Ինստիտուտի «Խորացնել ուսումնառության փորձառությունը» դասընթացի նախաբանը
Սեղմեք այստեղ՝ PDF ֆայլը ներբեռնելու համար։
«Խորացնել ուսումնառության փորձառությունը» (ԽՈւՓ) դասընթացի նպատակն է՝ ուսանողներին հնարավորություն ընձեռել Աստծո խոսքի վերաբերյալ իմաստալից փորձառություններ ձեռք բերել: Ուսանողներն ամենայն հավանականությամբ կհասնեն սրան, երբ նրանք համակողմանի հասկանան, կիրառեն Հիսուս Քրիստոսի ուսմունքները և կիսվեն դրանցով: Յուրաքանչյուր դասընթացին միավորներ վաստակելու համար պահանջվում է ավարտել ԽՈւՓ-ի հետևյալ երեք տարբերակներից մեկը.
-
Խորացնել ուսումնառության հարցերը. ուսանողները խորհում են և պատասխանում ուսումնասիրության հարցերին դասընթացի ընթացքում: Չորս հիմնական դասերից յուրաքանչյուրի համար կան հատուկ հարցեր, ինչպես նաև մի հիմնական ընտրովի տարբերակ՝ մյուս բոլոր դասընթացների համար: Ստորև գտնվում են ուսումնասիրության հարցերի կապուղիները:
Հավերժական ընտանիքը (Կրոն 200)
Վերականգնման հիմունքները (Կրոն 225)
Հիսուս Քրիստոսը և հավերժական ավետարանը (Կրոն 250)
-
Դասընթացի ուսումնասիրության օրագիր. ուսանողները կանոնավոր գրի են առնում այն, ինչ սովորում են, ինչպես են նրանք կիրառում այն և ինչպես են նրանց փորձառությունները զորացնում իրենց հավատքն առ Հիսուս Քրիստոս:
-
Անձնական ուսումնառության նախագիծ. ուսանողները ծրագրում և ավարտում են մի անձնական ուսումնառության նախագիծ, որն արժանացել է իրենց ուսուցչի հավանությանը: Նախագիծը ցույց է տալիս դասընթացում ներկայացված վարդապետությունների և սկզբունքների ուսումնասիրությունն ու կիրառումը և ամփոփում է, թե ինչպես է զորացվել ուսանողների հավատքն առ Հիսուս Քրիստոս:
Որպեսզի ուսուցանեք, թե ինչպես օգտագործել «Խորացնել ուսումնառության փորձառությունը» դասընթացը, դիտեք «Ինչպես օգտագործել «Խորացնել ուսումնառության փորձառությունը» տեսանյութը (LDS.org):
Ուսանողները ձեռք կբերեն առավելագույնը այս փորձառությունից, եթե նրանք վաղ սկսեն, կանոնավոր աշխատեն դրա վրա, որոնեն արձագանքներ, կիսվեն իրենց փորձառություններով իրենց ընտանիքի և ընկերների հետ՝ ինչպես անհատապես, այնպես էլ սոցիալական կայքերում: Դասաժամը կարելի է այնպես պլանավորել, որ հնարավորություններ ընձեռվեն ուսանողներին բացատրելու, կիսվելու և վկայելու այն մասին, թե իրենք ինչ են սովորել Հիսուս Քրիստոսի և Նրա ավետարանի մասին: Յուրաքանչյուր դասից հետո ուսանողները կարող են ավելացնել կամ վերանայել իրենց անձնական ուսումնառության նախագծերը, որպեսզի ցույց տան ավետարանի սկզբունքների վերաբերյալ իրենց անձնական հասկացողությունն ու կիրառությունը:
Լրացուցիչ տեղեկություններ կարելի է գտնել Ինստիտուտի «Խորացնել ուսումնառության փորձառությունը» դասընթացի վերաբերյալ հաճախակի տրվող հարցերում (ՀՏՀ):
Խնդրում ենք ուղարկել դրանք la-feedback@ChurchofJesusChrist.org: