalé, mo e teuteu ngāue fakafaifekaú, he ʻikai ke toe fai ia he houa hono ua ʻo e lotú. Kae fakatatau mo e fakahinohino ʻa e pīsopé pea mo e ngaahi fiemaʻu fakalotofonuá, ʻe lava ke akoʻi e ngaahi kalasi ko ʻení ʻi ha taimi kehe ki he fakafoʻituituí, ngaahi fāmilí, pe ngaahi kulupú.

Ko e Nofo-malí mo e Ngaahi Fetuʻutaki Fakafāmilí

Tohi Lēsoni ʻa e Faiakó ki he Nofo-malí mo e Ngaahi Fetuʻutaki Fakafāmilí (35865) mo e Tohi Fakahinohino Ako ʻa e Kau Ako ki he Nofo-malí mo e Ngaahi Fetuʻutaki Fakafāmilí (36357)

Teuteu ki he Temipalé

Fakakoloaʻi mei ʻOlunga: Tohi Lēsoni Maʻá e Faiako Seminā Teuteu ki he Temipalé (36854) mo e Ko e Teuteu ke Hū ki he Temipale Māʻoniʻoní (36793)

Fakahinohino ki he ʻOta Fakataʻu ʻo e Naunau Fakalēsoni ʻa e ʻIunití,

ʻI he 2021, ʻe maʻu ʻe he kau pīsopé mo e kau palesiteni fakakoló ha tatau kuo ʻosi paaki ʻo e Haʻu ʻo Muimui ʻIate Au—Maʻá e Fakafoʻituituí mo e Ngaahi Fāmilí ke tufa ki he kau mēmipa ʻi honau ngaahi ʻiunití. Te nau maʻu ha tatau ʻe taha maʻá e ngaahi fāmili mālohi takitaha ʻi he ʻiunití. He ʻikai ke tohi moʻua atu ʻa e totongi ʻo e ngaahi tatau ko ʻení ki he ngaahi ʻiuniti fakalotofonuá. Ka neongo ia, ʻe fie maʻu ʻa e ngaahi ʻiunití ke ʻota mo totongi e ngaahi tatau kuo paaki ʻo e ngaahi tohi lēsoni ʻoku fakaʻaongaʻi ʻi he Palaimelí, Lautohi Faka-Sāpaté, mo e Lakanga Taulaʻeiki Faka-ʻĒloné mo e Kau Finemuí.

Te ke lava ʻo ʻota e ngaahi naunau ʻa e ʻiunití ʻo kamata ʻi he ʻaho 30 ʻo Sune, 2020. Kātaki ʻo fakahū mai hoʻomou ʻotá ʻo ʻikai toe tōmui ange ʻi he ʻaho 31 ʻo ʻAokosi, 2020. Ko e ngaahi naunau ʻe ʻota hili ʻa e ʻaho ko ʻení he ʻikai ke maʻu atu ia ʻi he ʻaho 1 ʻo Sānuali 2021. Ke ʻota e ngaahi naunau kuo pākí, hū ki he store.ChurchofJesusChrist.org, fili ʻa e Ngaahi ʻIunití mo e Ngaahi Uiuiʻí, pea fili ʻa e Naunau Fakalēsoni Fakataʻú.

Fakakaukau ki he ngaahi fehuʻi ko ʻení ke tokoni atu ke mou fakaʻehiʻehi mei hono ʻota ha ngaahi tatau kuo paaki ʻo lahi ange he meʻa ʻoku fie maʻú:

• Ko e ngaahi tatau ʻosi paaki ʻe fiha ʻo e naunau takitaha kuo ʻosi maʻu ʻe homou ʻiunití?

• Ko e kau faiako ʻe toko fiha ʻoku nau fakaʻaongaʻi e ngaahi naunau fakaʻilekitulōniká kae ʻikai ko e ngaahi tatau kuo pākí?

Naunau Maʻá e Kau Faingataʻaʻia Fakaesinó

ʻE lava foki ke maʻu atu e naunau ki he ongó, tohi maʻá e kakai kuí, pe naunau ʻoku paaki mata lalahí ʻi he store.ChurchofJesusChrist.org.